IBƏRANIKWA 11:37 - Bible Zulgo

³⁷ Gà asiŋ ŋa a riŋ ka, ta kalawa tar nda kur, haa ta mata dər.*faa* Gà asiŋ ŋa a riŋ asa ka, tə sasaya ikaba tar a mərats mərats təv sula sula. Gà biy ŋgiɗ ibam, ta batsawa tar nda màsalamà. Medzìbe gà mburma ata ka, tar ti ne gà ɓəzla matawak hinne. Tə dzayawa akaba ka, bagwa awak, kige tsa, biy təmaŋ pəra. Ti sèwèrewa are ka, hinne, agəra gà ɓəzla mene are tar ana ta gewa a tar matawak a.

IBƏRANIKWA 11:37 Iomraidhean Croise

Mata 21:35

Ama gà ɓəzla megemir ŋgar ata ta ŋgat a gà ɓəzla meslire wele ata a sləraha tar a ka, ta gasa tar. Biy ŋgiɗ ilik ka, ta gə̀zl lehhè. Biy ŋgiɗ asa ka, ta kəɗ fit a biye. Məmakər ŋana ka, ta kalawa ŋgat nda kur.

Mata 3:4

Yuhana ata a ndzawa ka, nda gà petek ŋguz zlìgwèmè, madànà ŋa i magər ba ya nda kwiye. Dukw mezime ŋgar ka, say məpapəɗa heyew, nda mazəma amum ana i dala ya ɗekɗek.

Mata 8:20

Yesuw a tsaraka kataya ka, a gwaɗar: «Dzala dzekwiŋ, aɗaba ŋgulum gà mbayakà ka, biye tar a riŋ, gà ɗiyeŋ tekeɗe ibam, ga tar a riŋ mbaŋa, na ta hinne a iɗəm a. Ama iye, *wur ana a dara i təv Mbulum a ka, ga gà a riŋ, na i hinne a iɗəm, dite i sifik a ba ya tsa.»

Luka 13:34

I dəba ŋa ya, a gwaɗa a tar asa: «A kurum gà mburma ana riŋ i Yeruzalem a, i Yeruzalem a. A kurum ana kà batsawum gà ɓəzla məma à guma Mbulum, dite kə̀ kalawum gà na Mbulum a slərawaha tar a təv kurum a nda kur a. Wànà sik ndaw na a sèsiŋ magəsa aaba gər a gà mburma kurum, kamala məmər mendzikwir ana a yehe a gər a gà ɓəza ŋgar aà huɗ gwezleviyek a. Ama ka, a sàs a kurum dər akaba ɓav tsa asa.

Gà Ɓəzla Meslire 14:19

I dəba ŋa ya, gà Yahuda duwa tə daha i kwite Antakiya ana ika ahəɗ Pisidiya ya. Gà asiŋ ŋa tə daha i kwite Ikuniya ya mbaŋa. Tə daha à mewìsè ahəm aka magər tar. Tə dza akaba tar. Ta kalawa Pul nda kur, ta kiɗ a ŋgat. I dəba ŋa ya, ta sapara ŋgat i kwite ata ya. I gər tar ka, ta gwa, aka mət.

Gà Ɓəzla Meslire 7:52

Gà ɓəzla məma à guma Mbulum awara na gà tsir kurum tàa sèwèr a tar are tsiye? Tàa bats gà mburma ana ti ɗif a tar à mede mala meslire ŋgar ndzer ŋa na a dere a ika miɗ a. Ama kinehe ka, ŋgat ŋa kuɗa na ki gwim ahər ɗaf, dite kə̀ kəɗum ŋgat a.

2 Kurintiya 12:10

Agəra taŋa na i ŋgeye a ba lele, i huɗ mendze gà ana i ndze a ka, ndzəɗa aà iye tsiye ya. Ku mege ta giŋ a dukw ana ŋgwal ŋa tsiye, ta giŋ a matawak, nda gà bəla mesewere are ŋgiɗ a le a aà iye, kige tsa duwa a wisiŋ a gər aɗaba ana i zezem a Kiristi ya ka, i ndze a lele. Aɗaba i təv ana ndzəɗa gà a riŋ asa tsiye ivaɗ, na i ŋgatawa ndzəɗa ndzer ŋa ana i təv ŋgar a ya.

IBƏRANIKWA 11:25

A dzala, a gwa: Ŋgulum mìi sèwèr akaba a are nda gà mburma Mbulum, na ndəna i ŋgeye a ba a dukw bakal gər ahəɗ a. A samata, maŋgayaba ata ka, kwiɗèy à ndìviŋa, a ndze a hinne tsa.*fn*

IBƏRANIKWA 13:3

Dzalum gà gər aka gà mburma ana i daŋgay a, kamala ana kurum ka, gà ɓəzla daŋgay i təv ilik ŋa nda gà tar a mbaŋa. Dzalum gà gər aka gà mburma ana ta ge a ter a matawak a, kamala ana kurum tekeɗe ka, ta ge a kurum a matawak i təv ilik ŋa nda gà tar a mbaŋa asa.

Sunwa Yuhana 11:3

I ti slir a gà ɓəzla sida sula, dite tì dzèye akaba a petek bùhwa biy na duwa a sle aà tar a. Ti ti ɗif a à bazlam gà a gà mburma, a təv ana aka ndze aɗəm a, kamala megweɗe ya, ti ɗif a dər ka, i huɗ mehinne dəbuw nda dərməka sula nda dzik ndilik a.»