IBƏRANIKWA 1:2 - Bible Zulgo

² A fàfəlawa kataya, haa tsikw a ndzera aà mendze kwa aaha kinehe mandəvandəv ŋa ya. Ama kinehe a fàfəl a kwa ka, nda bazlam Kəla ŋgar kuɗa. Nda ahər Kəla ŋgar ata, na Mbulum a ge gà gəza mbulum nda gər ahəɗ a. Ŋgat asa mbaŋa na a zla ŋgat a, dite ka, dukw tserdze ma ge biy ŋgar.

IBƏRANIKWA 1:2 Iomraidhean Croise

Mata 13:39

Mala swalwa ana a slige tìzèmiŋ ata ya ka, Əbay sitene. Masàsà daw ka, pat ana Mbulum à ndìv a à gər ahəɗ a. Dite na a ne gà ɓəzla masàsà daw ata asa ka, gà gawla Mbulum.

Mata 17:5

I təv ana a riŋ ihər à fèfil a mba ya ka, magùdwagùdwa a tarra aka gər tar a herrè, tits a le a tar. Zàmma tsəka, tə tsarakara iɗəm mifefile i huɗ magùdwagùdwa ata ya, Mbulum a gwaɗa a tarra: «Naha ka, Kəla gà mandərkwasla gà ana i waya hinne ya. Maŋgayaba gà fit dze ka, ika gər ŋgar. Dzum zləm a dukw ana a tsik a kurum a ya.»

Mata 21:38

Ama gà ɓəzla megemir dizl ɗaf ata ta ŋgat a kəla ata, a daha a təv tar a tsara ka, ta mà akaba à bazlam ika magər tar. Ta gwaɗaba:

Mata 26:63

Ama Yesuw aka fàfəlar aaka tsidze, a ndza ba ɗikɗik. I dəba ŋa ya, batsah mala mandəva kuɗa a Mbulum ata gwaɗar asa: «Iye ihər i wiz aà kər a duwa nda zləm Mbulum ana a riŋ nda gà mesife aà biybiy a, tsikiŋ wur bazlam ilik kwaŋ: Wànà kər ana, *Kiristi Kəla Mbulum kaɗəŋ a?»

Mata 28:18

Dite Yesuw a sìrìkaha a təv tar kuɗa. A daha, a gwaɗa a tar: «Mbulum aka viliŋ mekwere ŋgar ana i gər ŋa ya, ndəna ɗa ika gər ahəɗ a tserdze ka, a ahər gà.

Mata 3:17

A tsarakara mifefile ana a ɗera i mbulum a. Mbulum a gwaɗarra: «Kər na mandərkwasla gà ya, Kəla gà. Maŋgayaba gà fit dze ka, ika gər yak.»

Markus 1:1

Naha Ŋgwal Bazlam ana a ɗif à Yesuw Kiristi Kəla Mbulum a.

Markus 12:6

I dəba ŋa ya, a zeha a mala dizl ɗaf aaha ka, kəla ŋgar ana mandərkwasla ŋgar, a waya ŋgat hinne ya. A sləraha kəla ata a təv gà ɓəzla megemir ŋgar ata asa. A gwa i ŋgar ka:

Markus 12:7

Ama gà wele ata ta ŋgat a kəla ŋgar ata a daha a təv tar a tsara ka, ta gwaɗaba:

Yuhana 1:10

Ŋgat ɗa ika gər ahəɗ. Ama ku mege Mbulum a ge gər ahəɗ nda ahər ŋgar tekeɗe ka, gà mburma ana iɗəm a, tə sər ŋgat tsa.

Yuhana 1:14

Ŋgat ana tə zalar «Bazlam Mbulum» a, na a ne mburma ya, dite ka, a ndza ɗa ika magər mər zaakwa ya. Maa ŋgat a ndzəɗa ŋgar ana a za gà dukw tserdze, Mbulum a vəl a Kəla ŋgar ata mifèndèz ŋa, a da dərra i təv ŋgar a. Ŋgat ka, mala ndzer ŋa. A gewa ka, dukw ana ŋgwal ŋa ya ɗekɗek.

Yuhana 1:3

Mbulum a ge gà dukw tserdze ka, nda ahər ŋgar. Duwa ilik na Mbulum a ge nda ahər ŋgar tsiye ka, a riŋ tsa.

Yuhana 13:3

Yesuw a sər ka, Tsir ŋgar aka mbər miviler a ba ndzəɗa aà makwàrà gà dukw ana tserdze ya. Ŋgat nda gər ŋgar a sər mbaŋa ka, a dara ka, i təv Mbulum a, dite a ta mbìɗ a gər tekeɗe ka, a təv ŋgar asa mbaŋa.

Yuhana 13:32

Na mburma ta ŋget a a mezlibe ana tì zlibe a à Mbulum nda təv ga, iye, wur ana i dara i təv ŋgar a ka, Mbulum tekeɗe, a ɗif a ter a à mezlibe ana tì zlibe a à iye ya mbaŋa. Kinehe bise na a zle a ŋgat a təv mezlibe ŋgar ata tì zlibe a dər a.

Yuhana 15:15

I sle aà mezele a kurum a ka, gà ɓəzla meslire gà asa tsa, aɗaba gà ɓəzla meslire ka, tə sər dukw ana mala ga tar a ge a ya tsa. I zel a kurum a ka, gà masla gà ivaɗ. Kà sərum taŋa ka, aɗaba ana Yàa mbər meɗife a kurum à guma ana i tsarakara i təv Tsir gà ya fit.

Yuhana 16:15

Dukw ana i ahər Tsir gà tserdze ya ka, biy gà mbaŋa. Aɗaba taŋa, i gwa: Dukw ana Mezite Mesife Mbulum à me a kurum a dər a ka, i təv ga ya na a tsarakara ya.»

Yuhana 17:2

Kər kàa viliŋ ndzəɗa aka gər gà mburma tserdze, aɗaba taŋa na i sle a aà məvəla mesife ana à ndìv a tsa aà biybiy a, a gà na kà dziŋ tar a ahər a ya.

Yuhana 3:16

Kərga taŋa ya, Mbulum aka waya gà mburma ana ika gər ahəɗ a hinne. A slərra Kəla ŋgar ana mifèndèz ŋa ilik a, dite ka, ku weke na aka gəs ŋgat nda gəzləŋ ilik a ka, a dzeye a tsa, ama a ŋget a mesife ana à ndìv a tsa aà biybiy a.

Yuhana 3:25

A pat duwa ka, gà asiŋ gà ɓəzla mazazama Yuhana tə dza ba aà mimbètsèba ahəm nda kəla gà Yahuda ŋgiɗ duwa, aka gər məbàrà ba nda gà dukw tar ana ta barawa kamala ana a sàs a fəla tar a ya.

Yuhana 5:26

Mbulum Tsir gà ka, ndzəɗa Mesife i ba ŋgar. Ama ka, aka viliŋ ndzəɗa ata a ahər a iye, Kəla ŋgar, mbaŋa, na dite i vile a mesife ata a mburma ya.

Yuhana 5:27

Ŋgat mbaŋa na a viliŋ ndzəɗa a iye, Kəla ŋgar, aà mege seriye aka gər gà mburma ya, aɗaba ana iye wele ana a dara i təv ŋgar a.

Yuhana 9:29

Mì sər ka, Mbulum aka fàfəl a Musa akahər ata. Ama wele ata ka, mì sər təv ana a dara iɗəm a tsidze.»

Gà Ɓəzla Meslire 10:36

Kà sərum bazlam ana Mbulum a sləraha a gà mburma Isərayel, dite a zla a taraha bazlam ŋgwal ŋa ana a vile a ter a matasla yam a gəzləŋ zayya lele, nda ahər Yesuw Kiristi ya, aɗaba ana ŋgat a ne Batsah ŋa i liwiŋ gà mburma tserdze ya.

Gà Ɓəzla Meslire 2:17

Aɗaba Mbulum a gwa ka:

RUMA 1:4

Ama i təv ana Mbulum a mbəlara à ŋgat i məməta ya, a ɗif dər ka, Kəla ŋgar ana a vəlar ndzəɗa aka gər gà duwa tserdze ya.

RUMA 8:17

Kàa nekwa gà ɓəza Mbulum kaɗəŋ. Kamala taŋa ya, ki ŋgetekewe a dukw ana ŋgwal ŋa, a tsik i sida ya, a gwa, i ta vile a a gà ɓəza gà ya. A ta vile a kwe a ka, kamala ana a vəl a Yesuw Kiristi ya mbaŋa. Aɗaba na kàa gə̀sakwa mesewere are ana Yesuw Kiristi a sèwèr a ka, ki ta ŋgetekewe a mezlibe ana tì zlibe a à ŋgat a mbaŋa.

1 Kurintiya 2:7

Seyiŋ tsa, aɗaba metsehe ana i zla a kurumara ya ka, biy Mbulum ivaɗ. Ama taŋa ka, dukw ana makàhà ŋa, Mbulum aka ɗif dər a mburma akahər ata tsiye. I təv ana aka dza ba aà mege gər ahəɗ zukw tsiye ka, a səraba pat ana a ti ɗif a kwe a à dukw ata ya, na dite ka, ki ti ndzekwe a nda gà ŋgat i təv ndzəɗa ŋgar ana tì zlibe a dər a ya.

1 Kurintiya 8:6

Ama ku mege kataya tekeɗe, i təv kwa ka, Mbulum ka, ilik pəra. Ŋgat na Tsir kwa ya. Gà dukw ana ika gər ahəɗ tserdze ya, tə dara ka, i ahər ŋgar a. A ge kwa mbaŋa, na dite kinehe kwa gà biy ŋgar a. Kamala taŋa ya, BATSAH kwa ŋa tekeɗe, ilik pəra mbaŋa, kamala megweɗe ya ka, Yesuw Kiristi. Mbulum a geye gà dukw tserdze ka, nda ahər ŋgar. Ki ŋgetekewe a mesife awiya ŋa ka, i təv ŋgar a mbaŋa asa.

GALATIYA 4:4

Ama i təv ana məpàslà ahər Mbulum a ndze aɗəm a ka, a slərra Kəla ŋgar a. Məkəs duwa na a wa ŋgat a. A zazam məpàslà ahər gà Yahuda mbaŋa,

EFESIYA 1:10

Dukw ata Mbulum a ti ndìv a dər ka, a pat məpàslà ahər ŋgar ana a tsik a. A gewe akaba a gà dukw ana i gər ŋa ya nda gà dukw ana ɗa ika gər ahəɗ a tserdze a təv ilik ŋa. A dze a ahər a Yesuw Kiristi, dite a ne a Əbay ŋa.

EFESIYA 3:9

Aka viliŋ vatwa aà meɗìfè dər a mburma tserdze ka, meme na dukw ana a tsik piŋŋe nda akəl ka, dite ka, a ge a ba kaɗəŋ a. Mbulum ana a ge dukw tserdze ya, na a kaha dukw ata aà gà mburma ya ya. A kaha dukw ata ka, daga piŋŋe, akahər ana aka ge gər ahəɗ zukw tsa haa kinehe ya.

IBƏRANIKWA 1:5

Dite Mbulum aka tsik aà wura ilik i liwiŋ tar a ka: «Kər na kà ne Kəla gà, mbakum i ne Tsir yak»*fa* ka, aka tsik tsidze. Say aà Yesuw ilik na a tsik ahər a. Dite a ɗə̀v zləm aà wura ilik i liwiŋ tar ata ya, aka gwa ka: «I ti ne a Tsir yak, dite kər tekeɗe, kà ne ka, Kəla gà»*fb* ka, aka tsik ɓav tsa asa.

IBƏRANIKWA 1:8

Ama nda təv Kəla ŋgar ka, a gwaɗar: «Kər ka, Mbulum, mekwere Əbay yak ka, ma ndza aà biybiy, ki kwere a gà mburma yak ka, nda ndzer ŋa.

IBƏRANIKWA 11:3

Agəra megìse kwa ana kinehe kə̀ gə̀sakwa Mbulum nda gəzləŋ kwa ya ka, kà sərakwa dər, akahər ata piŋŋe, ŋgat a ge gər ahəɗ ka, nda bazlam ŋgar ana a tsik a, kamala megweɗe ya: Gà dukw ana gà mburma ta ŋgeter a tserdze ya, tə dara ka, i təv dukw ana wura a ŋgeter a tsiye.

IBƏRANIKWA 2:3

Na Mbulum aka sèwèr a tar are kataya dze ana, kà dzalakwa ana, kwa ana pam a, na ki fìrekwe a aà ŋgwal vatwa ana a mbil a dər à kwa ya ka, kamala dukw taf masakəŋa ya? Yesuw Kiristi BATSAH kwa ŋa nda gər ŋgar aka lah metsìkè a kwa, meme na Mbulum a ta mbil a kwa ya. Gà na tə tsaraka bazlam ŋgar ata ya, dite ka, ta mà a kwa dər, ta gwa ka, bazlam ŋgar ata ka, ndzer kaɗəŋ, pàrsa iɗəm tsa.

IBƏRANIKWA 3:6

Ama *Kiristi ka, kəla mala ga, kamala megweɗe ya ka, Kəla Mbulum. Dukw ana i ma ŋgar tserdze ya ka, i ahər ŋgar. A gewer megemir ndaka vatwa ŋa lele. Kwa tekeɗe, gà mburma ana i ma ŋgar a mbaŋa. Ama kə̀la ka, na ki tèkwe a dər aka miɗ aka miɗ tsikw a təv mendìsle, nda magəsa gəzləŋ, nda maŋgayaba nda təv dukw ana kà tikekwa aaka madzala gà gər a dzekwiŋ.

IBƏRANIKWA 4:14

Aɗaba taŋa ki ndzekwe a nda gà megìse ana kə̀ gə̀sakwa ya, a gəzləŋ ɓəŋɓəŋ lele, dite ki ɗifekwe a dər a mburma ŋgarra lele mbaŋa asa. Aɗaba batsah mala mandəva kuɗa a Mbulum ata ka, Yesuw Kəla Mbulum ana a tsəl a təv ŋgar a gər ŋa ya.

IBƏRANIKWA 5:8

Ku mege ŋgat Kəla Mbulum tekeɗe ka, aka sər magəsa ahəm aà Mbulum i təv mesewere are ana a sèwèr a.

IBƏRANIKWA 7:28

Gà bàba gà ɓəzla mandəva kuɗa a Mbulum ata məpala ahəm Musa a pala tar a ka, gà məfara ŋa ɗekɗek pəra, ndzəɗa tar a riŋ tsa. Ama dukw ana Mbulum a mbaɗa, a mburuɗ aɗəm avukw məpala ahəm ata ya ka, a zla Kəla ŋgar, a ne dər batsah mala mandəva kuɗa ŋgar ana bakal ŋgar a riŋ tsiye, aà biybiy.

IBƏRANIKWA 7:3

Wura a sər gà gwala ŋgar tsa. Wura a sər gà dede ŋgar nda mama ŋgar tsa asa. Dite wura a sər pat mawà ŋgat tsa asa mbaŋa. Pat ana a mət a tekeɗe, wura a sər ɓav tsa asa mbaŋa. Ŋgat ka, kamala Yesuw Kəla Mbulum a. Aɗaba ŋgat a ne ka, mala mandəva kuɗa a Mbulum. Mege megemir ŋgar ka, a ndze a aà biybiy.

IBƏRANIKWA 9:26

Na mege kataya tsəka, ana ka, a ŋgetewe a mesewere are hinne daga aà gər ana Mbulum a ge gər ahəɗ a. Ama ka, kataya tsa, aɗaba a dara kinehe ka, sik ilik pəra, aka mandəvandəv gər ahəɗ aaha kinehe ya. A vəl ba ŋgar ka, na dite sifek à pìl a dər à bakal gà mburma ana ta gewa ya, aà biybiy.

1 PIYER 1:20

Aɗaba piŋŋe, akahər ana Mbulum aka ge gər ahəɗ zukw tsiye ka, Mbulum aka mbər mezle ŋgat, dite ka, Mbulum a pàt a kurum à ŋgat aka mandəvandəv gər ahəɗ aaha kinehe ya, aà məmbə̀là a kurum.

2 Piyer 3:3

Dukw ana i tsik a kurumaha malahalah ŋa ya ka, wur bazlam. Sərum dər lele, mə̀ məts a kurum gər tsa asa: I təv ana gər ahəɗ à ndìv a ya ka, gà asiŋ gà mburma ana ti zezem a gà dukw meèweke ba tar ɗekɗek a ka, ti dere a, ti sewle aà kurum ŋa.

Yuda 1:18

Ti tsikewa a kurum ka, ta gwa: «I təv ana gər ahəɗ aka à mendìve ya ka, gà mìsle ŋgiɗ ti sewle a aà kurum ana ki zezemwim a Mbulum a. Gà mburma ata ta gis a ahəm aà Mbulum tsa. Ti zezem a ka, dukw ana ŋgwal ŋa tsa, gəzləŋ tar a waya ya ɗekɗek pəra.»