IBƏRANIKWA 11:6 - Bible Zulgo

⁶ Na wura aka gəs Mbulum nda gəzləŋ tsəka, a sle aà metsehine ahər a tsidze. Na wura a sasar mada a təv ŋgar ka, say mà gəs ŋgat nda gəzləŋ, ma sər ka, Mbulum a riŋ dukw ŋgar. Dite ma sər dər ka, Mbulum ŋgat mala mege ŋgwal ŋa a gà na tar riŋ ti yehe a ŋgat a mbaŋa.

IBƏRANIKWA 11:6 Iomraidhean Croise

Mata 11:26

Kataya Tsir gà, lele na ki ge a taŋa ya. Taŋa ka, kamala ana a sàsabak nda gər yak a.»

Mata 5:12

Ŋgeywim ba hinne, gəzləŋ kurum ma ndza ndzəɗakkà ivaɗ, aɗaba Mbulum a ta vile a kurum a dukw maya ba kurum i gər ŋa i mbulum ka, batsah ŋa. Ama sərum dər ka, tàa ge dukw ana ŋgwal ŋa tsiye hinne, a gà ɓəzla məma à guma Mbulum ana tə lah ahər ɗa ya ka, kataya mbaŋa.»

Mata 6:16

I dəba ŋa ya, a gwaɗa a tar asa: «Na ki gwim a ndəra ka, ka ta gwim kamala gà ɓəzla mimbèhè are ana ta mbehe a are a Mbulum a tsa. Aɗaba tar ta gewa ndəra ka, ɓìrìzl ɓìrìzl ta mbìɗ a à are tar kamala ana tar ka, gà məməta ŋa ya, dite gà mburma ta fə̀r aà tar, ta gwa aà tar ka, gà ɓəzla mege ndəra nda ndzer kaɗəŋ. Iye ihər i gweɗe a kurum a nda ndzer: Tar ka, tàa ŋgat dukw mayaba tar aka ndəv.

Mata 6:33

Ama malahalah ŋa ka, dzalum aka mekwere ŋgar, dite ki gwim a ka, dukw ana a waya ya ivaɗ. Na kàa gwim kamala taŋa ya ka, a vile a kurum a gà asiŋ gà dukw ŋgiɗ ana ti sle aà kurum a ya tserdze mbaŋa.

Mata 6:5

I dəba ŋa ya, Yesuw a gwaɗa a tar asa: «Na ki hemwim a a Mbulum ka, ka ti nwim kamala gà ɓəzla mimbèhè are ana ta mbeher a ya tsa. Aɗaba tar ta hamawa ka, ta hitsewa dər aà mbulum aka miɗ mburma parakkà i gà ga mahàmà a Mbulum, kige tsa, ika makə̀zlàkə̀zla gà vatwa tekeɗe ya. A sàs a tar ka, gà mburma ta fə̀r aà tar, ta gwa aà tar ka, gà ŋgwal ŋa. Aɗaba taŋa, kinehe ka, iye ihər i gweɗe a kurum a nda ndzer: Tar ka, tàa ŋgat dukw maya ba tar aka ndəv.

Markus 16:17

Gà na tàa gəs iye ya ka, i vile a ter a ndzəɗa, aà mege dukw mene aà mburma, nda madalawa gà sitene aà mburma ya nda zləm gà. Ta fèfil a gà bazlam gà kwite ŋgiɗ pampam.*fa*

Luka 12:31

Dzalum gà gər ivaɗ ka, aka *mekwere Mbulum, dite Mbulum a vile a kurum a gà asiŋ gà dukw ŋgiɗ ana ti sle aà kurum a ya tserdze mbaŋa.

Luka 6:35

Ama ka, kataya ivaɗ tsa. Wayum gà ɓəzla mene are kurum. Gwim a tar ŋgwal ŋa, vəlum ahər, ka tə dzalum ka, ti ta me a mər a dər aɗəm a pèt ŋgiɗ tsəna, meme tsa. Dite i dəba ŋa ya, ki ta ŋgetwim a dukw maya ba kurum batsah ŋa, ki ti nwim a gà ɓəza Mbulum ana i gər ŋa ya. Aɗaba ŋgat tekeɗe, a gewa ŋgwal ŋa a gà ɓəzla segeme, nda gà ɓəzla swalwa mbaŋa.

Yuhana 14:6

Yesuw a gwaɗar aaka: «Iye na a ne vatwa ata ya. Ki ŋgetwim a ndzer nda mesife ka, i təv ga ya mbaŋa. Wura a sle a aà mede a təv Tsir gà tsa, say na nda təv ga ilik tsiye.

Yuhana 8:24

Aɗaba taŋa na i gwaɗa a kurum ka, ki ta metwim a i bakal kurum a. Aɗaba na kàa gəsum iye, *fe* nda gəzləŋ kurum tsəka, ki metwim a i bakal kaɗəŋ ndzer.»

RUMA 10:14

Kaɗəŋ. Ama na tàa gəs BATSAH kwa ŋa nda gəzləŋ tar tsəna, dite meme na ta hemer a ya? Na tàa tsaraka maɗə̀và zləm ŋgar tsəna, meme na ta gis a ŋgat nda gəzləŋ tar a? Na wura aka tsik a tar bazlam ŋgar tsəna, meme na ti tsereke a ya?

GALATIYA 5:6

Na wura a riŋ aka gaw ba nda Kiristi ka, bəla ŋgat masàsà ŋa, kige tsa bəla masàsà ŋa tsa tekeɗe ka, a ge a ŋgulum tsa. Dukw ana a ge ŋgulum a ka, say megìse kwa ana kə̀ gə̀sakwa ŋgat nda gəzləŋ a. Dite megìse ata na a vile a kwe a ndzəɗa aà mawàyà gà mburma tserdze ya mbaŋa.

IBƏRANIKWA 11:26

Aɗaba a sər, a gwa: Ŋgulum i sèwèr a are agəra *Kiristi ana Mbulum a ti slirre a ŋgat aka gər ahəɗ mba ya, na ndəna i ŋget a gà limana hinne ika ahəɗ Ezipt i faha ya. Aɗaba a tike a are ka, a dukw mayaba ŋgar ana Mbulum a ta viler a mba ya.

IBƏRANIKWA 3:12

Gà damər gà, gwim metsehe, aɗaba gəzləŋ wura ika magər kurum ma ta ge makula ŋa kamala taŋa ya tsa, dite ka, a niw a magəsa Mbulum, à mbìɗer a dəba, a ŋgat ana mala məvəla mesife ya tsa.

IBƏRANIKWA 4:2

Aɗaba kwa tekeɗe ka, kàa tsarakukwa bazlam ŋgwal ŋana kamala ana akahər ata gà tsir kwa ata i kusak tə tsaraka ya mbaŋa. Ama bazlam ata ka, aka ge a tar ŋgulum ɓav tsa, agəra ana ku mege tàa tsaraka tekeɗe ka, tàa gəs a gəzləŋ tar tsiye.

IBƏRANIKWA 4:6

Gà mburma ana, tə tsaraka bazlam ŋgwal ŋana malahalah ŋa ya ka, tàa sle aà mede a təv mendze ŋgar ata zayya ŋa, tì sifik a iɗəm ba ya tsəka, aɗaba ana tàa gəs ŋgat nda gəzləŋ tsiye. Ama kà sərakwa ndzer, gà asiŋ gà mìsle ŋgiɗ ka, ti diŋa.

IBƏRANIKWA 7:19

Aɗaba məpala ahəm Musa ka, ndzəɗa ihər tsa, a sle a aà duwa ilik tsa, na dite mburma ti ne a dər à ba tar ŋgwal ŋa ika miɗ Mbulum a. Ama kinehe ka, duwa ŋgiɗ pam a gekwe a ŋgulum na Mbulum a mbəɗara avukw ŋa ya. Dukw ata ka, kà tikekwa aaka madzala gà gər kwa, na a vile a kwe a dər vatwa, aà mesirikaha a təv ŋgar bise ya.

IBƏRANIKWA 7:25

Aɗaba taŋa na ŋgat a riŋ nda gà ndzəɗa, a sle a aà məmbàlà à gà mburma ana kinehe ti dere a a təv Mbulum, nda ahər ŋgar a ya. Aɗaba ŋgat a ndze a ka, aà biybiy, dite ŋgat a riŋ a heme a a Mbulum agəra gà mburma ata kəla pat mbaŋa asa.

2 Piyer 1:10

Aɗaba taŋa, gà damər gà, mərum aba, ka miyakum à mege gà dukw ata tsidze, aɗaba mezele ana Mbulum a zal a kurum, a pala kurum a ka, ki gwim kataya. Na kàa gwim gà dukw ata ka, ki dzeywim a ika vatwa Mbulum a tsidze.

2 Piyer 1:5

Aɗaba taŋa, iye ihər i gweɗe a kurum a ka: Yahum vatwa nda ndzəɗa kurum fit, dite magəsa Yesuw Kiristi ana kə̀ gəsum a ka, mà səkah a gəzləŋ kurum, mə̀ pàt à mede kurum ana ŋgwal ŋa ya mbaŋa. Na kàa zazamum aka miɗ aka miɗ kataya ka, yahum vatwa aà mene gà ɓəzla metsehe mbaŋa asa.

2 Piyer 3:14

Aɗaba taŋa, a kurum gà masla gà ana i waya kurum hinne ya. I tsik a kurum a ka, a kurum ana kurum riŋ ihər i vevwim a pat ana Yesuw Kiristi à mère a ya ka: Mərum aba nda ndzəɗa kurum fit dze, na dite mendze kurum ana ika miɗ Mbulum a ge a ŋgwal ŋa, ələk a fata ka, bakal a ge a i təv kurum tsidze ya. Sərum ba nda gà ŋgat i gəzləŋ kurum zayzay lele.

Sunwa Yuhana 21:8

Ama gà na ta ge a magəɗa ya, nda gà na ta gəs bazlam Mbulum nda ndzer tsiye, dite nda gà na gəzləŋ tar manəsa ŋa ya, gà ɓəzla məbatsa mburma nda gà ɓəzla megeye muva, nda gà mèdè, kige tsa, gà na tə zàmbaɗawa à gà fəla tar a, nda gà ɓəzla pàrsa, gà tar ata tserdze ya ka, tì dzèwe a ter a a akwa ana kamala duluv a, a wene a wàfùfùffa ya. I fata kuɗa, na məməta masula ŋa ya.»