IBƏRANIKWA 11:32 - Bible Zulgo

³² Kinehe ana, dukùla na i tsik a asa ya? Mendze a sle a tsa na aà maɗàmà gà bazlam aka gər gà Gidiyan nda Barak, nda gà Samsun, nda gà Yefta, nda gà Dawda, nda gà Samiyel, dite nda gà asiŋ gà ɓəzla məma à guma Mbulum ana akahər ata tserdze ya.*fu*

IBƏRANIKWA 11:32 Iomraidhean Croise

Mata 5:12

Ŋgeywim ba hinne, gəzləŋ kurum ma ndza ndzəɗakkà ivaɗ, aɗaba Mbulum a ta vile a kurum a dukw maya ba kurum i gər ŋa i mbulum ka, batsah ŋa. Ama sərum dər ka, tàa ge dukw ana ŋgwal ŋa tsiye hinne, a gà ɓəzla məma à guma Mbulum ana tə lah ahər ɗa ya ka, kataya mbaŋa.»

Luka 13:28

I fataya kuɗa ka, ki ti tiwimiŋa. Ki pèpìɗwim a dər zlir. Ki ta ŋgetwim a a gà Abəraham nda gà Izak, nda gà Zakup, dite nda gà ɓəzla məma à guma Mbulum ana tserdze i *mekwere Mbulum a ka, kurum ka, tàa mbər medzewe à kurum a bəra.

Luka 16:31

Ama Abəraham a gwaɗar: «

Yuhana 21:25

Yesuw aka ge gà dukw pampam hinne asa. Na mege ta wetse gà dukw ŋgar ana a ge ya fit, a gà wakita ilik ilik tserdze ka, sik sik sik təv a sler a tsa, na i dzala ya.

Gà Ɓəzla Meslire 10:43

Gà ɓəzla məma à guma Mbulum tserdze tə ɗə̀v zləm a dukw ana a ta ge a a ba ika miɗ mba ya. Ti tsik ahər: «*fa*

Gà Ɓəzla Meslire 13:20

I dəba taŋa ya asa ka, a dza aɗəm gà ɓəzla mege seriye a liwiŋ gà batsah tsir kwa aaha, dite araha, tsikw a ndze a Samiyel ana mala məma à guma Mbulum a mbaŋa. Ama mive mekwere tar ata tserdze ya, a gaw ba ka, a sle mive dərməka faɗ nda dzik ə̀zləm.

Gà Ɓəzla Meslire 3:24

Piyer a gwaɗa a tar asa: «Aɗaba daga à gà Samiyel a, nda gà asiŋ gà ɓəzla məma à guma Mbulum tàa ɗif à gà pat ŋa aaha a ge ba ya mbaŋa asa.

RUMA 3:5

Bəla gà mìsle ŋgiɗ ta gweɗe a: Dukw ana ki gekwe a ŋgwala tsiye ka, à zlèk a mburma, dite tə sər dər ka, Mbulum ka, ŋgwal ŋa lele, bakal a riŋ i təv ŋgar tsa. Dite ki gweɗekwe a ter aaka a ana, dukùla? Wànà ki gweɗekwe a ana, Mbulum ka, mala ndzer tsiye, na i təv ana a ge a matsəɓatsəɓ, à gis a kwa nda seriye ŋgar a? I wiz taŋa ka, kamala ana gà asiŋ gà mburma ta wizewa ya mbaŋa.

RUMA 4:1

Meme na kà dzalakwa gà gər aka Abəraham, batsah tsir kwa ana akahər ata ya. Ki gweɗekwe a aka gər ŋgar dze ana, meme? A ge dze ana, dukùla?

RUMA 6:1

Na kataya dze ana, dite ki gweɗekwe a kinehe ana, meme? Ki sìkèhekwe a à mege bakal ivaɗ, na dite Mbulum a ge a kwe a ŋgwal ŋa, à sìkèh a kwe a dər a ya?

RUMA 7:7

Kamala taŋa ya, ki gweɗekwe a kinehe dze ana, meme? Wànà məpala ahəm Musa ka, dukw bakal a? Awaŋ, kataya tsa. Ama na mege məpala ahəm Musa a riŋ tsəka, ana ka, ki sirekwe a aba i bakal a tsa. Na mege məpala ahəm ata ma gwa ka, ka ta ge are aka dukw mburma tsa,*fa* tsəka, ana ka, ki sir a ikaba à medzibe bakal ata ya tsidze.

YAKUBA 5:10

Gà damər gà, dzalum gà gər aka gà ɓəzla məma à guma Mbulum ana ti tsik bazlam ŋgar akahər ata ya. I təv ana tar riŋ tì sèwèr a are ya ka, ta mà aba à arəv, ta gəs gəzləŋ. Ama kurum tekeɗe ka, gwim kamala tar ana ta gəs gəzləŋ, ta mər aba ya mbaŋa.

2 Piyer 1:21

Aɗaba gà bazlam tar ata tserdze ya ka, a dara ka, i metsehe mburma ya ilik tsidze. Mezite Mesife Mbulum na a da a gəzləŋ tar a, na dite ti tsik dukw ana tə tsaraka i təv Mbulum a ya.

2 Piyer 3:2

I wetse bazlam ata ka, a sèsiŋ dukw ana gà ɓəzla məma à guma Mbulum ti tsik akahər ata ya ka, mə̀ məts a kurum gər tsa. Gà biy ŋgiɗ tsa dukw ana Yesuw Kiristi BATSAH kwa ŋana mala məmbə̀là à kwa a tsik a kurum a ka, mə̀ məts a kurum gər tsa, mə̀ mà a kurumara a gər a asa. A tsik a kurum bazlam ata ka, nda ahər gà ɓəzla meslire ŋgar ana a sləraha tar a təv kurum a.