IBƏRANIKWA 1:9 - Bible Zulgo

⁹ A sàsak ka, dukw ana ndzer a, dite kà waya dukw ana ŋgwal ŋa tsiye tsidze. Aɗaba taŋa na Mbulum Tsir yak a zla kər, dite a sə̀ŋgə̀r à kər, a za biy gà màndàla yak a, dite ka, maŋgayaba mà rah a gəzləŋ yak zayya lele.»*fe*

IBƏRANIKWA 1:9 Iomraidhean Croise

Luka 4:18

«Iye i ahər Mezite Mesife Mbulum, aɗaba a zla iye aà meɗìfè à bazlam ŋgwal ŋana a gà ɓəzla matawak. A slərra iye ya ka, a təv gà ɓəzla daŋgay a, aà meɗife a tar à məpala à tar. Dite aà mahə̀ndə̀kà are a gà ɓəzla guluf mbaŋa nda gà aà mibeyè à gà na ti sèwèrewa a tar are ya.

Yuhana 1:41

A le aà damər ŋgar Simun tsara ka, a gwaɗar: «Maa ŋgat a *Masihu, kamala megweɗe ya ka, *Kiristi, mala məmbàlà à mburma ana Mbulum a gwa, i slir a kurumehe a ya.»

Yuhana 10:17

Tsir gà a weye iye ka, aɗaba ana Yàa hadzal ba aà medzeye à mesife gà ya. Dite i sər ka, i ŋget a mesife ata asa.

Yuhana 20:17

Yesuw a gwaɗar: «Kə̀ gəs ba aà iye tsa, aɗaba Yàa tsəl a təv Tsir gà zukw tsa. Ama ka, ka ta gwaɗa a gà damər ga ka, i tsil a a təv Tsir gà ana Tsir kurum mbaŋa ya. Ŋgat na Mbulum gà ya, dite biy kurum mbaŋa asa ya.»

Yuhana 3:34

Aɗaba wele ana Mbulum a slərra ŋgat a ka, a me a ka, à bazlam ŋgar, aɗaba a vəlar Mezite Mesife ŋgar, a ràhar dər tsìsl a gəzləŋ.

Gà Ɓəzla Meslire 10:38

Kàa tsarakum, meme na Mbulum a rah à Mezite Mesife nda ndzəɗa ŋgar aka gər Yesuw gà Nazaret a. Ama ka, Yesuw a sùwayawa ika ahəɗ gà Yahuda tserdze nda mege ŋgwal ŋa a mburma, a mbala à gà na Əbay sitene a kwere a tar a tserdze mbaŋa, aɗaba ka, Mbulum a riŋ nda gà ŋgat.

Gà Ɓəzla Meslire 4:26

Gà bàba gà Əbay gər ahəɗ tə duwayaba à gùvəl. Dite gà Əbay tə yahaba gər a təv ilik ŋa, aà magàwà aà gà batsah tar ŋa, Mbulum nda mala məmbàlà a mburma ana a gwa, i slir a kurumehe a ya.> «*fb*

Gà Ɓəzla Meslire 4:27

I huɗ meheme tar ata ya hiywe, ta gwa asa: «Kaɗəŋ, ar ka, kamala Mezite Mesife yak ana ka tsik ahər akahər ata ya. Aɗaba gà *Hiridus nda Puntiyus Pilatus ta gaw ba i kwite aaha nda gà slele, dite nda gà Yahuda, aà magàwà aà Kəla yak Yesuw ana kà slərra kamala mala məmbàlà à mər a.

RUMA 12:9

Mawàyà ba kurum ma ge ka, nda gəzləŋ ilik, wirwir ma ge iɗəm tsa. Tə̀zum aà dukw bakal a. Zazamum ka, dukw ana ŋgwal ŋa ya kəla pat, ku mege ndeɗime ivaɗ.

RUMA 15:13

Kinehe ka, iye riŋ i heme a a Mbulum, mala metsìkè dukw ana a tsik a ka, dite gà mburma ti dzele a ya, mə vəl a kurum maŋgayaba, mà rah a gəzləŋ kurum tsìsl lele, nda matasla yam zayya, agəra megìse kurum ana kàa gəsum ŋgat nda gəzləŋ a. Kamala taŋa ya, madzala gà gər kurum tekeɗe, fit a de a a təv Mbulum, nda ndzəɗa Mezite Mesife ŋgar.

1 Kurintiya 1:9

Mbulum nda ahər ŋgar ŋa, na a zal a kurum, dite na ki ndzwim a i təv ilik ŋa nda gà Yesuw Kiristi Kəla ŋgar hiywe ya. Ŋgat na a ne BATSAH kwa ŋa ya. Ama Mbulum ka, dukw ana aka mbər metsike ya ka, a ge a ndzer kaɗəŋ, pàrsa iɗəm tsa.

2 Kurintiya 11:31

Mbulum Tsir Yesuw BATSAH kwa ŋa ka, a sər, dukw ana iye ihər i tsik a ya ka, ndzer, tsəka, pàrsa iɗəm tsa. Ku weke mà zlə̀b à ŋgat aà biybiy.

GALATIYA 5:22

Ama megemir Mezite Mesife Mbulum ka, pam. Ar ka, kamala dizl ɗaf ana a we a dukw ŋgwal ŋa ya. Gà dukw ata ka, mawàyà ba ana gà mburma ta weye a ba ya. Maŋgayaba, nda matasla yam ana i gəzləŋ tar a. Ta gis a gəzləŋ i təv gà dukw ŋgiɗ a pampam. Ta gis a mburma lele, ta ge a ter a ka, dukw ana ŋgwal ŋa ya. Tar ka, gà mburma ana gà ndzer ŋa ya.

EFESIYA 1:3

Zàmbaɗakwa à Mbulum Tsir Yesuw Kiristi BATSAH kwa ŋa, aɗaba aka pisakwara ahəm a nda gà ŋgwal gà dukw ana tserdze ti ndze a aà biybiy i gər ŋa ya. A vəl a kwa gà dukw ata ka, a kwa ana mandza ŋa i təv ilik ŋa nda gà Yesuw Kiristi ya.

FILIPIYA 2:9

Aɗaba taŋa na Mbulum a zla ŋgat, a səkah à ŋgat ika gər gà duwa ya tserdze ya. Dite a ɗer zləm ana a za gà zləm gà dukw ŋgiɗ tserdze ya mbaŋa asa.

IBƏRANIKWA 2:11

Yesuw na a ne à mburma ŋgwal ŋa ika miɗ Mbulum a, dite gà mburma ata ti ne gà ŋgwal ŋa tsəɗaŋŋa aɗaba ŋgat a ka, Tsir tar ka, Mbulum ilik. Aɗaba taŋa na Yesuw a zal a tar gà damər gà, a ge a ter a hwarwa tsiye.

IBƏRANIKWA 2:9

Ama ka, kwa a riŋ kà sərakwa, Yesuw na a riŋ a kwere a gà dukw ata tserdze kinehe ya. Akahər ata i huɗ mendze zaakwa ya ka, Mbulum a ne à ŋgat kəla ŋa ika miɗ gà gawla ŋgar a, dite ka, a mət aɗaba gà mburma tserdze, agəra ana a waya mege a tar ŋgwal ŋa ya. Agəra mesewere are ana a sèwèr a, nda məməta ŋgar ana a mət a, na dite Mbulum a vəlar mendze ŋgwal ŋa ata tì zlibe a dər à ŋgat nda medzedzere hinne ya.

IBƏRANIKWA 7:26

Kamala taŋa ya, Yesuw ka, batsah mala mandəva kuɗa a Mbulum kwa. Ŋgat ka, wele ana a sle a aà mege dukw ana a sle aà kwa ndaka miɗ ŋgar a. Aɗaba ŋgat ka, tsəɗaŋŋa, bakal i təv ŋgar tsa, dite swalwa i ba ŋgar kwizikw ɓav tsa asa mbaŋa. Mendze ŋgar ka, tsàkàlàk aà gà ɓəzla bakal a. Mbulum a tike ŋgat a təv ŋgar i gər ŋa.

1 PIYER 1:3

Zàmbaɗakwa à Mbulum tsir Yesuw Kiristi BATSAH kwa ŋa. Ka ndzekwar are tsehe hinne, na dite a vəl a kwa mesife awiya ŋa ya. Kə ŋgatakwa ka, aɗaba Yesuw Kiristi ana a mbəlara i məməta ya ya. Agəra taŋa na kà sərakwa i gəzləŋ kwa ka, ki ta mbilekwere a i məməta ya mbaŋa ya.

1 Yuhana 1:3

Dukw ana mì ŋgatar a, ndəna mì tsaraka ya, na mìi tsik a kurum a mbaŋa, na dite kurum tekeɗe ka, ki gewim a à ba nda gà mər i təv gà dukw ata. Magàwà ba ana ki gewekwe a ba ya ka, nda gà Mbulum Tsir kwa, dite nda gà Yesuw Kiristi Kəla ŋgar asa.

Sunwa Yuhana 2:15

Gà mìsle ŋgiɗ a riŋ ika magər kurum ka, ta gewa kamala taŋa ya mbaŋa. Tar ti zezem a ka, dukw ana gà mburma gà Nikulas ti dzeŋge a ya.*fe*