IBƏRANIKWA 10:25 - Bible Zulgo

²⁵ Aɗaba gà asiŋ gà mìsle ŋgiɗ ka, ŋgwìɗik tàa miyak à mayahaba gər kwa ana kà yahawakwa ba gər a, tə dawara asa tsa. Ama ka, ka ta gwim kamala tar a tsa. Ŋgwal ŋa ka, mayakwabaha à arəv ivaɗ. Dite sakwàn kinehe, kà sərakwa pat ana Yesuw Kiristi BATSAH kwa ŋa à mère a ya ka, aka à mendzera bise.

IBƏRANIKWA 10:25 Iomraidhean Croise

Mata 10:15

Aɗaba taŋa, iye ihər i gweɗe a kurum a nda ndzer, pàrsa iɗəm tsa: A pat seriye Mbulum ka, i tar ka, mawùràba ŋa, biy gà Suduma nda gà Gumura duwa i təv a tsa.»

Mata 18:20

Aɗaba ku mege i ŋga, na gà mburma sula, kige tsa makər tàa yahaba gər aà mahàmà a Mbulum nda zləm gà ka, iye riŋ ika magər tar mbaŋa.»

Yuhana 12:48

Wur ana aka niw iye, aka gəs bazlam gà tsəka, seriye à gis a ŋgat a pat mandəvandəv gər ahəɗ ana Mbulum a ta ge a seriye aà mburma ya. Bazlam gà ana i tsik a ya pəra na à gis a ŋgat i seriye a pat ata ya.

Gà Ɓəzla Meslire 16:16

A pat duwa, mər ihər mìi de a a təv ata gà Yahuda ta hamawa iɗəm a Mbulum a asa ka, mì le aà dəm duwa daala ŋa. Dəm ata ka, ɓele. Ama sitene i ba ŋgar asa, a ɗifewar à gà dukw ana a ge a ba ika miɗ mba ya. A banawara siŋgwe à gà mburma ya hinne, nda gà dukw ana a ɗamawa a tar a. A dzawa a gà ɓəzla ga ŋgar.

Gà Ɓəzla Meslire 2:1

A pat Pantakwasta *megirive gà Yahuda ana a ndzera ya ka, gà ɓəzla magəsa Yesuw nda gəzləŋ mayahaba gər ŋa i təv ilik ŋa asa mbaŋa.

Gà Ɓəzla Meslire 2:42

Tar ata tserdze ya, tə dzawa zləm a guma ana gà ɓəzla meslire Mbulum ata ti ɗifewa a tar dər a ka, lele nda metsehe. Tə ndzawa ba ka, say i təv ilik ŋa. Tə zəmawa ɗaf tekeɗe, i təv ilik ŋa asa. Dite ta hamawa aà Mbulum tekeɗe ka, i təv ilik ŋa asa mbaŋa.

Gà Ɓəzla Meslire 20:7

A pat səbədà i hawa ka, mì yahaba gər, aà mazəma dukw mezime matəkəra dər aà məməta Yesuw. Pul a fàfəl a mburma ana mayahaba gər ŋa ya. A tsik a tar aba bazlam Mbulum a, haa a da tsikw a magər həvəɗ, aɗaba ana a ndze a i təv tar asa tsa, ndidwe ŋana a de a à tar a ya.

RUMA 12:8

Dite bəla na aka vəlak ndzəɗa aà mimè a taraha à arəv ka, mà a tar dərraha asa. Na bəla mìsle ŋgiɗ aka ŋgat ndzəɗa aà məvəla duwa a gà na duwa a sle aà ter a ya ka, mə vəl a tar gər sah nda gəzləŋ ilik. Na bəla biy ŋgiɗ, aka ŋgat ndzəɗa aà mene batsah ŋa ika gər tar ka, mà gəs aaba tar lele. Kige tsa bəla biy ŋgiɗ asa aka ŋgat ndzəɗa aà mege a tar ŋgwal ŋa ka, ma ge nda maŋgayaba lele mbaŋa.

1 Kurintiya 11:20

Aɗaba i tsaraka, i təv ana kà yahawum ba gər a ka, aà mazəma ɗaf matəkəra dər aà məməta Yesuw BATSAH kwa ŋa tsa, kàa dzalum gà gər aka taŋa tsidze.

1 Kurintiya 14:23

Tsarakum kwaŋ, na bəla i təv ana kurum gà mburma Mbulum kàa yahum ba gər a ka, kurum tserdze, ku mege weke, à dze a ba aà mifefile ndaka ahəm ana ŋgat aka sər tsiye, dite gà mburma ana tàa gəs Yesuw Kiristi nda gəzləŋ tar zukw tsa, nda gà na tar i bəra ya, tàa dara aka magər kurum ana, ta gweɗe a, kurum gà məba a dala tsiye?

1 Kurintiya 14:3

Ama wele ana à me a à bazlam Mbulum a mburma ndaka ahəm kwite ŋgar, a gà asiŋ ŋgar a, dukw ana a tsik a ya ka, à zlèk a tar, à me a terehe a arəv, na dite ta ŋget a ndzəɗa ɓəŋɓəŋ lele ya.

1 Kurintiya 3:13

Ama pat ana Mbulum a ta ge a seriye a gà mburma ya ka, ku mege weke, dukw megemir ŋgar à pèt a aba ndərzayya lele. Aɗaba a pat ata ka, Mbulum a ti dzik a à megemir gà mburma ŋgar tserdze nda akwa, dite ku weke a sir a dər kuɗa, wànà megemir ana a gewa ya ana, ŋgwal ŋa ya, tsəna, ŋgwal ŋa tsiye ya.

1 Kurintiya 5:4

I ge seriye ata ka, nda zləm Yesuw BATSAH kwa ŋa. Araha, na dukw ana ki gwim a ya. Yahum ba gər, dite madzala gà gər gà tekeɗe, a ndze a i təv kurum nda ndzəɗa Yesuw Kiristi BATSAH kwa ŋa mbaŋa.

FILIPIYA 4:5

Mburma tserdze ta fə̀r aà mede kurum, tə sər dər ka, meme na kà gəsum mburma lele, ki gwim a ter a ŋgwal ŋa ya. Mə̀ məts a kurum gər tsa, na mimè ana BATSAH kwa ŋa à mère a bise ya.

1 TESALUNIKE 4:18

Aɗaba taŋa, màyum baha à arəv nda bazlam ata ika magər kurum ilik ilik tserdze.

1 TESALUNIKE 5:11

Aɗaba taŋa, mùm a baha à arəv, kà zlakum ba ika magər kurum ilik ilik tserdze, kamala ana kurum riŋ ihər ki gwim a gà dukw ata kinehe ya.

IBƏRANIKWA 10:24

Say ki weyekwe a ba lele, ki yehekwe a vatwa ka, aà məmayabaha à arəv ika magər kwa ilik ilik tserdze, na dite mawàyà ba kwa ata ki weyekwe a ba ya ka, mà səkah aka miɗ aka miɗ nda megemir ana ŋgwal ŋa ya mbaŋa.

IBƏRANIKWA 10:37

Aɗaba taŋa, mewetse ŋa a riŋ i wakita Mbulum ka, a gwa: «A zehe hinne asa tsa, na dite wele ana Mbulum a gwa, a ti dere a ka, aka à mendzera. A ge a mèhìnèkw tsa, a dere a ka, bise.

IBƏRANIKWA 13:22

A kurum gà damər gà, iye ihər i ge a kurum a kamkam: Gəsum bazlam gà ana i tsik a kurum a ya, nda maŋgayaba lele, na dite a vile a kurum a ndzəɗa a gəzləŋ kurum a. Aɗaba bazlam ana i wetse a kurumaha a wakita aaha ya ka, zùbəl ŋa tsa, ar ka, kəla bazlam zaakwa pəra.

IBƏRANIKWA 3:13

Màyum baha à arəv ilik ilik ika magər kurum tserdze kəla pat seyiŋ ivaɗ, na dite duwa ilik a beze a kurum a za asa tsiye, dite ka, ki gwim a bakal, ka tsalum ba à segeme a gər tsa asa ya. Zazamum bazlam ata kəla pat i təv ana Mbulum riŋ à fèfilekwe a tə̀ma seyiŋ mbakum a.

YAKUBA 5:8

Kurum tekeɗe ka, gəsum gəzləŋ kamala taŋa ya mbaŋa. Mərum aba, ka ti ywim ba tsa, aɗaba pat ana BATSAH kwa ŋa à mère a ya ka, aka à meslele.

1 PIYER 4:7

Ama kinehe ka, pat mandəvandəv gər ahəɗ aka à mendzera. Gwim metsehe, kaslum ba kurum lele, dite na ki slwim a aà mahàmà a Mbulum a.

2 Piyer 3:11

Na gà dukw ata tserdze ya, tì ndìv a kataya ka, gwim metsehe lele na i təv mendze kurum ana ki ndzwim a ya. Ama say ki ndzwim a ka, tsəɗaŋŋa lele. Zazamum nda gəzləŋ kurum ilik. Gəsum ahər ahəm nda təv gà duwa tserdze.

2 Piyer 3:14

Aɗaba taŋa, a kurum gà masla gà ana i waya kurum hinne ya. I tsik a kurum a ka, a kurum ana kurum riŋ ihər i vevwim a pat ana Yesuw Kiristi à mère a ya ka: Mərum aba nda ndzəɗa kurum fit dze, na dite mendze kurum ana ika miɗ Mbulum a ge a ŋgwal ŋa, ələk a fata ka, bakal a ge a i təv kurum tsidze ya. Sərum ba nda gà ŋgat i gəzləŋ kurum zayzay lele.

2 Piyer 3:9

Gà asiŋ gà mburma ŋgiɗ ihər ta gweɗe a: «Mbulum ka, mala mèhìnèkw, a dere a bise tsa, aɗaba dukw ana a tsik i sida ya, a gwa, i ge a ya ka, a ge a ba bise tsa ana, meme?» Ama ka, kataya tsa, a riŋ a ge a mba dukw ŋgar. A veve a ka, kurum seyiŋ ivaɗ. Aɗaba a sasar ka, a ze a kurumaha aà mendze kataya ka, ki mbiɗwim a à madzala gà gər kurum, wura ilik ma dzeye tsa. A waya mburma tserdze ta mbəɗ à gəzləŋ tar, ta miyak à bakal tar ivaɗ.

Yuda 1:19

Kamala taŋa ya, gà taŋa na tì dzik a ikaba gà mburma ya ya. Tar ti zezem a ka, madzala gà gər tar ɗekɗek tsəka, biy Mezite Mesife Mbulum tsa.