IBƏRANIKWA 1:8 - Bible Zulgo

⁸ Ama nda təv Kəla ŋgar ka, a gwaɗar: «Kər ka, Mbulum, mekwere Əbay yak ka, ma ndza aà biybiy, ki kwere a gà mburma yak ka, nda ndzer ŋa.

IBƏRANIKWA 1:8 Iomraidhean Croise

Mata 1:23

«Dəm gama ata a ta ŋget a kəla. A we a ka, ti ti zel a a kəla ŋa, *Emmanuwel,« kamala megweɗe ya: «Mbulum a riŋ a ndze a nda kwa.»*fa*

Luka 1:75

Na dite ki ŋgetekewe a vatwa aà megemir ŋgar kəla pat nda magəɗa ŋa asa tsiye, dite ka, ki nekwe a gà mburma ŋgar, ki gekwe a dukw ana kalkal ika miɗ ŋgar lele ya.

Yuhana 10:30

Mər ka, ilik nda Tsir gà.»

Yuhana 10:33

Gà Yahuda ata ta gwaɗar aaka: «A sàs a mər makàlàwà kər ka, agəra ana ki ge gà megemir ŋgwal ŋa ya tsa. Ama aɗaba ana ka ne bakal à Mbulum, kà tsik ahər dukw ana ŋgwal ŋa tsiye ya. Kər ka, mburma məfara ŋa, tsəka, Mbulum tsa. Ama ka, a sàsak mene à ba yak Mbulum.»*fa*

Yuhana 20:28

Tumas a gwaɗar aaka: «Tsaka kər kaɗəŋ Batsah ga ŋa, kər ka, Mbulum ana i gewar meslire ya.»

RUMA 9:5

Tar ka, i gwala gà bàba gà ɓəza Abəraham batsah tsir tar ana akahər ata ya. Yesuw Kiristi ibam, a ɗe aba kamala mburma ya ka, i gwala tar a mbaŋa. Ŋgat na Mbulum a. A ndze a ika gər gà dukw tserdze. Zàmbaɗakwa à ŋgat aà biybiy. *Amin.

1 Kurintiya 15:25

Aɗaba say Kiristi a kwere a tə̀ma, haa a pat ana Mbulum à dzer a gà ɓəzla mene are ŋgar tserdze aà huɗ sik ŋgar a dzekwiŋ.*fb*

1 TIMUTE 3:16

Bazlam ndzer ŋa ata Mbulum a ɗif a kwa dər, dite meme na kinehe ki ndzekwe a ika miɗ ŋgar a ka, batsah bazlam kaɗəŋ ndzer. Wura a sle a aà mimbetse tsa: Bazlam ata ti tsik ka, aà Yesuw Kiristi ana a dara aka gər ahəɗ a, dite a ne mburma ya. Mezite Mesife Mbulum a ɗif dər ka, ŋgat na ŋgwal ŋa lele ya. Gà gawla Mbulum tserdze tàa ŋgatar. Gà mburma ti tsikewa bazlam ŋgar a gà mburma ana ika gər ahəɗ a tserdze. Ama gà asiŋ ŋa, ku mege i ŋga tserdze, tàa gəs ŋgat nda gəzləŋ. I dəba ŋa ya, tsəɗak Mbulum a zla ŋgat a təv mezlibe ŋgar ana tì zlibe a à ŋgat a.

2 Piyer 1:11

Kamala taŋa ya kaɗəŋ ndzer, Mbulum a ta vile a kurum a vatwa aà mada a mekwere Yesuw Kiristi BATSAH kwa ŋana a kwere a ya, dite ŋgat na mala məmbə̀là à kwa ya mbaŋa. Mekwere ata a ndze a ka, aà biybiy.

1 Yuhana 5:20

Kà sərakwa dər asa ka, Kəla Mbulum a dara aka gər ahəɗ a ka, a vəl a kwa metsehe, na dite ka, kà sərakwa Mbulum ndzer ŋana ya. Kà ndzakwa i təv ilik ŋa nda gà Mbulum ndzer ŋana ka, agəra ana kà ndzakwa i təv ilik ŋa nda gà Yesuw Kəla ŋgar a mbaŋa, kàa gawakwa ba ya. Ŋgat na Mbulum ndzer ŋana ya, dite ŋgat asa na a vəl a kwa mesife ana à ndìv a tsa aà biybiy a asa mbaŋa.