IBƏRANIKWA 1:4 - Bible Zulgo

⁴ Aɗaba taŋa, Mbulum a ne à Yesuw ka, batsah ŋa, a za gà gawla ŋgar fit. Zləm ana a vəlar a tekeɗe ka, a za biy tar asa mbaŋa, agəra ana a zalar ka, Kəla gà ya.

IBƏRANIKWA 1:4 Iomraidhean Croise

EFESIYA 1:21

I dəba ŋa ya, Yesuw a ndza a fata ka, a kwere a gà gawla Mbulum nda gà Əbay tar, dite nda gà dukw ana tserdze ndzəɗa tar a riŋ hinne i gər ŋa ya. Maɗə̀và zləm ŋgar ka, a za dər biy gà mburma ana ika gər ahəɗ ana kinehe ya, nda biy ana a dere a ika miɗ a tserdze.

KULUSIYA 1:18

Ŋgat Əbay ika gər gà mburma Mbulum mbaŋa. Ŋgat na a kwere a tar, kamala metsehe ana i gər mburma a kwere a ba mburma ya. Mesife awiya ŋa a dza ahər ba ka, i təv ŋgar mbaŋa asa. Aɗaba Mbulum a lah məmbə̀lara à ŋgat i məməta ya, na dite a ne à ŋgat Batsah ŋa ika gər gà duwa tserdze, ku mege awara tekeɗe ya.

KULUSIYA 2:10

Ŋgat ka, Əbay ika gər gà gawla Mbulum nda gà Əbay tar ŋa ana tserdze ya. Na kurum riŋ mandza ŋa i təv ilik ŋa nda ŋgat ka, gà dukw ana i təv ŋgar a ka, tàa ne gà biy kurum mbaŋa.

2 TESALUNIKE 1:7

Dite kurum ana kinehe kurum ihər ki sèwèrwim a are ya ka, a ta vile a kwe akaba a mandza zayzay lele. Dukw ata a ta ge a ba ka, aka təv ana Yesuw Kiristi BATSAH kwa ŋa a dere a i gər ŋa i mbulum a ya. Tar nda gawla ŋgar ana gà ndzəɗa tar a riŋ hinne ya, na ti lekere a ŋgat a ya.

IBƏRANIKWA 1:9

A sàsak ka, dukw ana ndzer a, dite kà waya dukw ana ŋgwal ŋa tsiye tsidze. Aɗaba taŋa na Mbulum Tsir yak a zla kər, dite a sə̀ŋgə̀r à kər, a za biy gà màndàla yak a, dite ka, maŋgayaba mà rah a gəzləŋ yak zayya lele.»*fe*

IBƏRANIKWA 12:17

Aka ŋgat vatwa aà maŋgata dukw ana aka mbər mivile aba ya asa tsa. Kurum kà sərum, i dəba ŋa ya ka, Isuwa a waya tsir ŋgar mi piser ahəm. Ama ka, a niwer dər, ku mege a waya dukw ata hinne nda gà tuwa tekeɗe ya.

IBƏRANIKWA 2:9

Ama ka, kwa a riŋ kà sərakwa, Yesuw na a riŋ a kwere a gà dukw ata tserdze kinehe ya. Akahər ata i huɗ mendze zaakwa ya ka, Mbulum a ne à ŋgat kəla ŋa ika miɗ gà gawla ŋgar a, dite ka, a mət aɗaba gà mburma tserdze, agəra ana a waya mege a tar ŋgwal ŋa ya. Agəra mesewere are ana a sèwèr a, nda məməta ŋgar ana a mət a, na dite Mbulum a vəlar mendze ŋgwal ŋa ata tì zlibe a dər à ŋgat nda medzedzere hinne ya.

1 PIYER 3:22

Yesuw Kiristi ka, ŋgat aka tsəl a təv Mbulum. A riŋ mandza ŋa ika tsèke ahər mezime ŋgar. Ŋgat ka, a kwere a gà gawla Mbulum, nda gà Əbay tar ŋa dze, dite nda gà asiŋ gà dukw ana tserdze ndzəɗa tar a riŋ hinne i mbulum i gər ŋa ya.