IBƏRANIKWA 11:25 - Bible Zulgo

²⁵ A dzala, a gwa: Ŋgulum mìi sèwèr akaba a are nda gà mburma Mbulum, na ndəna i ŋgeye a ba a dukw bakal gər ahəɗ a. A samata, maŋgayaba ata ka, kwiɗèy à ndìviŋa, a ndze a hinne tsa.*fn*

IBƏRANIKWA 11:25 Iomraidhean Croise

Mata 13:21

Ama bazlam ata a ŋge a zlile aà mendze i gəzləŋ tar tsa. Mendze tar a riŋ ika vatwa Mbulum hinne tsa. Ti ndze a ka, wàkit wàkit. Na bəla mawùràba bazlam, kige tsa mesewere are aka le aà tar agəra bazlam Mbulum ka, ŋgwìɗik ta misek a à magəsa bazlam ata tsara.

Luka 16:25

Ama Abəraham a gwaɗarra:

Gà Ɓəzla Meslire 7:34

Yàa ŋgat a mesewere are gà mburma gà ana tì sèwèr a ter a are i Ezipt ya. Yàa tsaraka mandəva kuɗa tar, dite i dara aà məmbə̀là à tar a kuɗa. Dara, i slir a kər a Ezipt.>*fm*

RUMA 5:3

Ama gəzləŋ kwa a ndze a ndzəɗakkà ka, agəra taŋa ɗekɗek tsa. Ki ŋgeyekwe a ba mbaŋa ka, aɗaba mesewere are ana kwa ihər ki sèwèrekwe a ya. Aɗaba kà sərakwa, mesewere are ata ka, à zlèk a kwa, ki sinikikwe a dər ba aà magəsa gəzləŋ.

2 Kurintiya 5:17

Aɗaba wur ana mandza ŋa i təv ilik ŋa nda Kiristi ya ka, aka ne mburma awiya ŋa. Mendze ŋgar ana piŋŋe ya ka, a riŋ asa tsa. Aka mbəɗ aba awiya ŋa.

KULUSIYA 1:24

Kinehe ka, iye ihər i ŋgeye a ba aɗaba mesewere are ana i sèwèr a agəra kurum a. Kamala na akahər ata Yesuw Kiristi a sèwèr are ya ka, iye tekeɗe, i sèwèr a are aɗaba gà mburma ŋgar mbaŋa. Gà mburma ata ka, ti ne kamala ba ŋgar a. Mesewere are ana i sèwèr a kamala taŋa ya ka, i zlèk a kurum aà mesewere are ana ki sèwèrekwe a aɗaba ŋgat a, na dite megemir ŋgar ma da aka miɗ aka miɗ a.

2 TIMUTE 1:8

Aɗaba taŋa, tsik bazlam BATSAH kwa ŋana a mət aà dizl magə̀làwà ŋa ya a gà mburma ka, parakkà lele, ki ge dər magəɗa tsidze. Dite ku mege iye riŋ i daŋgay gədzə̀zlzla agəra ana i zezem a ŋgat a tekeɗe, ki ge dər hwarwa ika miɗ mburma tsa asa mbaŋa. Ama ka, hadzal ba yak aà mesewere are nda iye, aɗaba bazlam ŋgwal ŋana ivaɗ. Mbulum na a vilek ahər a ndzəɗa ya.

IBƏRANIKWA 10:32

Ama kinehe ka, dzalum, kà sərum dər à mendze kurum ana piŋŋe, aka ana kà lah mendzwim i təv dzaydzay Mbulum ana ndərzayya, a da a gəzləŋ kurum a ka, mə̀ məts a kurum gər tsa. Akahər ata ka, gà mburma tàa sèwèr a kurum are hinne. Ama ku mege kataya tekeɗe, kàa dum aka miɗ aka miɗ nda ndzəɗa ɓəŋɓəŋ lele.

IBƏRANIKWA 11:37

Gà asiŋ ŋa a riŋ ka, ta kalawa tar nda kur, haa ta mata dər.*faa* Gà asiŋ ŋa a riŋ asa ka, tə sasaya ikaba tar a mərats mərats təv sula sula. Gà biy ŋgiɗ ibam, ta batsawa tar nda màsalamà. Medzìbe gà mburma ata ka, tar ti ne gà ɓəzla matawak hinne. Tə dzayawa akaba ka, bagwa awak, kige tsa, biy təmaŋ pəra. Ti sèwèrewa are ka, hinne, agəra gà ɓəzla mene are tar ana ta gewa a tar matawak a.

IBƏRANIKWA 4:9

Kamala taŋa ya, gà mburma Mbulum ka, ti sle a aà mede a təv mesìfìkà ba ata kamala ŋgat ana a sifik a ba a pat matəsəla ŋa ya hiywe mbaŋa.

YAKUBA 1:20

Aɗaba matsəɓatsəɓ ka, a sle aà mege a dukw ana a sàs a Mbulum a tsa.

YAKUBA 5:5

Mendze kurum ana ki ndzwim a ɗa ika gər ahəɗ a ka, kà nwim gà ɓəzla məburnun. Ki gwim a ka, dukw ana a sàs a kurum a ɗekɗek pəra. Kurum ihər ki zimwim a gà duwa hinne, ki gilwim a dər ba ndaɗawuzwuz, kamala gà sla ana ta bets a tar a.

1 PIYER 2:10

Piŋŋe ka, kurum gà mburma Mbulum tsa. Ama kinehe ka, kàa nwim gà mburma ŋgar. Piŋŋe asa ka, kà ndzum are tsehe a Mbulum tsa. Ama kinehe ka, kà ndzumar are tsehe, kàa gəsum kuɗa.*fe*

Sunwa Yuhana 18:7

Ta vəl a tar mesewere are hinne, arəv ma da dər aà tar a dùwaɗ, kamala Əbay tar ana ta ŋgat hinne, ta gewa məburnun a mbaŋa. Ta gwaɗawa i gər tar ka: