IBƏRANIKWA 11:26 - Bible Zulgo

²⁶ Aɗaba a sər, a gwa: Ŋgulum i sèwèr a are agəra *Kiristi ana Mbulum a ti slirre a ŋgat aka gər ahəɗ mba ya, na ndəna i ŋget a gà limana hinne ika ahəɗ Ezipt i faha ya. Aɗaba a tike a are ka, a dukw mayaba ŋgar ana Mbulum a ta viler a mba ya.

IBƏRANIKWA 11:26 Iomraidhean Croise

Mata 10:41

Aɗaba ku weke na aka gəs mala məma à guma Mbulum lele, agəra ana wele ata mala meslire Mbulum a ka, a ta ŋget a dukw maya ba ŋgar kamala biy mala məma à guma Mbulum ata ya mbaŋa. Wur ana aka gəs mala ndzer ŋa lele, aɗaba na wele ata mala ndzer ŋa ika miɗ Mbulum a ka, a ta ŋget a dukw maya ba ŋgar kamala wele ata ya mbaŋa asa.

Mata 5:12

Ŋgeywim ba hinne, gəzləŋ kurum ma ndza ndzəɗakkà ivaɗ, aɗaba Mbulum a ta vile a kurum a dukw maya ba kurum i gər ŋa i mbulum ka, batsah ŋa. Ama sərum dər ka, tàa ge dukw ana ŋgwal ŋa tsiye hinne, a gà ɓəzla məma à guma Mbulum ana tə lah ahər ɗa ya ka, kataya mbaŋa.»

Mata 6:1

I dəba ŋa ya, Yesuw a gwaɗa a tar asa: «Na a sàs a kurum mege ŋgwal ŋa a mburma ka, gwim iɗəm metsehe ya lele. Aɗaba gà mìsle ŋgiɗ a riŋ, ta ge a dukw ana ŋgwal ŋa ya ka, ŋgakŋgakəkka ika miɗ mburma pəra, dite ka, tə̀ zlə̀b à tar ɗekɗek. Na ki gwim a kataya ka, ki ta ŋgetwim a dukw maya ba kurum i təv Mbulum Tsir kurum ana i gər ŋa ya asa tsa.

Luka 14:14

Na kàa ge dər kataya ka, ki ta ŋgeye a ba mba. Aɗaba tar ka, ti sle aà mimèk a dər aɗəm tsa. Mbulum na a ta mèk a dər aɗəm i təv ana gà na tàa ger ŋgwal ŋa, ti ta mbilere a i məməta a mesife ya.»

Luka 14:33

I dəba ŋa ya, Yesuw a ndəv à bazlam ŋgar, nda megweɗe a tar: «Kərga taŋa ya mbaŋa, wura ilik ika magər kurum a, a sle a aà mene mala mezèzèmè iye tsa, na aka miyak à gà dukw ŋgar ana tserdze ya tsiye.»

Gà Ɓəzla Meslire 5:41

Gà ɓəzla meslire Mbulum ata tə dara i təv mayahaba gər tar ata ya, nda gà maŋgayaba, aɗaba ana Mbulum a gəs tar lele, a vəl a tar vatwa aà mesewere are agəra zləm Yesuw a.

2 Kurintiya 12:10

Agəra taŋa na i ŋgeye a ba lele, i huɗ mendze gà ana i ndze a ka, ndzəɗa aà iye tsiye ya. Ku mege ta giŋ a dukw ana ŋgwal ŋa tsiye, ta giŋ a matawak, nda gà bəla mesewere are ŋgiɗ a le a aà iye, kige tsa duwa a wisiŋ a gər aɗaba ana i zezem a Kiristi ya ka, i ndze a lele. Aɗaba i təv ana ndzəɗa gà a riŋ asa tsiye ivaɗ, na i ŋgatawa ndzəɗa ndzer ŋa ana i təv ŋgar a ya.

2 Kurintiya 6:10

Ku mege ta vile a mər a matsəɓatsəɓ a gəzləŋ hinne tekeɗe ka, mìi de a aka miɗ aka miɗ nda maŋgayaba lele hiywe. Mər ka, mì ne kamala gà ɓəzla matawak a, ama mər ihər mìi ge a Əbay à gà mburma hinne ika vatwa Mbulum seyiŋ ivaɗ. Mi ne kamala ana duwa mər a riŋ tsidze ya. Ama nda ndzer kəla ka, dukw tserdze a riŋ aà mər dukw ŋgar.

EFESIYA 1:18

I hemer a asa ka, dite mà hə̀ndə̀k a kurum are lele, kə ŋgatum a dukw ana a zal a kurum dər a mbaŋa. I hemer a asa mbaŋa ka, dite ka sərum dər, meme na dukw ata a ta vile a kurum a ka, ŋgwal ŋa hinne, a za gà dukw tserdze ya. A ta vile a dukw ata ka, a kurum nda gà mìsle ŋgiɗ ana gà mburma ŋgar a.

EFESIYA 3:8

Iye ka, wele na kə̀la ŋa ika magər gà mburma Mbulum kwizikw a. Ama kə̀la ka, aka viliŋ vatwa aà metsìkè bazlam mipìsè ahəm ana a dere a ndàra i təv Yesuw Kiristi ya, a gà mburma ana gà Yahuda tsiye. Mipìsè ahəm ata batsah ŋa ya ka, gà mburma ti sle a aà masəra ŋa fit tsa, aɗaba ana a za ndzəɗa tar a.

FILIPIYA 3:7

Akahər ata i dzala ka, i gwa: Gà dukw ata ka, a giŋ a ŋgulum, tì zlèk a iye. Ama kinehe, aɗaba Yesuw Kiristi ka, i fə̀r ahər kamala dukw taf masakəŋa ya, a giŋ a ŋgulum asa tsa.

IBƏRANIKWA 10:33

Aka təv ŋgiɗ ka, tàa burwa à kurum ika miɗ gà mburma tserdze, dite tàa ge a kurum matawak hinne asa. Ama a pat ŋgiɗ asa ka, kàa ndzum i təv ilik ŋa nda gà na ti sèwèr a are kamala taŋa ya mbaŋa.

IBƏRANIKWA 10:35

Aɗaba taŋa, arəv ma da aà kurum a tsa, sərum dər ka, na kàa mərum aba kamala taŋa ya ka, Mbulum a ta vile a kurum a dukw maya ba kurum batsah ŋa hinne.

IBƏRANIKWA 11:6

Na wura aka gəs Mbulum nda gəzləŋ tsəka, a sle aà metsehine ahər a tsidze. Na wura a sasar mada a təv ŋgar ka, say mà gəs ŋgat nda gəzləŋ, ma sər ka, Mbulum a riŋ dukw ŋgar. Dite ma sər dər ka, Mbulum ŋgat mala mege ŋgwal ŋa a gà na tar riŋ ti yehe a ŋgat a mbaŋa.

IBƏRANIKWA 13:13

Aɗaba taŋa, kwa tekeɗe ka, say tàkwa a təv ŋgar a bəra a fata, dite kə̀ gə̀sakwa ba nda gà ŋgat. Ki gìsekwe a zìrìwe ana tə ndaɗa aaka ya mbaŋa.

IBƏRANIKWA 2:2

Ka sərakwa, bazlam ana gà gawla Mbulum tə da dərra, ti tsik akahər ata ya ka, ndzer kaɗəŋ, pàrsa iɗəm tsa. Akahər ata ka, ku weke, gà na tə dza aà zləm tsiye ka, ta ŋgat mesewere are kalkal biy bakal tar ana ta ge ya mbaŋa.

1 PIYER 1:11

Aɗaba Mezite Mesife Kiristi ana a ge megemir i gəzləŋ tar a, a ɗif a tar dər daga piŋŋe, a gwaɗa a tar: Kiristi a ti sèwèr a are dzekwiŋ, dite i dəba ŋa ya, a ta ŋget a mezlibe ana gà mburma tì zlibe a à ŋgat kuɗa ya. Gà ɓəzla məma à guma Mbulum ata ta waya mesire bazlam ata nda metsehe tar, meme na gà dukw ata ti ta ge a ba ya, kige tsa ndeɗime.

1 PIYER 4:14

Na bəla gà na ti tsik aà kurum a dukw ana ŋgwala tsiye, aɗaba ana kurum ihər ki zezemwim a Yesuw Kiristi ya ka, maŋgayaba ika gər kurum ivaɗ na taŋa ya. Aɗaba na kàa sèwèrwim are kamala taŋa ya ka, ndzəɗa Mezite Mesife Mbulum ana tì zlibe a dər a, a ndze a ika gər kurum.

Sunwa Yuhana 2:9

I sər mesewere are kurum ana tì sèwèr a kurum a ya. Taŋa kurum ka, gà ɓəzla matawak asa. Ama i təv gà ka, kurum gà ɓəzla limana ivaɗ.*fb* Dite gà dukw ana ti tsik aà kurum ŋgwala tsiye tekeɗe, i sər mbaŋa. Na a tsikewa gà dukw ata kamala taŋa ya ka, gà na ta gwaɗawa, làŋa mər ka, gà Yahuda ya. Ama tsaatsa, tar ka, ti zezem a dukw gà Yahuda nda ndzer ŋa tsa. Tar ka, gà ɓəzla mazazama Əbay sitene.

Sunwa Yuhana 3:18

Aɗaba taŋa kinehe ka, iye ihər i tsik a kurum a dukw ana ki gwim a ya: Ama ka, dumara, ka sakamum gura ana tàa làmbaɗa nda akwa tsəzlzla lele i təv ga ya, dite ka, ki nwim a gà Əbay nda ndzer ŋa kuɗa ya. Dumara, sakamum gà petek ana herrè ya mbaŋa, kà dzàyum akaba, na dite ka, ki ndzwim a kataya sagurɗumɗum, hwarwa a ge a kurum a asa tsiye. Sakamum yàwuf are, dite ka geywim a gà are kurum asa mbaŋa, na dite ki ŋgetwim a a vatwa lele asa ya.