IBƏRANIKWA 10:34 - Bible Zulgo

³⁴ Kàa sèwèrwim akaba are nda gà na ta gasa tar a daŋgay, aɗaba Yesuw Kiristi ya hinne. I təv ana gà mburma tə ndzaka aà kurum gà dukw kurum a tifeɗ tifeɗ tekeɗe ka, kàa gəsum gəzləŋ, kàa ŋgayum ba nda gà tar ivaɗ, aɗaba ana kà sərum ka, kàa ŋgatum gà ŋgwal gà dukw ana i təv Mbulum, à zè a gà dukw ata tserdze, wura a sle a aà mekìzele aà kurum a asa tsiye ya.

IBƏRANIKWA 10:34 Iomraidhean Croise

Mata 19:21

Yesuw a gwaɗar: «Na a sàsak magəsa Mbulum nda ndzer ka, daha, ka dzawa à gà dukw yak fit, dite kà dzaya siŋgwe ŋa a gà ɓəzla matawak. Na kàa ge dər kataya ka, ki ŋget a limana ana batsah ŋa, à ndìv a tsa i təv Mbulum a. I dəba ŋa ya ka dara, ka zezem iye kuɗa.»

Luka 10:42

Ama ka, dukw ilik aka mətsa. Mariya ka, aka zla iɗəm dukw ata ŋgwal ŋa lele, wura a sle aà mezle ihər a tsiye.»

Luka 12:33

«Dzawum à gà dukw kurum, dite kà dzum siŋgwe ŋa a gà ɓəzla matawak. Yahum kìywa ana a nis a tsiye. Ka yahum aɗəm gər a limana ana i təv Mbulum i gər ŋa a dzeye a tsa, dite gà ɓəzla akəl tekeɗe, tì dzik a tsa, ku mege gà metinwe ibam, ti zim a tsiye.

Luka 9:25

Na wura aka ŋgat dukw gər ahəɗ tserdze, a ŋgayar ba i gəzləŋ, dite a dzeye a à gər ŋgar, à mìt a asa ana, duwa a riŋ a ger a ŋgulum a? Awaŋ.

Gà Ɓəzla Meslire 21:33

Əbay sliwdze ata a gəs Pul, a gwaɗa a gà mburma ŋgar: «Dzawum ŋgat nda tsitsirɓe sula.» Dite i dəba ŋa ya, a wiz dukw ana Pul a ge ya, aà gà mburma ata. A gwaɗa a tar: «Naha ana, weke? A ge dze ana, meme?»

Gà Ɓəzla Meslire 28:20

Taŋa na i wiz kurum aà metsìkè a kurum a zləm kurum te ya. Iye ihər i zle a tsitsirɓe aaha ka, aɗaba iye ihər i ge a meslire wele ana gà mburma Isərayel tə dzalawa a təv ŋgar a.»

Gà Ɓəzla Meslire 5:41

Gà ɓəzla meslire Mbulum ata tə dara i təv mayahaba gər tar ata ya, nda gà maŋgayaba, aɗaba ana Mbulum a gəs tar lele, a vəl a tar vatwa aà mesewere are agəra zləm Yesuw a.

2 Kurintiya 5:1

Kà sərakwa, i təv ana mekìrìwè ga kwa aaha leyèh aka mbazla ya ka, Mbulum a ta vile a kwe aɗəm a ga ŋgiɗ pam, i gər ŋa i mbulum. I tsik taŋa ka, aka gər ba kwa aaha kinehe ya. I təv ana aka mət a ka, a ta vile a kwe aɗəm a ba ana i gər ŋa i mbulum a. Ŋgat à gər ŋgar na a ge ga ata a ndze a aà biybiy a ya.

EFESIYA 3:1

Aɗaba taŋa na iye Pul, iye ihər i heme a a Mbulum agəra kurum. Ta gəs iye a daŋgay ka, aɗaba kurum ana gà Yahuda tsiye, agəra ana iye mala meslire Yesuw Kiristi ya.

EFESIYA 4:1

Kərga taŋa ya, iye ka, iye i daŋgay, aɗaba ana iye mala meslire Yesuw Kiristi BATSAH kwa ŋa ya. Iye ihər i ge kurum a kamkam: Ama mede kurum ma ge ka, kamala biy ana Mbulum a waya, a zal a kurum dər a.

EFESIYA 6:20

Ku mege iye i daŋgay kinehe tekeɗe ka, iye mala meslire Yesuw hiywe pəra, aɗaba bazlam ŋgwal ŋa ata. Hamum a Mbulum, dite ka, i ge magəɗa aà məfàfə̀là parakkà tsa mbaŋa, kamala ana a sasar a ya.

FILIPIYA 1:7

Ŋgwal ŋa lele na iye ihər i dzele a kamala taŋa ya, dite i ndze a ka, ndzəɗakkà na agəra kurum a. Aɗaba kà dwimiŋ gər lele. Aɗaba kurum nda gà iye tserdze ka, Mbulum aka ge a kwa ŋgwal ŋa, na dite ki zlèkwim a iye ana gədzə̀zlzla mandza ŋa i daŋgay a, dite i təv ana i tsikewa ŋgwal bazlam ana biy Yesuw Kiristi ika miɗ seriye, i ɗif a à ndzer ŋana ya mbaŋa.

KULUSIYA 1:5

Kurum ihər ki gwim a kamala taŋa ya ka, aɗaba ana kà tikwim madzala gà gər kurum aka ŋgwal dukw ana Mbulum a tike a kurum aba ya, i təv ŋgar i gər ŋa, kà sərum ka, ki ta ŋgetwim a ya. Ti ɗif a kurum à dukw ata Mbulum a gwa, i tike a aba ya aɗaba kurum a ka, i təv ana kà tsarakum bazlam ŋgwal ŋana ndzer a.

1 TIMUTE 6:19

Na tàa gewa kataya ka, ta kèhe a aba duwa ya ka, a təv ŋgwal ŋana lele, a nis a tsa, aləka ti ta ŋgeye a dər ba aka miɗ mba ya, na dite ka, ta ŋget a mesife ndzer ŋa ana i təv Mbulum a.

2 TIMUTE 1:16

I heme a a BATSAH kwa ŋa, na dite gà mburma ana i ga i bəra Winesifarus a, ti ndzer a are tsehe ya. Aɗaba ku mege iye riŋ i daŋgay tekeɗe ka, wele ata a ge a hwarwa a mburma, aɗaba iye tsa. A mèwiŋaha à arəv ka, hinne.

2 TIMUTE 2:9

Aɗaba ŋgwal bazlam ata na iye ihər i sèwèr a are, tə dàn iye i daŋgay nda tsitsirɓe gədzə̀zlzla, kamala ana iye mala bakal a ya. Ama bazlam Mbulum kə̀la ka, tsitsik tsitsik ti sle aà meŋgete a, dite ta gis a a daŋgay tsidze.

2 TIMUTE 4:8

Kinehe ka, dukw mayaba gà a riŋ a veve a iye i təv Mbulum. A viliŋ a ka, aɗaba ana i ne ŋgwal ŋa ika miɗ ŋgar a. Kamala taŋa ya, a pat ana Yesuw Kiristi BATSAH kwa ŋa, wele ana ŋgat mala masàsà ikaba seriye ya nda ndzer a, aka dara ka, à piliŋ a dukw mayaba gà fit. Ama ka, a iye ɗekɗek tsa. Gà na ta veve a ŋgat, à kiv a ter a hinne, ta waya ma dara a təv tar a tekeɗe, ta ŋget a dukw mayaba tar mbaŋa.

IBƏRANIKWA 11:16

Ama tar ka, a sàs a tar təv ana ŋgwal ŋa, a za dər taŋa ya ivaɗ. Ta waya ka, təv ana i gər ŋa i mbulum a. Aɗaba taŋa, i təv ana tə zalawa a Mbulum tar «Mbulum Tsir mər» ka, a ge hwarwa nda təv tar tsa, aɗaba ana ŋgat a làmbaɗa tar təv ata ya.

IBƏRANIKWA 13:14

Aɗaba kwa ana ɗa ika gər ahəɗ a ka, kàa ŋgatakwa təv mendze ana a ndze a aà biybiy a zukw tsa. Ama kwa ihər ki yehekwe a ka, na a dere a ika miɗ a mba ya.

IBƏRANIKWA 13:3

Dzalum gà gər aka gà mburma ana i daŋgay a, kamala ana kurum ka, gà ɓəzla daŋgay i təv ilik ŋa nda gà tar a mbaŋa. Dzalum gà gər aka gà mburma ana ta ge a ter a matawak a, kamala ana kurum tekeɗe ka, ta ge a kurum a matawak i təv ilik ŋa nda gà tar a mbaŋa asa.

IBƏRANIKWA 9:15

Aɗaba taŋa, Kiristi ka, wele ana mandza ŋa ika magər gà Mbulum nda gà mburma, a sər ba à tar, a ɗif a tar à masəra ba awiya ŋana ta gis a ba ika magər tar a. Kamala taŋa ya, gà mburma ana Mbulum a pala tar, ti ne gà biy ŋgar a ka, ta ŋget a dukw ŋgwal ŋa ata a tsik a tar i sida ya, a gwa, i ta vile a ter a aà biybiy a ya. Dukw ata a ge a ba kataya ka, aɗaba Yesuw Kiristi ana a mət a. Məməta ŋgar ata a mət a ka, a mburuɗ dərra mburma i bakal tar ana ta gewa akahər ata piŋŋe, i təv ana tar riŋ i masəra ba tar ana miviye ŋa ata, Mbulum a gəs ba nda gà tar a.

YAKUBA 1:2

A kurum gà damər gà ana ika vatwa Mbulum a. Na bəla gà dukw mesewere are ana ti dzik a à kurum pampam a, tàa le aà kurum ka, ŋgeywim ba ivaɗ.

1 PIYER 1:4

Kwa ka, kà sərakwa, ki ta ŋgetekewe a gà dukw gà ŋgwal ŋa ana Mbulum a ta vile a kwe a, a kwa gà mburma ŋgar a. Gà dukw ata ka, makàhà ŋa a riŋ i mbulum. A ndze a ka, aà biybiy. A gwenek a tsa, aruwaŋ a ge ahər a tsa, dite à nikiɗ a tsa asa mbaŋa.

1 Yuhana 3:2

Gà masla gà, kinehe ka, kàa nekwa gà ɓəza Mbulum, dite ki ti nekwe a gà dukùla na aka miɗ mba ya ka, ki sirekwe a zukw tsa. Ama kə̀la ka, kà sərakwa ndzer, na *Kiristi aka màra ka, ki ti ndzìkìɗekwe a ba kamala ŋgat a, aɗaba ki ŋgetekewer a parakkà, kamala ana ŋgat a ndza ya kaɗəŋ.