IBƏRANIKWA 10:30 - Bible Zulgo

³⁰ Aɗaba kà sərakwa, Mbulum a gwa ka: «Iye na a ta me aɗəm a à bakal a gà mburma ana ta hitse a à gər tar nda təv ga ya. Dite iye asa na i ta pìl aɗəm a à gà na ta ge a dukw ana ŋgwala tsiye ya.» Ama kà sərakwa dukw ana a tsik a ka, a ta ge a ndzer kaɗəŋ. A gwa asa ka: «Iye Mbulum Batsah ŋa ana i ti ses a ikaba seriye gà mburma gà ya ya.»*fd*

IBƏRANIKWA 10:30 Iomraidhean Croise

RUMA 12:19

Gà masla gà, i tsik ka, ndzer. Ka ta mùm aɗəm à bakal a mburma tsa. Məsakum à matsəɓatsəɓ ŋa a ahər a Mbulum, à tètiker a mba. Aɗaba a riŋ mewetse ŋa i wakita ŋgar ka, ta gwa: «BATSAH kwa ŋa a gwa ka: Dukw ana tàa gek ŋgwal ŋa tsiye ka, iye na i pìl a kər a, tsəka, kər ŋa tsa. Iye na i ge a seriye ŋa ya.»*fa*

RUMA 13:4

Aɗaba tar ata ka, tar riŋ ta ge a megemir Mbulum, tì zlèk a kurum aà mege dukw ana ŋgwal ŋa ya mbaŋa. Ama na bəla kàa gwim dukw ana ŋgwal ŋa tsiye ka, say ki gwim a ter a magəɗa, tsəka, aɗaba ndzəɗa ata Mbulum a vəl a tar a ka, taf masakəŋa tsa. Tar ka, gà ɓəzla megemir Mbulum aà meɗìfè dər ka, a tike a matsəɓatsəɓ aka gà na tàa ge dukw ana ŋgwal ŋa tsiye, à tètìk a ter a ya.

2 Kurintiya 5:10

Aɗaba kwa tserdze ka, bàlaarì, ki ta hitsekwe a aka miɗ Yesuw Kiristi, na dite à ses a kwe a ikaba seriye kwa ya ya. Ku weke a ŋget a duwa kalkal kamala megemir ŋgar ana a gewa ɗa ika gər ahəɗ a mbaŋa. Na bəla kàa gekwa dukw ana ŋgwal ŋa ya ka, a ta vile a kwe a dukw maya ba kwa. Ama na bəla kàa gekwa dukw ana ŋgwal ŋa tsiye ka, a ti sèwèr a kwe a are.