IBƏRANIKWA 10:31 - Bible Zulgo

³¹ Aɗaba Mbulum ka, mala ndzəɗa, ŋgat ana a riŋ nda gà mesife ya. Na seriye ŋgar aka gəs wura ika miɗ ŋgar ka, waya ba ŋgar a.

IBƏRANIKWA 10:31 Iomraidhean Croise

Mata 10:28

Ka ta gwim magəɗa a gà na ta bets a slu ba kurum a tsa, aɗaba ti sle a aà medzeye à mesife kurum tsa. Ama gwim magəɗa ka, a Mbulum ana ŋgat a sle a aà medzeye à slu ba kurum, nda mesife kurum fit a akwa ana a mbete a tsa aà biybiy a ivaɗ.

Mata 16:16

Simun Piyer a gwaɗar aaka: «Kər ka, Kiristi, mala məmbə̀là à mburma ana Mbulum a gwa, i slir a kurumaha a ya, Kəla Mbulum ana a riŋ nda gà mesife aà biybiy a.»

Luka 12:5

I ɗif a kurum a à wur ana ki gwimer a magəɗa ya. Gwim magəɗa ka, a Mbulum. Aɗaba i dəba məməta kurum a ka, a sle aà meye a mesife kurum a akwa ana a mbete a tsiye. Ama ka, iye ihər i gweɗe a kurum a nda ndzer: Ŋgat na ki gwimer a magəɗa ya.

Luka 21:11

I gà kwite ŋgiɗ pampam, wàkit wàkit ahəɗ a ɓezle a nda medzedzere hinne. Gà may nda gà dukw məməta ŋgiɗ hinne ti ta geye a ba i gà kwite ŋgiɗ pampam, ku mege i ŋga tserdze. Ta ŋget a a gà dukw mene aà mburma ana gà bàba ŋa ya, aà gəza mbulum, ta ge a magəɗa hinne ya.

Gà Ɓəzla Meslire 13:11

Kinehe ka, tsaraka lele kwaŋ, matsəɓatsəɓ Mbulum ika gər yak, ki ge a guluf, ki ŋget a à vatwa tsa i huɗ mendze zaakwa ya.» Aka ahəm ata tsara ka, tùtùrkùm Elimas aka ge guluf tsara kaɗəŋ. I dəba ŋa ya, a yaha mburma tam tam tam, aà ma gasar ahər.

2 Kurintiya 5:11

Na Batsah mər ŋa a ta ge a mər a seriye kamala taŋa ya ka, mìi ger a magəɗa. Aɗaba taŋa mbaŋa, na mər ihər mìi yehe a vatwa aà mandzàkàra mburma aka miɗ ŋgar a, dite na ti sir a dər ka, mər gà ndzer ŋa ya. Mbulum ka, a sər mər ka, lele. Ama i dzala ka, kurum tekeɗe, ki sirwim a iye i gəzləŋ kurum mbaŋa.

IBƏRANIKWA 10:27

Wur ana a ge a kamala taŋa ya ka, say ma ge magəɗa kwàrkwàr hinne, aɗaba batsah seriye Mbulum ana a ta ge a ya ka, à gis a ŋgat. Dite batsah akwa ana ŋgarŋgar a ta wene a gà ɓəzla mene are Mbulum a ka, a wene aɗəm a ŋgat mbaŋa asa.

IBƏRANIKWA 12:29

Aɗaba ndzer kaɗəŋ, Mbulum ana ki zlìbekwe a à ŋgat a ka, a ne kamala akwa ana wànə̀nə̀nna a wene a dukw tserdze ya.

IBƏRANIKWA 3:12

Gà damər gà, gwim metsehe, aɗaba gəzləŋ wura ika magər kurum ma ta ge makula ŋa kamala taŋa ya tsa, dite ka, a niw a magəsa Mbulum, à mbìɗer a dəba, a ŋgat ana mala məvəla mesife ya tsa.