IBƏRANIKWA 10:33 - Bible Zulgo

³³ Aka təv ŋgiɗ ka, tàa burwa à kurum ika miɗ gà mburma tserdze, dite tàa ge a kurum matawak hinne asa. Ama a pat ŋgiɗ asa ka, kàa ndzum i təv ilik ŋa nda gà na ti sèwèr a are kamala taŋa ya mbaŋa.

IBƏRANIKWA 10:33 Iomraidhean Croise

1 Kurintiya 4:9

Ama ka, kataya tsa. Mər gà ɓəzla meslire Yesuw Kiristi, i samata ka, kamala ana Mbulum aka ne à mər gà ɓəzla dəba mburma tserdze ya. Mər mì ne asa ka, kamala gà mburma ana seriye aka gəs tar, dite ta bets a tar ika miɗ mburma ya. Mər ka, kamala gà ɓəzla mesewere are ana ti sèwèr a ter a ɗa ika gər ahəɗ ka, fìyye mburma ta fir ahər a ya, nda gà ku mege ika miɗ gawla Mbulum tekeɗe ya.

2 Kurintiya 12:10

Agəra taŋa na i ŋgeye a ba lele, i huɗ mendze gà ana i ndze a ka, ndzəɗa aà iye tsiye ya. Ku mege ta giŋ a dukw ana ŋgwal ŋa tsiye, ta giŋ a matawak, nda gà bəla mesewere are ŋgiɗ a le a aà iye, kige tsa duwa a wisiŋ a gər aɗaba ana i zezem a Kiristi ya ka, i ndze a lele. Aɗaba i təv ana ndzəɗa gà a riŋ asa tsiye ivaɗ, na i ŋgatawa ndzəɗa ndzer ŋa ana i təv ŋgar a ya.

FILIPIYA 1:7

Ŋgwal ŋa lele na iye ihər i dzele a kamala taŋa ya, dite i ndze a ka, ndzəɗakkà na agəra kurum a. Aɗaba kà dwimiŋ gər lele. Aɗaba kurum nda gà iye tserdze ka, Mbulum aka ge a kwa ŋgwal ŋa, na dite ki zlèkwim a iye ana gədzə̀zlzla mandza ŋa i daŋgay a, dite i təv ana i tsikewa ŋgwal bazlam ana biy Yesuw Kiristi ika miɗ seriye, i ɗif a à ndzer ŋana ya mbaŋa.

FILIPIYA 4:14

Ama ka, ku mege kataya tekeɗe ka, kàa gwim ŋgwal ŋa lele aà mezleke iye i huɗ mesewere are gà ana i sèwèr a kinehe ya.

1 TESALUNIKE 2:14

A kurum gà damər mər, kà nwim ka, kamala gà mburma Mbulum ana ika ahəɗ Yuda, ta gəs Yesuw Kiristi ya. Gà Yahuda ana i fataya ka, ta vəlawa a tar mesewere are hinne. Kamala taŋa ya, kurum kinehe tekeɗe, gà gwala kurum ihər tì sèwèr a kurum a are kataya mbaŋa.

2 TIMUTE 1:8

Aɗaba taŋa, tsik bazlam BATSAH kwa ŋana a mət aà dizl magə̀làwà ŋa ya a gà mburma ka, parakkà lele, ki ge dər magəɗa tsidze. Dite ku mege iye riŋ i daŋgay gədzə̀zlzla agəra ana i zezem a ŋgat a tekeɗe, ki ge dər hwarwa ika miɗ mburma tsa asa mbaŋa. Ama ka, hadzal ba yak aà mesewere are nda iye, aɗaba bazlam ŋgwal ŋana ivaɗ. Mbulum na a vilek ahər a ndzəɗa ya.

IBƏRANIKWA 11:26

Aɗaba a sər, a gwa: Ŋgulum i sèwèr a are agəra *Kiristi ana Mbulum a ti slirre a ŋgat aka gər ahəɗ mba ya, na ndəna i ŋget a gà limana hinne ika ahəɗ Ezipt i faha ya. Aɗaba a tike a are ka, a dukw mayaba ŋgar ana Mbulum a ta viler a mba ya.

IBƏRANIKWA 11:36

Gà asiŋ gà mburma Mbulum ŋgiɗ tàa sèwèr are hinne, na i təv ana tə sawla aà tar, ta gazla tar lehhè lehhè ya. Tə dzawaya tar nda tsitsirɓe, dite gədzə̀zl gədzə̀zl tə dzaya tar a daŋgay asa mbaŋa.*fz*

IBƏRANIKWA 12:4

Aɗaba i huɗ mege gùvəl kurum ana riŋ ihər ki gwim a aà gà dukw ana ŋgwal ŋa tsiye ka, aka ndze a təv məməta kurum zukw tsa.

IBƏRANIKWA 13:13

Aɗaba taŋa, kwa tekeɗe ka, say tàkwa a təv ŋgar a bəra a fata, dite kə̀ gə̀sakwa ba nda gà ŋgat. Ki gìsekwe a zìrìwe ana tə ndaɗa aaka ya mbaŋa.