IBƏRANIKWA 1:3 - Bible Zulgo

³ Ŋgat a riŋ à pèt a à mezlibe Mbulum ana tì zlibe a dər a, nda təv dzaydzay ŋana i təv ŋgar a. Aɗaba ŋgat na a zla ba kalkal kamala Mbulum a, dite ŋgat na a riŋ à gis a gà dukw ana tserdze ya, nda bazlam ŋgar ana ndzəɗa ŋa ya. A làmbaɗa vatwa ana Mbulum à pìl a dər à bakal a mburma ya, na dite ti ne a gà tsəɗaŋŋa lele ika miɗ ŋgar a. I dəba ŋa ya ka, a da a mbulum kuɗa. A daha, a ndza aka tsèke ahər mezime Mbulum, mala ndzəɗa batsah ŋana a kwere a gà dukw tserdze ya.

IBƏRANIKWA 1:3 Iomraidhean Croise

Mata 22:24

Ta gwaɗar: «Əbay mər, Musa a gwa i təv məpala ahəm Mbulum a ka: *fa*

Markus 16:19

Əbay Yesuw a fàfəl a tar aba ya kamala taŋa ya tsara ka, Mbulum a zla ŋgat. A da à ŋgat a ma. Yesuw a daha, a ndzaba aka tsèke ahər mezime Mbulum.

Yuhana 1:14

Ŋgat ana tə zalar «Bazlam Mbulum» a, na a ne mburma ya, dite ka, a ndza ɗa ika magər mər zaakwa ya. Maa ŋgat a ndzəɗa ŋgar ana a za gà dukw tserdze, Mbulum a vəl a Kəla ŋgar ata mifèndèz ŋa, a da dərra i təv ŋgar a. Ŋgat ka, mala ndzer ŋa. A gewa ka, dukw ana ŋgwal ŋa ya ɗekɗek.

Yuhana 1:29

Ndidwe ŋana ka, Yuhana a ŋgat a Yesuw a riŋ a dehe a a təv ŋgar. A gwaɗa a gà mburma ana i fataya: «Kəla təmaŋ ana Mbulum a vəl, ta kiɗ a aɗaba məpəla à bakal a mburma ya ka, araha, a deriŋa.*fd*

Yuhana 1:4

Mesife gà duwa tserdze a dara ka, i təv ŋgar a, dite mesife ata ka, a vəlawa təv dzaydzay ŋa a gà mburma mbaŋa.

Gà Ɓəzla Meslire 2:33

Mbulum Tsir ŋgar a zla ŋgat, a tike ŋgat aka tsèke ahər mezime ŋgar. Aka vəlar Mezite Mesife ŋgar ana a gwaɗar, i vilek a i sida ya. I dəba ŋa ya, ŋgat tekeɗe, a zazəɗ dərra a təv kwa ya. Aɗaba dukw ana kinehe kurum riŋ ihər ki tserekwim a, dite ndəna ki ŋgetwimer a ya ka, taŋa ka, megemir Mezite Mesife Mbulum ata a ge a ya.

Gà Ɓəzla Meslire 7:56

A gwaɗa a tar: «Tsarakum, araaka, iye riŋ i ŋgetehe a a gəza mbulum mahə̀ndə̀kà ŋa ikaba ya, dite Yesuw, *wur ana a dara i təv Mbulum a, a riŋ mehìtsè ŋa ika tsèke ahər mezime ŋgar.»

RUMA 1:16

Iye ihər i ɗif a à bazlam ŋgwal ŋa ata ka, parakkà, hwarwa a giŋ a tsa. Aɗaba bazlam ŋgwal ŋa ata ka, ndzəɗa Mbulum iɗəm, a sle a aà məmbə̀là à gà na ta gəs Yesuw Kiristi nda gəzləŋ tar tserdze ya. Malahalah ŋa ka, a mbil a à gà Yahuda, dite i dəba ŋa ya, a mbil a à gà mburma ana tar gà Yahuda tsiye mbaŋa.

RUMA 8:34

Weke na a sle a aà magəsa tar i seriye ya? Wura a riŋ tsa. Aɗaba Yesuw Kiristi nda gər ŋgar a mət agəra kwa. Ama ka, taŋa ɗekɗek tsa, ndeyndey ŋana ka, na Mbulum a mbəlara à ŋgat i məməta ya ya. Ŋgat a riŋ mandza ŋa ika tsèke ahər mezime Mbulum, dite ŋgat a riŋ a hemer a aɗaba kwa mbaŋa asa.

2 Kurintiya 4:4

Tə tsaraka bazlam ŋgwal ŋa ata tsəka, aɗaba ana Əbay sitene, mala makwàrà gər ahəɗ aaha, aka ge à tar guluf i huɗ metsehe tar, dite ta gəs tsiye. Aɗaba a waya tsa na ta ŋget a a dzaydzay ana à div a i təv tar a ya. Dzaydzay ata a dara ka, i huɗ ŋgwal bazlam ata aka gər ndzəɗa Yesuw Kiristi ana tì zlibe a dər a. Aɗaba Mbulum nda gər ŋgar a pàt à ba ka, nda təv Kiristi.

KULUSIYA 3:1

Kurum kà sərum ka, kàa mbalum akabara i məməta ya nda gà Yesuw Kiristi ya. Aɗaba taŋa, dzalum ka, aka gà dukw ana i gər ŋa i Mbulum, i təv ŋgar ana ŋgat mandza ŋa iɗəm a ya. Ŋgat ka, a riŋ mandza ŋa ika tsèke ahər mezime Mbulum.

TITUS 2:14

Ŋgat a dzeye à mesife ŋgar aɗaba kwa. Kamala taŋa ya na a pəl a kwa dər à bakal kwa tserdze ya. A bara aà kwa bakal kwa ya, na dite kà nekwa gà mburma ŋgar ana gà biy ŋgar, ta vile a ba aà mege gà megemir ana ŋgwal ŋa lele ya.

IBƏRANIKWA 1:13

Dite ka, Mbulum aka gwaɗa a wura ilik i liwiŋ gà gawla ŋgar a ka: «Ndza aka tsèke ahər mezime gà, haa a pat ana Yàa dza gà ɓəzla gùvəl yak aà huɗ sik yak a»*fg* tsa. Say a Kəla ŋgar Yesuw ilik na a tsiker a.

IBƏRANIKWA 10:12

Ama Yesuw Kiristi ka, a vəlar ba ŋgar ka, sik ilik pəra, na a pəl dər à bakal gà mburma aà biybiy a. Dite i dəba ŋa ya ka, a da a ta mendze ba aka tsèke ahər mezime Mbulum.

IBƏRANIKWA 12:2

Ki dzèkwehe a are ka, a təv Yesuw ndàslsla kəla pat. Aɗaba megìse kwa ana kə̀ gə̀sakwa ya ka, ŋgat na à lèh a kwe a aka miɗ, haa a təv mendìsle kwa ya. Akahər ata ka, aka gəs gəzləŋ i təv ana a mət aà dizl magə̀làwà ŋa ya lele. Ku mege tàa ndaɗa aka ŋgat hwarwa tekeɗe ka, aka dzala hwarwa ata tsa, na dite a ŋget a maŋgayaba ana Mbulum a waya a viler a aka miɗ mba ya. Aɗaba taŋa na ŋgat mandza ŋa ika təv mendze *mekwere Mbulum ika tsèke ahər mezime ŋgar kinehe ya.

IBƏRANIKWA 4:14

Aɗaba taŋa ki ndzekwe a nda gà megìse ana kə̀ gə̀sakwa ya, a gəzləŋ ɓəŋɓəŋ lele, dite ki ɗifekwe a dər a mburma ŋgarra lele mbaŋa asa. Aɗaba batsah mala mandəva kuɗa a Mbulum ata ka, Yesuw Kəla Mbulum ana a tsəl a təv ŋgar a gər ŋa ya.

IBƏRANIKWA 7:27

Aɗaba gà asiŋ gà bàba gà ɓəzla mandəva kuɗa a Mbulum ŋgiɗ ata ka, ta batsawa duwa a Mbulum kəla pat. Malahalah ŋa ka, ta batsawa aɗaba bakal tar dzekwiŋ, dite i dəba ŋa ya, ta bets a aɗaba gà mìsle ŋgiɗ kuɗa. Ama biy Yesuw ka, kataya tsa. Ŋgat ka, a vəl ba ŋgar a Mbulum taf masakəŋa, sik ilik pəra, i təv ana ta kəɗ ŋgat a, tsam ka, tsuway tsara. Sik ilik ŋa ata ka, a sle aà biybiy.

IBƏRANIKWA 8:1

Wur bazlam ana mìi tsik a kurum a ya ka, araha: Ama kinehe ka, kàa ŋgatakwa medzibe batsah mala mandəva kuɗa a Mbulum ata. Ŋgat a riŋ mandza ŋa ika tsèke ahər mezime Mbulum ana a kwere a gà dukw tserdze ya.

IBƏRANIKWA 9:16

Masəra ba gà Mbulum ana tə sər ba nda mburma ya ka, a ndzikiɗ ba bazlam wele ana à mìt a ka, a tsik a aba dukw ana tì dzeyekwe a ya. Kinehe kà sərakwa ndzer, na wura aka wetse aba wakita ya, aka gwa ka: «Na Yàa mət ka, ki ti dzèywim be a gà dukw gà aaha» ka, say ŋgat ŋa à mìt a dzekwiŋ kaɗəŋ, na dite a ge a ba kamala ana ŋgat a tsik a ya.

IBƏRANIKWA 9:26

Na mege kataya tsəka, ana ka, a ŋgetewe a mesewere are hinne daga aà gər ana Mbulum a ge gər ahəɗ a. Ama ka, kataya tsa, aɗaba a dara kinehe ka, sik ilik pəra, aka mandəvandəv gər ahəɗ aaha kinehe ya. A vəl ba ŋgar ka, na dite sifek à pìl a dər à bakal gà mburma ana ta gewa ya, aà biybiy.

1 PIYER 1:21

Kə̀ gəsum Mbulum nda gəzləŋ kurum ka, aɗaba ŋgat, ŋgat ana Mbulum a mbəl dərra i məməta ya, dite a vəlar mezlibe ana gà mburma tì zlibe a à ŋgat hinne ya. Aɗaba taŋa ki slwim a aà məvəla gəzləŋ kurum a Mbulum ilik, na dite ki sirwim a dər ka, a ta mbil a kurum mbaŋa ya.

1 PIYER 3:22

Yesuw Kiristi ka, ŋgat aka tsəl a təv Mbulum. A riŋ mandza ŋa ika tsèke ahər mezime ŋgar. Ŋgat ka, a kwere a gà gawla Mbulum, nda gà Əbay tar ŋa dze, dite nda gà asiŋ gà dukw ana tserdze ndzəɗa tar a riŋ hinne i mbulum i gər ŋa ya.

2 Piyer 1:16

Akahər ata ka, maa ɗif a kurum à ndzəɗa Yesuw Kiristi BATSAH kwa ŋana a ta mère a ya tserdze. Gà dukw ata mì tsik a kurum a ka, kamala ahəm hiyeŋ ana gà mburma ti ɗemere a ika arah a birek birek nda metsehe tar taf masakəŋa ya tsa. Ama mər ŋa nda ahər mər na mì ŋgatar parakkà nda ndzəɗa ŋgar ana ika gər gà duwa tserdze ya dukw ŋgar.

2 Piyer 1:17

I təv ana Mbulum Tsir ŋgar a zàmbaɗa à ŋgat, a vəlarra ndzəɗa mezlibe ana tì zlibe a à ŋgat a ka, mər riŋ i təv ŋgar i fata mbaŋa. Mbulum ana ŋgat mala ndzəɗa, a za gà dukw tserdze ya, a gwaɗarra: «Naha ka, Kəla gà ana mandərkwasla ŋa, i zla ŋgat a. Maŋgayaba gà fit dze ka, ika gər ŋgar.»

1 Yuhana 1:7

Ama na kwa mandza ŋa i təv dzaydzay ŋa kamala Mbulum ana ŋgat mandza ŋa i təv dzaydzay ŋa ya ka, kàa gawakwa ba na taŋa ya. Məmbəz Yesuw Kəla ŋgar ana a dza dər aɗaba kwa ya ka, a bere a gəzləŋ kwa, à pìl a kwa a à bakal ana ki gewakwa ya tserdze.

1 Yuhana 3:5

Kurum kà sərum, Yesuw Kiristi a dara aka gər ahəɗ a ka, aà məbàrà aà kwa bakal kwa ana ki gekwe a ya. Ŋgat ka, bakal ŋgar a riŋ ilik tsidze.

Yuda 1:25

Gekwar kəkaaha, aɗaba ŋgat ilik na Mbulum a. Dite ŋgat asa na a mbala à kwa nda ahər Yesuw Kiristi BATSAH kwa ŋa ya. Ku weke mà zlə̀b à ŋgat, a gweɗe a: Ŋgat ka, batsah Əbay. Mekwere ŋgar ana a kwere a ya ka, à ndìv a tsa, daga aà gər ana piŋŋe ya, ku mege kinehe ya, a ndze a ka, aà biybiy. *Amin.

Sunwa Yuhana 3:21

Gà na tàa mba aà dukw bakal a ka, i vile a ter a vatwa, tə dara, mìi ti ndze a nda gà iye, ika təv mendze mekwere gà. Ar ka, kamala iye ana i mba aà gà dukw bakal a mbaŋa. Kinehe ka, mər riŋ mandza ŋa i təv ilik ŋa nda Tsir gà ika təv mendze mekwere ŋgar ata mbaŋa.

Sunwa Yuhana 4:11

«Kər ka, Mbulum, dite kər Batsah mər ŋa. Kər na ki ge gà duwa tserdze ya. A ge ba ka, aɗaba ana kər kà waya ma ge ba ya. Aɗaba taŋa na kər ilik ka, ŋgwal ŋa, kà sle na mburma tserdze tì zèmbeɗe a à kər, tì zlibe a à kər nda magəsa aà kər ahəm a.»