IBƏRANIKWA 10:18 - Bible Zulgo

¹⁸ Aɗaba taŋa, na Mbulum aka pəl à bakal a gà mburma kamala taŋa ya ka, gà dukw ŋgiɗ ana ta betser a tserdze ya, ta ge a ŋgulum asa tsa.

IBƏRANIKWA 10:18 Iomraidhean Croise

IBƏRANIKWA 10:14

Kamala taŋa ya, Yesuw a vəl ba ŋgar a Mbulum sik ilik pəra. A vəl ka, na dite gà mburma ŋgar ti ne gà tsəɗaŋŋa ika miɗ Mbulum a. Mipele ata a pala tar a ka, a waya na ti sime ika miɗ Mbulum ɓərɓər lele, aà biybiy a asa.

IBƏRANIKWA 10:17

I dəba ŋa ya, a mà aaka asa, a gwa: «Gà bakal tar ata ka, gwiɗits ti ta mìŋere a a gər a asa tsa, ku mege gà dukw ana ta gewa ŋgwala tsa tekeɗe ya.»*fc*

IBƏRANIKWA 10:19

A kurum gà damər gà, agəra Yesuw ana a mət, a dza à məmbəz ŋgar a ka, kàa ŋgatakwa vatwa aà mede a təv ata tsəɗaŋŋa, Mbulum mandza ŋa iɗəm a. Ar ka, tùwaŋŋà mahə̀ndə̀kà ŋa iɗəm a, wura à hìndìk a kwe aɗəm a asa tsa.

IBƏRANIKWA 10:2

Na mege ti ne a gà ŋgwal ŋa tsəɗaŋŋa ika miɗ ŋgar sik ilik pəra ka, ana ka, bakal tar a wurawa aà tar i gəzləŋ, dite ta betsewer a duwa asa tsa.