IBƏRANIKWA 11:36 - Bible Zulgo

³⁶ Gà asiŋ gà mburma Mbulum ŋgiɗ tàa sèwèr are hinne, na i təv ana tə sawla aà tar, ta gazla tar lehhè lehhè ya. Tə dzawaya tar nda tsitsirɓe, dite gədzə̀zl gədzə̀zl tə dzaya tar a daŋgay asa mbaŋa.*fz*

IBƏRANIKWA 11:36 Iomraidhean Croise

Mata 20:19

Ama ta vile a iye a ahər a gà slele ana i fata tə sər Mbulum tsiye. Gà mburma ata ti sewle aà ìyeŋa, ta gìzl a iye nda megwiymbiɗ hinne mbaŋa asa. Dite ti ndwendwey a iye aà dizl magə̀làwà ŋa kuɗa. Ama i huɗ mehinne makər a ka, i mbilere a i məməta ya.»

Mata 21:35

Ama gà ɓəzla megemir ŋgar ata ta ŋgat a gà ɓəzla meslire wele ata a sləraha tar a ka, ta gasa tar. Biy ŋgiɗ ilik ka, ta gə̀zl lehhè. Biy ŋgiɗ asa ka, ta kəɗ fit a biye. Məmakər ŋana ka, ta kalawa ŋgat nda kur.

Mata 23:34

Aɗaba taŋa, araha, i slirehe a gà ɓəzla məma à guma Mbulum nda gà ɓəzla metsehe, dite nda gà ɓəzla medzeŋge məpala ahəm Mbulum a təv kurum tserdze, dite ka, ki ta betswim a gà mìsle ŋgiɗ, gà biy ŋgiɗ ibam, ki ndwendweywim a tar aà dizl magə̀làwà ŋa. Gà mìsle ŋgiɗ asa ka, ki gezlwimere a tar i gà ga mahàmà a Mbulum kurum a. Ki sèwèrwim a ter a are aà kwite aà kwite.

Mata 27:26

Dite i dəba ŋa ya, Pilatus a pəl a tarra à Barabas a kuɗa. Ama Yesuw ka, Pilatus a vəl ŋgat a ahər a gà mburma ŋgar, a gwaɗa a tar: «Gə̀zlum, dite ka ndwandwayum ŋgat aà dizl magə̀làwà ŋa ata kuɗa.»

Markus 10:34

Gà mburma ata ti sewle aà ìyeŋa, ti tif a aà iye tìzle, ta gìzl a iye nda megwiymbiɗ hinne mbaŋa asa. Dite ta kiɗ a iye kuɗa. Ama i huɗ mehinne makər a ka, i mbilere a i biye ya.»

Luka 18:32

Aɗaba ti ta vile a iye a ahər a gà slele ana i fata tə sər Mbulum tsiye. Ti sewle aà ìyeŋa, ti ndeveyiŋa, dite ti tif aà iye a tìzle.

Luka 23:11

Gà Hiridus nda gà sliwdze ŋgar tə tsaraka gà dukw ata ka, tə sawla aà Yesuw hinne. Ta ger matawak. Ti tike aka ŋgat petek ana ŋgwal ŋa ya, aà masàwlà dər ahər. dite ta màha à ŋgat a Pilatus.

Luka 23:36

Gà sliwdze tekeɗe, tə sawla ahər mbaŋa. Ti sìrìkeha a təv ŋgar aà sik ŋa a fata. Dite tə dzakaraha meɗwìtsè mawà dukw ana makwàsà ŋa, a ndza ndùlàkə̀kka ya.

Gà Ɓəzla Meslire 21:33

Əbay sliwdze ata a gəs Pul, a gwaɗa a gà mburma ŋgar: «Dzawum ŋgat nda tsitsirɓe sula.» Dite i dəba ŋa ya, a wiz dukw ana Pul a ge ya, aà gà mburma ata. A gwaɗa a tar: «Naha ana, weke? A ge dze ana, meme?»

Gà Ɓəzla Meslire 24:27

Kərga taŋa ya, tàa ndza mive sula hiywe kataya. Aləka i dəba ŋa ya, tə zla iɗəm Filikus i fataya, ti tike aɗəm Purukiyus Festus, a mbəɗ ba aà makwàrà mburma i fata. I təv ana Filikus a dara iɗəm a ka, a miyak à Pul i daŋgay i fata. A sasar məpəla dər tsəka, dite gà Yahuda ta waya ŋgat hinne.

Gà Ɓəzla Meslire 4:3

Ama gà mburma ata ta hə̀ndə̀k aà tar a ga, ta hinne a iɗəm, aɗaba həvəɗ aka mbər mege.

Gà Ɓəzla Meslire 5:18

Ta gasa tar, tə dza tar a ga daŋgay.

Gà Ɓəzla Meslire 5:40

Tə zalaha a gà ɓəzla meslire Mbulum ata, ta gazla tar, ta gwaɗa a tar: «Ka ta fàfəlum nda zləm Yesuw asa tsidze.» I dəba ŋa ya, ta pəl à tar kuɗa.

Gà Ɓəzla Meslire 8:3

Ama Sawul ka, a sasar medzeye à gà mburma Mbulum. A dawa aà ga aà ga tserdze, a yahawa gà ɓəzla magəsa Yesuw nda gəzləŋ, ku gà asləka nda gà məkəs tserdze, a gasawa tar, a dzawa tar a daŋgay.

EFESIYA 3:1

Aɗaba taŋa na iye Pul, iye ihər i heme a a Mbulum agəra kurum. Ta gəs iye a daŋgay ka, aɗaba kurum ana gà Yahuda tsiye, agəra ana iye mala meslire Yesuw Kiristi ya.

EFESIYA 4:1

Kərga taŋa ya, iye ka, iye i daŋgay, aɗaba ana iye mala meslire Yesuw Kiristi BATSAH kwa ŋa ya. Iye ihər i ge kurum a kamkam: Ama mede kurum ma ge ka, kamala biy ana Mbulum a waya, a zal a kurum dər a.

2 TIMUTE 1:16

I heme a a BATSAH kwa ŋa, na dite gà mburma ana i ga i bəra Winesifarus a, ti ndzer a are tsehe ya. Aɗaba ku mege iye riŋ i daŋgay tekeɗe ka, wele ata a ge a hwarwa a mburma, aɗaba iye tsa. A mèwiŋaha à arəv ka, hinne.

2 TIMUTE 2:9

Aɗaba ŋgwal bazlam ata na iye ihər i sèwèr a are, tə dàn iye i daŋgay nda tsitsirɓe gədzə̀zlzla, kamala ana iye mala bakal a ya. Ama bazlam Mbulum kə̀la ka, tsitsik tsitsik ti sle aà meŋgete a, dite ta gis a a daŋgay tsidze.

IBƏRANIKWA 10:34

Kàa sèwèrwim akaba are nda gà na ta gasa tar a daŋgay, aɗaba Yesuw Kiristi ya hinne. I təv ana gà mburma tə ndzaka aà kurum gà dukw kurum a tifeɗ tifeɗ tekeɗe ka, kàa gəsum gəzləŋ, kàa ŋgayum ba nda gà tar ivaɗ, aɗaba ana kà sərum ka, kàa ŋgatum gà ŋgwal gà dukw ana i təv Mbulum, à zè a gà dukw ata tserdze, wura a sle a aà mekìzele aà kurum a asa tsiye ya.

Sunwa Yuhana 2:10

Taŋa damər mesewere are kurum aaha ki sèwèrwim a kinehe ya, à sìkèh a aka gər kurum a ka, aka à mendze aɗəm. Ama kəla ka, ki gwim magəɗa tsa. Sərum dər ka, Əbay sitene a ta gese a gà mìsle ŋgiɗ ika magər kurum a, a daŋgay bise. A dzik a à kurum, ki ŋgetwim a mesewere are i huɗ mehinne kurwa ya. Bàsumaraha, na ku mege ta bets a kurum tekeɗe ya. Na kàa mərum aba kamala taŋa ya ka, i ti dzèye a kurum a gà dukw mayaba kurum, kamala megweɗe ya ka, mesife ana à ndìv a tsa aà biybiy a.