IBƏRANIKWA 12:15 - Bible Zulgo

¹⁵ Gwim metsehe, aɗaba wura ilik ma ta mà a dəba aà dukw ŋgwal ŋa ana Mbulum a waya aà meger a tsa. Gwim metsehe asa ka, wura ilik ma ne kamala dukw ana a ndza ɗìwèkìke, dite ka, a nis a à gà dukw ŋgiɗ a tsa. Medzìbe gà mburma ata ka, ta hitse a à dukw ana mawùràba ŋa ya, ti nis a à mendze mburma hinne asa.

IBƏRANIKWA 12:15 Iomraidhean Croise

Luka 22:32

Ama kə̀la ka, Yàa hama a Mbulum agəra kər, dite ka, ka miyak à megìse ana kə̀ gəs ŋgat a kweleŋ tsa. Dite i təv ana, aləka, kàa màra a təv ga ya ka, ki ta vile a ndzəɗa a ba a gà damər yak mba.»

1 Kurintiya 10:12

Aɗaba taŋa, wele ana a gweɗe a, waytsà iye mehìtsè ŋa ika vatwa Mbulum dzèŋŋe ya ka, say ma ge metsehe, tsəka, a ti dìɗ a ika vatwa Mbulum a.

1 Kurintiya 13:8

Mawàyà mburma ka, à ndìv a tsa, a ndze a aà biybiy. Ama gà bazlam Mbulum ana ta màwa dər a mburma ya ka, tì ndìv a mba. Dite ku mege tàa ŋgat ndzəɗa aà metsìkè gà ahəm ana tar tə sər tsiye tekeɗe, a ti ndìv a mba asa. Masəra gà dukw ana mburma tə səraya nda təv Mbulum a tekeɗe ibam, à ti ndìv a mbaŋa asa.

1 Kurintiya 15:33

Aɗaba taŋa, ka banum ba kurum tsa. Sərum dər ka, na ki ndzwim a i təv ilik ŋa nda gà na ta ge a bakal a ka, kurum tekeɗe, ki dìɗwim a a bakal bise, kamala tar a mbaŋa. Ti nis a à mede kurum ana ŋgwal ŋa ya.

1 Kurintiya 5:6

Aàmala na ki gwim a zlapa kataya dze ya? Ŋgwala tsa na taŋa ya. Kurum kà sərum ti tsiye, na bazlam ata ta gwa ka, giɗe ana a kwasawa à duwa ya, ku mege tə ndà aaka kwizikw tekeɗe ka, a kwese a dər hinne ya? Kamala taŋa ya, bakal ŋa, ku mege kwizikw tekeɗe ka, wànə̀nə̀nna à sìkèh a aka miɗ aka miɗ, haa a nis a à mayahaba gər kurum fit kweleŋ.

2 Kurintiya 13:5

Kinehe ka, dzikwim à ba kurum nda təv megìse dzekwiŋ. Kà samatum lele, aà ka sərum dər, wànà kàa gəsum Yesuw ana, nda ndzer a? Aɗaba kurum kà sərum, Yesuw Kiristi ka, ŋgat mandza ŋa i gəzləŋ kurum ana, wànà kà sərum tsiye? Na kataya tsəka, kàa dzawum ika vatwa ŋgar a.

2 Kurintiya 6:1

Kamala taŋa ya, mìi ge akaba a megemir ka, i təv ilik ŋa nda Mbulum. Agəra taŋa, mìi ge a kurum a kamkam: Ŋgwal Mbulum ana a ge a kurum a ka, ma ne taf masakəŋa tsa.

GALATIYA 2:13

Gà asiŋ gà Yahuda ana i fataya, metsehe tar a mbəɗ aba, ta ge kamala ana Piyer a ge ya mbaŋa. Ku mege Barnabas tekeɗe, a ge aà ter a are, a waya ti zim akaba a ɗaf nda gà tar ana gà Yahuda tsiye, tsa mbaŋa. A dza ba aà mimbehe a tar are kamala tar a mbaŋa.

GALATIYA 5:4

A kurum gà mburma ana kù gwaɗum ka, Mbulum a ne à mər a gà ŋgwal ŋa ika miɗ ŋgar, agəra ana mìi zezem a məpala ahəm gà Yahuda ya ka, taŋa kurum nda gà Kiristi ka, zàmtàkàlla kàa zùm aba, kurum mandza ŋa i təv ilik ŋa asa tsa. Kàa mbəɗum dəba a ŋgwal dukw ana Mbulum a ge a kurum a.

EFESIYA 5:3

Kurum ka, gà mburma Mbulum na kinehe ya. Aɗaba taŋa, kurum ka, ki gwim mezelme nda təv muva, nda mege dukw hwarwa ana pampam a, nda mege are asa tsa. Ka ta fàfəlawum aà dukw ata tsidze.

KULUSIYA 3:5

Aɗaba taŋa, miyakum à dukw ana ŋgwala tsa, kà dzalawum i gəzləŋ kurum a. Fə̀rum aà dukw ata ka, kamala ana aka mət, a sle a aà makwàrà kurum asa tsiye ya. Miyakum à mege mezelme nda təv muva, nda mege dukw hwarwa ana pampam a, nda gà ka ti nwim gà mìbìylà ŋa tsa mbaŋa. Ama meèweke ba kurum ma ta kwara kurum asa tsidze. Izittè ka ta gwim are aka dukw mburma tsa asa mbaŋa, aɗaba ana kàa gwim are aka duwa kamala taŋa ya ka, dukw ata a ne a kamala mbulum kurum a.

TITUS 1:15

I təv gà na gəzləŋ tar tsəɗaŋŋa məbàrà ŋa lele ika miɗ Mbulum a ka, dukw ana ta ge a tserdze ya tekeɗe, tsəɗaŋŋa ŋgwal ŋa lele mbaŋa.*fa* Ama gà na gəzləŋ tar ga ŋgwal ŋa tsa, ta gəs ahəm aà Mbulum tsiye ka, duwa a riŋ tsəɗaŋŋa i təv tar tsidze. Dukw ana tə dzalawa ya ka, ŋgwal ŋa tsa. Dite ku mege a sàs a tar mege dukw ana ŋgwal ŋa tsiye tekeɗe ka, gəzləŋ tar a wir a tsa, aka ne ba tar.

IBƏRANIKWA 3:12

Gà damər gà, gwim metsehe, aɗaba gəzləŋ wura ika magər kurum ma ta ge makula ŋa kamala taŋa ya tsa, dite ka, a niw a magəsa Mbulum, à mbìɗer a dəba, a ŋgat ana mala məvəla mesife ya tsa.

IBƏRANIKWA 4:1

Akahər ata ka, Mbulum aka tsik duwa i sida ya. A gwa ka, a ta vile a kwa a vatwa aà mede a təv mendze ŋgar ata zayya, ki sìfìkikwe a iɗəm ba ya. Dukw ata ka, aka mbər metsike a kwa i sida ya ka, a riŋ hiywe, a dzeye a tsa. Aɗaba taŋa, gekwa metsehe lele, dite ka, wura ilik ika magər kurum a, ma ta məts a dəba ze mede aɗəm tsa.

IBƏRANIKWA 4:11

Aɗaba taŋa, mərakwa aaka aba, dite ka, kə ŋgatakwa vatwa aà mede a təv mendze ŋgar ata zayya ŋa, ki sìfìkikwe a iɗəm ba ya. Gekwa metsehe, wura ilik ika magər kwa ya ma ta mà a dəba kamala gà tsir kwa ata ta gəs ahəm aà Mbulum tsiye tsa.

IBƏRANIKWA 6:11

Ama a sàs a mər ka, ku weke mə̀ mər aba kataya kəla pat, haa a pat mandəvandəv gər ahəɗ, dite kə ŋgatum dukw ana ka dzalum, Mbulum a gwa ka, i ta vile a kurum a ya.

2 Piyer 1:10

Aɗaba taŋa, gà damər gà, mərum aba, ka miyakum à mege gà dukw ata tsidze, aɗaba mezele ana Mbulum a zal a kurum, a pala kurum a ka, ki gwim kataya. Na kàa gwim gà dukw ata ka, ki dzeywim a ika vatwa Mbulum a tsidze.

2 Piyer 2:18

Tar riŋ tì sìkèh a à ba tar ika miɗ mburma nda metsìkè aà tar bazlam ana taf masakəŋa ya. Ta bene a dər gà mburma ana kinehe tar riŋ ihər ti dere a i liwiŋ gà na mandza ŋa i luvuŋ, tə sər Mbulum tsiye, nda gireŋ a asa. Aɗaba a sàs a tar ka, tə dara a təv tar a, ta ge dukw ana gà meèweke ba tar ana ta gewa ya mbaŋa.

2 Piyer 3:11

Na gà dukw ata tserdze ya, tì ndìv a kataya ka, gwim metsehe lele na i təv mendze kurum ana ki ndzwim a ya. Ama say ki ndzwim a ka, tsəɗaŋŋa lele. Zazamum nda gəzləŋ kurum ilik. Gəsum ahər ahəm nda təv gà duwa tserdze.

2 Piyer 3:14

Aɗaba taŋa, a kurum gà masla gà ana i waya kurum hinne ya. I tsik a kurum a ka, a kurum ana kurum riŋ ihər i vevwim a pat ana Yesuw Kiristi à mère a ya ka: Mərum aba nda ndzəɗa kurum fit dze, na dite mendze kurum ana ika miɗ Mbulum a ge a ŋgwal ŋa, ələk a fata ka, bakal a ge a i təv kurum tsidze ya. Sərum ba nda gà ŋgat i gəzləŋ kurum zayzay lele.

2 Yuhana 1:8

Aɗaba taŋa kinehe ka, gwim metsehe, megemir kurum ana kì geywim tserdze ya ka, ma ti ne taf masakəŋa tsa. Ama ka, ɗum, ki ŋgetwim a dukw mayaba kurum ata Mbulum a gwa, i vile a kurum a ya fit dze ivaɗ.