IBƏRANIKWA 12:1 - Bible Zulgo

¹ Kwa kinehe ka, kwa ihər ki ŋgetekewe a a gà mburma ata hinne, ti le a kwa tits, dite ti ɗif a kwe a dər, meme na ki gìsekwe a Mbulum a. Aɗaba taŋa, miyakukwa aba à gà dukw ana tserdze ta ŋgeye a kwa teztez a. Gwàtsakukwa aba à gà dukw bakal ana ta gese a kwa nda ndzəɗa ya mbaŋa. Kà mərakwa aba, kà tàkwa aka miɗ aka miɗ nda metìze sah lele, ka ndzekwa a təv ana ki tèkwe aɗəm a ya.

IBƏRANIKWA 12:1 Iomraidhean Croise

Mata 10:22

Gà mburma tserdze, ku weke tekeɗe, ti ne a kurum a are, aɗaba ana kurum gà mburma gà ya. Ama wur ana ədəts aka gəs gəzləŋ, aka simeraha haa a pat ana mesife ŋgar à ndìv a ya ka, Mbulum a mbil a dər.

Mata 24:13

Ama wur ana ədəts aka gəs gəzləŋ, aka simeraha haa a pat ana mesife ŋgar à ndìv a ya ka, Mbulum a mbil a dər.

Markus 10:50

I dəba ŋa ya, wele ata a hitse aà mbulum tsara. Kètsèkètsè ŋgar duwa ihər zùbəl ŋa, a mba dər aà mede tsa. A yà aba ya. A mbàha aba a təv ŋgar.

Luka 12:15

I dəba ŋa ya, Yesuw a gwaɗa a mburma tserdze: «Gwim metsehe nda təv məburnun mawàyà limana ana hinne ya. Aɗaba mesife mburma ana ndzer a ka, a ndze a ka, nda gà dukw ŋgar tsa, na mege ku ŋgat a riŋ nda gà limana hinne tekeɗe ya.»

Luka 16:28

aɗaba gà damər gà a riŋ iɗəm ə̀zləm, ma daha, ma tsik a tar aba ya dzekwiŋ te, mi be a tar à ɗaf, dite ka, tar tekeɗe, tə ta wiyera aba a təv mesewere are gà aaha ya asa tsa te.>

Luka 21:34

«Gwim metsehe, kaslum ba kurum, ka ta kwayum tsa. Ka ta gwim məburnun tsa, dite ka tə dzalum gà gər aka dukw gər ahəɗ tsa asa. Aɗaba gà dukw ata na ta ge a madzək a metsehe kurum a. Na kàa kaslum ba tsa, dite kurum tekeɗe, aà gà dukw ata mbaŋa ka, pat ana a dere a ya ka, gər melek, ki sirwim a aà pat ŋa tsa.

Yuhana 3:32

A tsik a ka, aà dukw ana a tsaraka ya, ndəna a ŋgatar a. Ama ku mege kataya tekeɗe ka, wura a gəs bazlam ŋgar tsa.

Yuhana 4:39

Ama ka, gà Samariya ana i kwite ata ya hinne, ta gəs Yesuw nda gəzləŋ tar, aɗaba ana məkəs ata a gwaɗa a tar: «A ɗemiŋ dukw ana iye i gewa akahər ata tserdze ya» ya.

Yuhana 4:44

Ama kə̀la ka, Yesuw nda gər ŋgar a gwa: «Ta gis a mala məma à guma Mbulum i kwite ŋgar tsa.»

RUMA 12:12

Ŋgayawum ba aɗaba madzala gà gər aka dukw ana Mbulum a gwa, i ta vile a kurum a i sida ya ya. I təv ana ki sèwèrwim a are ya ka, mərum aba sah lele, bàsumaraha. Hamum a Mbulum kəla pat, kà yum ba tsa.

RUMA 2:7

Kamala taŋa ya, gà asiŋ gà mburma ana ta gewa dukw ana ŋgwal ŋa ya, nda mayaha mezlibe ana Mbulum à zlibe a à tar, a sàs a tar a tsik aà ter a dukw ana ŋgwal ŋa ya,*fa* ta waya maŋgata mesife ana à ndìv a tsiye mbaŋa. Tar ka, Mbulum a vile a ter a mesife ata à ndìv a tsiye kaɗəŋ.

2 Kurintiya 7:1

A kurum gà masla gà ana i waya kurum hinne ya. Mbulum aka tsik a kwa i sida ya, a gwa, a ta vile a kwe a gà dukw ata tserdze ya. Aɗaba taŋa, say barakwa dukw ana ŋgwala tsiye, aà ba kwa ya, dite ma ne tsəɗaŋŋa na i təv are Mbulum a. Kà barakwara dukw ana ŋgwala tsa i gəzləŋ kwa ya asa mbaŋa. Mede kwa ana ki tèkwe a ika vatwa Mbulum a, ma ge ka, kamala ana ŋgat a waya ya. Ka hənakwar à gər a bəɗ tiɓìzl lele.

GALATIYA 2:2

I mbəɗ gər a fata ka, aɗaba Mbulum a gweɗiŋ, ge kataya. I ndzeha a fata ka, mì yahaba gər nda gà bàba ŋa ana ika magər gà mburma Mbulum a, kətsah a zlawak zaakwa. I ɗif a tar à bazlam ŋgwal ŋa na i tsikewa a gà na tə sər Mbulum tsiye ya. Aɗaba i waya megemir gà ana i gewa piŋŋe ya, tsikw aà na i da dər a təv tar tekeɗe ka, ma ne taf masakəŋa tsa.

GALATIYA 5:7

Malahalah ŋa ka, kurum ihər ki dwim a aka miɗ aka miɗ nda mege gà dukw ana ŋgwal ŋa ya dze ana, weke na a pala a kurum ahəm aà mazazama gà dukw ata ndzer ŋa ya ya?

EFESIYA 4:25

Aɗaba taŋa, kà sàsum pàrsa asa tsa, ku mege weke ma tsik ndzer ŋgar a mburma.*fb* Aɗaba kwa ka, ilik na i təv Yesuw Kiristi ya.

FILIPIYA 1:30

Kurum ka, kàa ŋgatum a məmərà aba gà ana ika vatwa Mbulum akahər ata ya. Ama kinehe tekeɗe ka, kurum riŋ ihər ki tserekwimiŋa, meme na i ge a gùvəl ata hiywe mba ya. Dite kurum tekeɗe, kàa patsum aɗəm, kurum riŋ ihər wìskikiɗkiɗ ki gwim a gùvəl ata mbaŋa.

FILIPIYA 2:16

Dite kurum asa mbaŋa na ki tsikwim a ter a bazlam ana a vile a mesife a mburma ya ya. Na kàa gwim kamala taŋa ya ka, a pat ana Yesuw Kiristi à mère a ya ka, i ŋgeye a ba ika miɗ ŋgar, aɗaba kurum. Aɗaba i sir a dər, megemir gà ana i ge nda mawura ba ŋa tserdze ya ka, i ya ba ka, taf masakəŋa tsa.

2 TIMUTE 2:4

Kamala taŋa ya, sliwdze ana ndzer ŋa a de a a gùvəl ka, a wisebe a à gər nda megemir ana i ma ŋgar ŋa ya asa tsa. Aɗaba a sasar megemir ŋgar ma da a gər ka, a batsah ŋgar ŋa ɗekɗek pəra.

2 TIMUTE 4:7

Iye ka, Yàa ge megemir Yesuw Kiristi nda gəzləŋ ilik, kamala gà wele ana tì dzìr a ba aà mivele, ta mir aaba a sàh lele ya. Yàa ndəv à dukw ana Mbulum a gweɗiŋ, ge ya, kamala gà wele ata ta vel a a təv ana ti ndisl aɗəm a ya. Yàa gəs Yesuw Kiristi nda gəzləŋ ilik. Yàa məsak dər tsa.

IBƏRANIKWA 6:15

Abəraham ibam, a tsaraka kataya ka, a gəs nda gəzləŋ ɓəŋɓəŋ lele, a veve a dukw ana Mbulum a tsiker a. I dəba ŋa ya ka, a ŋgat dukw ana Mbulum a gwaɗar, i ta vilek a ndzer a kuɗa.

YAKUBA 1:3

Aɗaba kà sərum, medzike ata ti dzik a à kurum a ka, na bəla kàa miyakum à magəsa Mbulum tsəka, à sìkèh a kurum a à ndzəɗa a gəzləŋ kurum ɓəŋɓəŋ lele.

1 PIYER 2:1

Aɗaba taŋa, miyakum aba à gà bakal ana i gəzləŋ kurum a tserdze. Kà sàsum pàrsa asa tsa. Mimbèhè are ma ge i təv kurum tsa. Ki gwim are aka dukw mburma tsa, dite nda gà mezelme bazlam ana ŋgwal ŋa tsiye tserdze, ma ge i təv kurum tsa asa mbaŋa.

1 PIYER 4:2

Daga aà kinehe ya, na kurum mandza ŋa ɗa ika gər ahəɗ tə̀ma ka, ndzum ka, kamala ana a sàs a Mbulum a, tsəka, meèweke ana i ba kurum a, ma ta kwara kurum asa tsa.

1 PIYER 5:1

Kinehe ka, iye ihər i fèfil a a gà bàba ŋa ana ika magər kurum gà mburma Mbulum a. Iye tekeɗe ka, batsah ŋa mbaŋa. Na a ne mala sida mesewere are Yesuw Kiristi ka, iye ŋa naha. A pat ana Mbulum à mère a à Yesuw a təv kwa ya ka, gà mburma tì zlibe a à ŋgat parakkà aà are mburma tserdze. Iye tekeɗe, i ti zlibe a à ŋgat a hinne mbaŋa. Aɗaba taŋa, iye ihər i ge a kurum a kamkam:

1 PIYER 5:12

Silas na a zlèk iye aà mewetse a kurumaha kəla wakita aaha ya. Aɗaba i sər, ŋgat ka, damər gà ndzer ŋa ana ika vatwa Mbulum a. I wetse a kurumaha bazlam aaha ka, aà məma a kurumaha à arəv, dite kə̀ ŋgatum ndzəɗa. I tsik a kurum taŋa ka, aka gər ŋgwal Mbulum ana a ge a kwe a nda ndzer kaɗəŋ a. Kamala taŋa ya na i tsik a kurum mbaŋa ya. Mərum aba aà dukw ata.

2 Piyer 1:6

Ama ka, metsehe ɗekɗek tsa. Gəsum gəzləŋ i təv duwa ya tserdze mbaŋa. I təv ana kurum ihər ki kwerwim a ba kurum kamala taŋa ya ka, mərum aba. I təv məmərà aba kurum ata ya tekeɗe ka, gəsum ahəm aà Mbulum lele.

Sunwa Yuhana 1:9

Iye Yuhana, damər kurum na a wetse a kurumaha wakita aaha ya. Iye nda gà kurum ka, kwa mandza ŋa i təv ilik ŋa nda gà Yesuw Kiristi. Aɗaba taŋa, iye kinehe ka, i sèwèr a are kamala kurum a mbaŋa. Iye riŋ ihər i bès a gəzləŋ mesewere are ata nda gà kurum, na dite ki ndzekwe a i *mekwere Mbulum ana a kwere a ya, nda gà kurum tserdze asa mbaŋa ya. Iye ka, ta gəs iye, tə da à iye aka ahəɗ ana malàwàrà ŋa nda yam, tə zalar Patmus a. Megìse ana ta gəs iye ya ka, agəra ana i tsikewa bazlam Mbulum parakkà, i gwaɗawa ka: «Yesuw na a ɗif a kwa à vatwa ndzer ŋana ya.»

Sunwa Yuhana 13:10

Wele ana Mbulum aka gwa ahər, ta gəs a daŋgay a ka, ta gis a ŋgat kaɗəŋ. Dite wele ana Mbulum aka gwa, ta kəɗ nda màsalamà ya tekeɗe ka, ta kiɗ a dər ŋgat kaɗəŋ asa. Aɗaba taŋa, gà mburma Mbulum ka, say ta gəs gəzləŋ, tə da aka miɗ aka miɗ nda magəsa ŋgat. Kamala taŋa ya ka, gəzləŋ tar a ndze a ɓəŋɓəŋ lele.»

Sunwa Yuhana 22:16

«Iye Yesuw na i slər a kurumara gawla Mbulum gà ya, na dite a ɗif a kurum à dukw ata, a kurum gà mburma Mbulum ana mayahaba gər ŋa i təv ilik ŋa, ku mege i ŋga tserdze ya. Iye ka, wele ana kà vavawum ɗa ŋgat daga piŋŋe ya. I dara ka, i gwala Dawda a. Dite iye asa ka, *mawusawus madə̀và mbulum ana a də̀v parakkà lele ya.»

Sunwa Yuhana 3:10

Kurum ka, kàa gəsum aà iye ahəm, kàa mərum aba i təv gà mesewere are ya, kamala ana i tsik a kurum a. Aɗaba taŋa, i kesle a kurum a pat gà mesewere are ana ti ti dere a ika miɗ mba ya. Ama ti dere a ka, aka gər gà mburma ana ika gər ahəɗ a tserdze, aà medzìkè à tar.