IBƏRANIKWA 1:6 - Bible Zulgo

⁶ Ama i təv ana a sàs a Mbulum aà meslirra mandərkwasla Kəla ŋgar mifèndèz ŋana aka gər ahəɗ a ka, a tsik ahər, a gwa: «Say gà gawla gà ana i gər ŋa ya tserdze, tə̀ dzar gurmits a bəɗ.»*fc*

IBƏRANIKWA 1:6 Iomraidhean Croise

Mata 24:14

Ama gər ahəɗ à ndìv a kəla ka, ti tsik a bazlam *mekwere Mbulum aaha ŋgwal ŋa ya a gà slala gà mburma ika gər ahəɗ pampam tserdze dzekwiŋ, ku weke a sle a aà metsereke, na dite à ndìv a ya.»

Yuhana 1:14

Ŋgat ana tə zalar «Bazlam Mbulum» a, na a ne mburma ya, dite ka, a ndza ɗa ika magər mər zaakwa ya. Maa ŋgat a ndzəɗa ŋgar ana a za gà dukw tserdze, Mbulum a vəl a Kəla ŋgar ata mifèndèz ŋa, a da dərra i təv ŋgar a. Ŋgat ka, mala ndzer ŋa. A gewa ka, dukw ana ŋgwal ŋa ya ɗekɗek.

Yuhana 1:18

Wura aka ŋgat a Mbulum ilik tsidze. Ama Kəla ŋgar ata mifèndèz ŋa tə ndzawa i təv ilik ŋa nda ŋgat a, na a ɗif a kwa dər a.

Yuhana 3:16

Kərga taŋa ya, Mbulum aka waya gà mburma ana ika gər ahəɗ a hinne. A slərra Kəla ŋgar ana mifèndèz ŋa ilik a, dite ka, ku weke na aka gəs ŋgat nda gəzləŋ ilik a ka, a dzeye a tsa, ama a ŋget a mesife ana à ndìv a tsa aà biybiy a.

RUMA 8:29

Gà na Mbulum a lah mipele tar, ti ne gà biy ŋgar akahər ata ya ka, a sasar na a ti ne à ter a kamala Kəla ŋgar a mbaŋa, na dite Kəla ŋgar tekeɗe, ma ne malkwara ika magər gà damər ŋgar ata hinne ya ya.

KULUSIYA 1:15

Wura a sle a aà meŋgete a Mbulum nda are tsidze. Ama Yesuw Kiristi ana gà mburma ta ŋgatar a ka, a ndzikiɗ ba kalkal kamala Mbulum a. A ɗif a kwa dər, meme na a ndza ya ya. Ŋgat ka, malkwara. Mendze ŋgar ka, piŋŋe, à gər ana Mbulum aka ge gà duwa zukw tsiye.

KULUSIYA 1:18

Ŋgat Əbay ika gər gà mburma Mbulum mbaŋa. Ŋgat na a kwere a tar, kamala metsehe ana i gər mburma a kwere a ba mburma ya. Mesife awiya ŋa a dza ahər ba ka, i təv ŋgar mbaŋa asa. Aɗaba Mbulum a lah məmbə̀lara à ŋgat i məməta ya, na dite a ne à ŋgat Batsah ŋa ika gər gà duwa tserdze, ku mege awara tekeɗe ya.

IBƏRANIKWA 1:5

Dite Mbulum aka tsik aà wura ilik i liwiŋ tar a ka: «Kər na kà ne Kəla gà, mbakum i ne Tsir yak»*fa* ka, aka tsik tsidze. Say aà Yesuw ilik na a tsik ahər a. Dite a ɗə̀v zləm aà wura ilik i liwiŋ tar ata ya, aka gwa ka: «I ti ne a Tsir yak, dite kər tekeɗe, kà ne ka, Kəla gà»*fb* ka, aka tsik ɓav tsa asa.

IBƏRANIKWA 10:5

Aɗaba taŋa, i təv ana Yesuw Kiristi a dere a aka gər ahəɗ a ka, a gwaɗa a Mbulum: «A sàsak na ta betsek a gà duwa ya, kige tsa ta vilek a gà dukw ŋgiɗ taf masakəŋa ya asa tsa. Ama ka, a sàsak ki ne à iye a kamala mburma ya, na dite ka, i vilek a ba gà ya.

1 PIYER 3:22

Yesuw Kiristi ka, ŋgat aka tsəl a təv Mbulum. A riŋ mandza ŋa ika tsèke ahər mezime ŋgar. Ŋgat ka, a kwere a gà gawla Mbulum, nda gà Əbay tar ŋa dze, dite nda gà asiŋ gà dukw ana tserdze ndzəɗa tar a riŋ hinne i mbulum i gər ŋa ya.

1 Yuhana 4:9

Kamala taŋa ya na Mbulum a ɗif a kwe a à mawàyà ba ŋgar a. A slər a kwara Kəla ŋgar ana mifèndèz ŋa ilik a, aka gər ahəɗ a, na dite kə̀ ŋgatakwa dər mesife awiya ŋa aɗaba ŋgat a.

Sunwa Yuhana 1:5

Dite Yesuw Kiristi ana ŋgat mala sida nda ndzer ŋa ya tekeɗe ibam, mi pise a kurum ahəm, mə vəl a kurum matasla yam ata a gəzləŋ mbaŋa asa. Ŋgat ka, wele ana a lah məmbə̀lara i məməta ya. Ŋgat ka, Əbay ana ika gər gà Əbay gər ahəɗ tserdze ya. Ŋgat ka, a waya kwa, a dzeye à mesife ŋgar aɗaba kwa. Agəra ana a dza à məmbəz ŋgar ata ya ka, a beye dər à kwa i ahər bakal kwa ya.