IBƏRANIKWA 10:4 - Bible Zulgo

⁴ Ti ne dər akaba ŋgwal ŋa tsəɗaŋŋa tsəka, aɗaba kà sərakwa, gà məmbəz mbuluv sla nda biy vugul ka, a sle a aà məpəla à tar à bakal tsiye.

IBƏRANIKWA 10:4 Iomraidhean Croise

Markus 12:33

Aɗaba taŋa, say mburma ta waya Mbulum ka, nda gəzləŋ tar ilik, nda madzala gà gər tar asa mbaŋa. I dəba ŋa ya, ta waya mburma kalkal ba tar ŋa ya. Taŋa ka, a za dər gà dukw ana ta bets a a Mbulum masakəŋa ya, nda gà dukw ŋgiɗ pampam ta viler a ka, dite ta waya mada a təv ŋgar a.»

Yuhana 1:29

Ndidwe ŋana ka, Yuhana a ŋgat a Yesuw a riŋ a dehe a a təv ŋgar. A gwaɗa a gà mburma ana i fataya: «Kəla təmaŋ ana Mbulum a vəl, ta kiɗ a aɗaba məpəla à bakal a mburma ya ka, araha, a deriŋa.*fd*

RUMA 11:27

Araha na dukw ana Mbulum a tsik a tar i sida ya, a gwa ka: I ta pìl a ter a à bakal tar.»*fe*

IBƏRANIKWA 10:1

Məpala ahəm gà Yahuda ka, mendzikiɗe ba ŋgwal dukw ana Mbulum a vile a kwe a, kə̀ ŋgatakwa ihər a kinehe ya ɗekɗek pəra. Məpala ahəm tar ata ka, a sle a aà məvəla a kwa gà dukw ana ndzer ŋa ya tsa. Gà ɓəzla mandəva kuɗa a Mbulum ta batsawar duwa kəla mive kataya. Gà mburma ata tə zazamawa gà məpala ahəm ata ka, ta waya mesirike a təv Mbulum. Ama dukw ata ta vəlawar a ka, a sle a aà mene à tar gà ŋgwal ŋa ika miɗ ŋgar tsa, aɗaba ta màwa aka məvə̀lar dukw ata kəla mive.

IBƏRANIKWA 10:11

Gà ɓəzla mandəva kuɗa a Mbulum gà Yahuda ka, ta gewa meslire tar kəla pat, ta batsawa gà dukw tar ata a Mbulum ndidwe ndidwe kataya. Ama gà dukw ata ka, ti sle aà mibeyera à tar i bakal tar a tsidze.

IBƏRANIKWA 10:8

Kamala taŋa ya, Kiristi a lah megweɗe a Mbulum ka: «A sàsak dukw ana ta betsek a ya, kige tsa ta vilek a duwa ŋgiɗ taf masakəŋa ya tsa. Dite gà dukw ana ta betsek a, ta weniŋa, i dəba ŋa ya ka, ta vilekiŋa, kige tsa gà dukw ana ta vəlawak agəra məpala à bakal tar a ka, a tsahən aà kər ɓav tsa asa mbaŋa.» A tsik kataya ka, ku mege gà mburma ta gewa gà dukw ata tserdze ya kalkal, kamala ana məpala ahəm Musa a tsik a ter a tekeɗe ya.

IBƏRANIKWA 9:9

Aɗaba ga malahalah ŋa ata ka, mendzikiɗe ba dukw ana a ge ba kinehe ya pəra. A riŋ ihər a ɗifekwe a dər ka, gà dukw ana ta vile a iɗəm a Mbulum, nda gà dukw gənaw ana ta batsawar a ka, taŋa tsa na a sle a aà məbàrà gəzləŋ gà mburma ata tə zàmbaɗawa dər à ŋgat a ya.

1 Yuhana 3:5

Kurum kà sərum, Yesuw Kiristi a dara aka gər ahəɗ a ka, aà məbàrà aà kwa bakal kwa ana ki gekwe a ya. Ŋgat ka, bakal ŋgar a riŋ ilik tsidze.