IBƏRANIKWA 1:1 - Bible Zulgo

¹ Akahər ata ka, Mbulum aka fàfəl a gà bàba gà tsir kwa medzige diŋ. A slərawa gà ɓəzla məma à guma ŋgar a təv tar, ta màwa a tar à bazlam ŋgar ndaka vatwa ŋgiɗ pampam.

IBƏRANIKWA 1:1 Iomraidhean Croise

Luka 1:72

Agəra ana a gwa, a sèsiŋ mege ŋgwal ŋa a gà tsir kurum a, dite ka, i ge a tar dukw ana i tsik a tar i sida ya.

Luka 24:27

I dəba ŋa ya, a tsik a tar kuɗa, a ɗif a tar à dukw ana ti tsik aà ŋgat i wakita Mbulum a. A dza ahər ba ka, i wakita Musa ya, haa tsikw a ndze dər a wakita gà ɓəzla məma à guma Mbulum ana tserdze ya.

Luka 24:44

I dəba ŋa ya, a gwaɗa a tar asa: «Samatum kwaŋ. Aka ana iye riŋ i təv kurum mba ya ana, i tsikewa a kurum tsiye, na dukw ana ta wetse agəra iye ya? I tsikewa a kurum ka, bazlam ana i wakita məpala ahəm Musa ya, nda biy ana i wakita gà ɓəzla məma à guma Mbulum a, dite ndəna i wakita gà dimis tserdze ya, say a ta ge a ba mba ya ka, kaɗəŋ.»

Yuhana 16:13

Na Mezite Mesife Mbulum ata a ɗif a à ndzer a mburma ya, aka dara ka, a ɗif a kurum a à ndzer ŋgar ata aka gər duwa tserdze kuɗa. A ta fèfil a ka, nda ndzəɗa ŋgar tsa. Ama a ti tsik a kurum a ka, dukw ana a tsarakara i təv Tsir gà ya, dite à ta me a kurum a à gà dukw ana ti ta ge a ba ika miɗ mba ya mbaŋa.

Yuhana 7:22

Kurum kà sərum, Musa a gwaɗa a kurum: *fa* Nda ndzer kaɗəŋ ana, Musa yà na a lah metsìkè a kurum taŋa ya? Awaŋ, daga aà gər gà tsir kwa ya tsiye? Aɗaba bazlam Musa ata ka, ki seswim a mburma, ku mege pat ŋa aka ndze a pat mesìfìkà ba tekeɗe ya. Taŋa dze ana, meme?

Yuhana 9:29

Mì sər ka, Mbulum aka fàfəl a Musa akahər ata. Ama wele ata ka, mì sər təv ana a dara iɗəm a tsidze.»

Gà Ɓəzla Meslire 13:32

Mər ŋa maa zla kurumara bazlam ŋgwal ŋana ya, kamala megweɗe ya, dukw ana Mbulum a tsik i sida ya, a gà batsah tsir kwa, a gwa, i ta vile a ya ka,

Gà Ɓəzla Meslire 2:30

Ama ŋgat akahər ata ka, mala məma à guma Mbulum, dite a sər ka, Mbulum aka tsikiŋ lele i sida ya ka, i ta vile a batsah Əbay gà a mìsle ŋgiɗ ilik ika magər gà ɓəza yak.

Gà Ɓəzla Meslire 28:23

Ti tike məpàslà ahər a Pul, ta gwaɗar: «Say pat ŋgiɗ na ki ɗif a mər a dər a.» Aləka pat məpàslà ahər tar ata a ndze aɗəm ka, gà mburma hinne tə daha a təv ŋgar ana a hənawa iɗəm a. Tə daha ka, a ɗif a tar à *mekwere Mbulum ana a kwere a aka miɗ mba ya. A dza ahər ba daga à gər mèkwède ya, tsikw a hawa. A ɗif a tar ka, à dukw ana i huɗ wakita məpala ahəm Musa ya, dite nda biy gà ɓəzla məma à guma Mbulum ana akahər ata ya tserdze mbaŋa. A ɗe a tar à ndzer ŋa ana agəra Yesuw a, dite ka, ta gəs ŋgat.

Gà Ɓəzla Meslire 3:21

Ama kinehe ka, a ndze a i gər ŋa tə̀ma, haa a pat ana gà dukw tserdze tàa ne awiya ŋa ya. Kamala na Mbulum a ɗif dər nda ahər gà ɓəzla məma à guma ŋgar ata a ndzək tar daga piŋŋe ya.

IBƏRANIKWA 11:18

«Gwala yak à pèt a aà bəra ka, nda ahər kəla yak Izak» tekeɗe ya.*fh*

IBƏRANIKWA 11:2

Aɗaba akahər ata Mbulum a gəs mburma lele ka, agəra megìse ata ta gəs ŋgat nda gəzləŋ tar a.

IBƏRANIKWA 12:25

Aɗaba taŋa, gwim metsehe, ka ti niwim Yesuw ana a riŋ à fèfil a kurum a kinehe ya tsa. Aɗaba gà mburma ana akahər ata tar mandza ŋa aà sik kwite Sinay a ka, ti niw bazlam wur ana a tsik a tar bazlam Mbulum ika gər ahəɗ a, a waya mibe a tar à ɗaf a. Ama ka, tàa beye tsa seyiŋ ana, sakwàn nda kwa ana kinehe ka, kwa riŋ ki tserekikwe a bazlam wur ana a dara i gər ŋa ya ya? Meme na ki ta beyekwe a ya, na kàa niwekwa bazlam ŋgar dze ya?

IBƏRANIKWA 2:2

Ka sərakwa, bazlam ana gà gawla Mbulum tə da dərra, ti tsik akahər ata ya ka, ndzer kaɗəŋ, pàrsa iɗəm tsa. Akahər ata ka, ku weke, gà na tə dza aà zləm tsiye ka, ta ŋgat mesewere are kalkal biy bakal tar ana ta ge ya mbaŋa.

IBƏRANIKWA 2:3

Na Mbulum aka sèwèr a tar are kataya dze ana, kà dzalakwa ana, kwa ana pam a, na ki fìrekwe a aà ŋgwal vatwa ana a mbil a dər à kwa ya ka, kamala dukw taf masakəŋa ya? Yesuw Kiristi BATSAH kwa ŋa nda gər ŋgar aka lah metsìkè a kwa, meme na Mbulum a ta mbil a kwa ya. Gà na tə tsaraka bazlam ŋgar ata ya, dite ka, ta mà a kwa dər, ta gwa ka, bazlam ŋgar ata ka, ndzer kaɗəŋ, pàrsa iɗəm tsa.

IBƏRANIKWA 3:5

Musa i ŋgar ka, aka ger megemir ndaka vatwa ŋa lele, na ika magər gà mburma Mbulum a. Ama ŋgat ka, a ne mala megemir pəra. A me a à dukw ana Mbulum a ta pèt a dər aka miɗ mba ya.

IBƏRANIKWA 4:8

Na mege i təv ana akahər ata Yesuwa a da à gà tsir kwa ata aka ahəɗ Kanan ka, aka ndze à tar a təv mendze Mbulum ana zayya ŋa, tì sifik a iɗəm ba nda ndzer a ka, a sle a aà meɗìvè zləm a pat mesìfìkà ba ŋgiɗ pam i dəba ŋa ya asa tsa.

IBƏRANIKWA 5:5

I təv Yesuw Kiristi tekeɗe ka, kataya mbaŋa. Aka ne à ba ŋgar batsah mala mandəva kuɗa a Mbulum nda ahər ŋgar tsa. Mbulum na a zla ŋgat a, a gwaɗar: «Kər kà ne ka, Kəla gà, Yàa ne Tsir yak mbakum.»*fa*

IBƏRANIKWA 9:19

Akahər ata ka, Musa a lah meɗife à məpala ahəm Mbulum ana a tsik a tserdze, ika miɗ gà mburma. Dite i dəba ŋa ya, a daha, a tə̀f məmbəz gà kəla sla nda biy vugul ana ta bats a, a gaw akaba nda yam, a ndzək gà slàmbah dukw duwa tə zalar *izup, magàwà ŋa nda gasgas təmaŋ ana a ndza nduzzwa ya. A tsilwiɓ dər aɗəm, dite a daha, a gwatsaka aka wakita məpala ahəm tar, nda gà aà gà mburma ata tserdze ya mbaŋa.