یوحنایِ مکاشفه 2:3 - گیله ماز

³ دانَم که می اِسمِ خاطری صبرِ هَمرَه طاقت هارنی و تَحَمُل کانی و خَسِّه نَبونی.

کتاب مقدس به زبان مازندرانی - گویش غربی

³ دِمِّه گه می اِسمی خاطری صبری هَمرا طاقت اُرنی و تَحَمِل کِنّی و خَسِّه نَوِئی.

کتاب مقدس به زبان مازندرانی - گویش شرقی

³ دومبه که مِ اسمِ خاطِری صبرِ هِمراه طاقت یارنی و تِحَمُّل کاندی و خسه نَئی.

یوحنایِ مکاشفه 2:3 Iomraidhean Croise

مَرقُس 15:21

سَربازان یِنَفر که اونه اِسم شَمعون با و اوجِه یه جی دَبا رَد هَبو رِه مَجبور هَکُردَن عیسی یِه صَلیبِ به دوش بَکِشِه. اون قیروانِ جی با و اسکندر و روفُسِ پیر با. اون همون موقِه دَبا بِجارسَرِ جی بیِه.

لوقا 14:27

هرکی خودِشه صَلیبِ خودِشه دوش نَکِشِه و می دُمّال نیِه، نَتَّنِه می شاگِرد هَبو.

لوقا 18:1

عیسی خودشه شاگِردانِ وَسین مَثَلی بیاردِه تا اوشانه نِشان هَدِه بایسّی هَمِش دُعا هَکُنَن و هیچ وَخت دِلسَرد نَبون.

لوقا 21:19

شیمی تَحَمُلِ هَمرَه، شیمی جان نِجات دَنید.

لوقا 5:5

شَمعون جَواب هَدَه: «اُسّا، اَما تمام شُو رِه تَقَلّا هَکُردیم و هیچی نِیتیم، وَلی چون تو گونی دامِشان رِه اُویه دِلِه تووادِنیم

لوقا 8:15

وَلی اون تُمِشان كه خُجیر زَمینِ دِلِه دَکِتَن، اوشانییَن که خُدایِ کَلامِ اِشنَوِنَن اونِه خَجیر و صاف دِل هَمرَه، مُحکَم گیرنَن، وَ پایدار ماندِنَن و ثَمَر هارنَن.

اِنجیلِ یوحنا 15:21

وَلی می اسمِ خاطِری یِه که تمام این کاران رِه شیمی هَمرَه کانَن، چون اونیکه مَرِه روانه هَکوردِه رِه نِشناسِنَن.

رومی ایشون 12:12

اُمید دِلهِ خوشحال هَبین، سختی هایِ دِلهِ صَبور هَبین و هَمَش دُعا هَکنید.

رومی ایشون 16:12

تْریفینا و تْریفوسایِ وَسین، اون خادمانی که خُداوَندِ خِدمتِ دِلِه زحمت کَشِنِن رِه، سَلام بَرِسانین. وَمی عزیزِ رَفیق پِرسیس که خُداوندِ دِلِه خیلی زحمت کَشِنِه رِه، سَلام بَرِسانین.

رومی ایشون 2:7

خُدا اَبدی زندگی رِه اوشانی رِه دَنِه که صبر همره خُجیرِ کارهایی اَنجام هَدَئَنِ دِلِه، جَلال و حرمت و اَبدی زِندگی یه دُمّال دَرِن؛

رومی ایشون 8:25

ولی اگه یِچّی که هَلَه نَدییَیم رِه اِمید داریم، صَبرِ هَمرهَ اونه انتظارِ کَشِنیم.

اوّلین نامِه قُرنتیانی سِه 13:7

مُحبت هَمِه چی یه هَمرَه مُدارا کانه، محبت همه چیره باور کانه، هَمِش امید دارِه و همه چی رِه تَحمُل کانه.

اوّلین نامِه قُرنتیانی سِه 16:16

اینجور آدمانِ مطیع هَبین و هَمینجور هر کَسِ دیگَرِ مُطیع هَبین که این خِدمَت دِلِه همکاری کانه و زَحمَت کَشِنِه.

دوّمین نامه قرنتیانِ وَسین 10:15

اَما اَمی حَدِّ دانیم، و اونچه یه جی که بقیه زحمت بَکِشییَن رِه فَخرنُکانیم. ولی اُمید داریم که هر چی شِیمی ایمان گَتِه تَر هَبو، اَمیی خِدمت هَکُردَن هم شِیمی میَن بیشتر بونه.

دوّمین نامه قرنتیانِ وَسین 11:23

اوشان مَسیح پاکارانَن؟ مَن بیشتر هیسَم! ایتا خُلِشانِ مِثان گَب زَنَم- هَمِه یه جی سخت‌تر کار هَکُردَم، خیلی بیشتر زِندانِ دِلهِ دَکِتَم، همه یه جی بیشتر شلاق بُخاردَم، چَن دَفِه دَبام بَمیرَم.

دوّمین نامه قرنتیانِ وَسین 4:1

پَس چون اون رحمتِ خاطری که اَمَرِه هَدَه هَبا اینجور خِدمتی رِه دَریم هَکونیم، ناامید نَبونیم.

دوّمین نامه قرنتیانِ وَسین 4:16

پَس نا اُمید نَبونیم. هر چَن اَمیِ ظاهرِ دَرِه از بین شونه، اَمی باطن هر روز تازه تر بونه.

دوّمین نامه قرنتیانِ وَسین 5:9

پَس چه تَنِ دِلِه زندگی هَکُنیم و چه اونه جی دور هَبیم، اَمی نیَّت اینه که اونِه راضی هَکُنیم.

دوّمین نامه قرنتیانِ وَسین 6:5

کُتَک بُخاردَنهایِ موقه، زندانهایِ دِلهِ، بَلواهایِ دِلِه، سختِ کارانِ دِلهِ، شُویه بی خوابی دِلِه، و وَشنایی یه دِلِه؛ نِشان دَنیم که خُدایِ پاکاران هیسیم

غَلاطیان 6:2

هَمدیگَرِ بارِشان رِه دوش بَکِشین که اینجوری مَسیح شَریعَتِ بجا هارنین.

غَلاطیان 6:9

پس خوبی هَکوردَنِ جی دِلسرد نَبیم، چون اگه کارِ جی دَس نَکِشیم، خُجیرِ فصلِ موقِه دِرُو کانیم.

فیلیپیان 2:16

زندگی یه کَلامِ قائم بِدارین، تا مسیحِ وَگَرِسَّنِ روزِ دِلِه، افتخار هَکونَم که بیخُدی دُو نَکوردَم و بیخُدی زحمت نَکِشییَم.

فیلیپیان 4:3

وَ تی جی هَم اِی وَفادارِ همکار، خواهِش کانَم که این دُتا زِنا رِه کُمَک هَکُنی، چون اَکْلیمِنتُس و دیگر همکارانِ هَمرَه که اوشانه اِسم زندگی یه دَفترِ دِلِه بَنوِشتِ هَبا، می دوشادوش اِنجیلِ کارِ وَسین تَقَلّا هَکُردَن.

کولُسیان 1:11

وَ تمامِ قُوَّتِ هَمرَه که اونه پُرجلالِ قدرت جی هَنِه، هر لحاظِ جی رَسدار هَبین، تا خُشحالی یه همره، کاملاً صَبر و تَحَمُل بِدارین؛

اوّل تِسالونیکیان 1:3

شیمی کار که ایمان راهِ جی هیسه و زحمتی که مُحبتِ راه دِلِه کَشِنِین و شِیمی اُمیدِ پایداری که اَمیی خُداوند عیسیِ مسیحِ دِلِئه، خُدا و اَمیِ آسمانی پیَرهِ پِیش هَمَش اَمی یاد هارنیم.

اوّل تِسالونیکیان 2:9

چون شُما اِی اَداشان، اَمی زحمت و کار هَکُردن شیمی یاد دَرِه، که شُو و روز کار کانِه بِیم تا اون موقِه که خُدایِ اِنجیلِ شِمِرِه اعلام کانیم هیچکسِ سَربار نَبیم.

اوّل تِسالونیکیان 5:12

اَسِه اِی اَداشان، شِیمی جی خَنیم اوشانیکه شیمی میَن زَحمَت کَشِنَن و خُداوَندِ طَرَفِ جی رَهبَر هیسَن و شِمِره نَصیحت کانَن رِه، احترام بَنین،

دوّم تِسالونیکیان 3:13

وَلی شُما اِی اَداشان، خُوبی هَکُردَن جی خَسِّه نَبین.

دوّم تِسالونیکیان 3:5

خُداوند شیمی دِلِ خُدایِ مُحبت و مسیحِ پایداری یه هَمرَه هدایت هَکونه.

دوّم تِسالونیکیان 3:8

و هیچکسِ نانِ، مُفتی نُخاردیم، بلکِه سختی و زحمتِ هَمرَه شُو و روز کار هَکُردیم، تا هیچکِدام از شیمی سَربار نَبیم.

اول تیموتائوس 4:10

چون اَما اَمی اُمیدِ زندهِ خُدایِ سَر بِنَیم که تمام آدَمان نِجات دَهَندِه ئِه بِخصوص اوشانیکه ایمان دارَن واَما اینه خاطِری زَحمت کَشِنیم و تقلّا کانَیم.

اول تیموتائوس 5:17

مشایخی که خُجیر رهبری هَکُردهِ بون، دو برابر حُرمتِ لیاقتِ دارَن، بخصوص اوشانیکه موعظه و تعلیم وَسین زَحمَت کَشِنَن.

نامِه مَسیحینی عبرانی نِژادی سِه 10:36

چون شُما احتیاج دارِین که طاقت بیارین، تا اون موقِه که خُدایِ خواسِّه رِه بِجا بیاردید اونچه که وعده هَدَه هَبا رِه بِدس بیارین.

نامِه مَسیحینی عبرانی نِژادی سِه 12:1

پَس وختی ایتا گَتِه اَبر شاهدانِ جی اَمی دُرِوَر داریم، بیئین اَما هم هر بار و هر گُناهی که سخت اَمیی دَس و لِنگِ کَشِ دِپیتِه بونه رِه، اَمی جی دور هَکُنیم و پایداری یه هَمرَه این مسابقه‌ یه دِلهِ که اَمیِ پِیش دَرِه، دو هَکُنیم.

نامِه مَسیحینی عبرانی نِژادی سِه 13:13

پَس بیئِین اَما هم این اُردوگاهِ جی دِرگا بیئیم و اونه ور بیشیم، و اونه نَنگ و عار دِلِه شَریک هَبیم.

نامِه مَسیحینی عبرانی نِژادی سِه 6:10

چون خُدا بی انصاف نیِه که شیمی کار و مُحبتی که اونه اِسمِ خاطری مُقَدَسینِ خِدمتِ دِلِه نِشان هَدَین رِه یاد هَکونه. همونجور که هَلَه هم دَرید کانید.

نامِه مَسیحینی عبرانی نِژادی سِه 6:12

و تَمبل نَبین، بلکه شیمی سَرمخش اوشانی هَبون که ایمان و صبرِ هَمرَه وعده‌هایِ وارِث بونَن.

نامِه مَسیحینی عبرانی نِژادی سِه 6:15

و اینجوری، ابراهیم بعد اَز اونکه صبرِ هَمرَه اِنتِظار بَکِشییَه، وَعده رِه بِدس بیاردِه.

پطرسی دِوّمین نامِه 1:6

و معرفت طَریق، خویشتنداری، و خویشتنداری یه طَریق، پایداری، و پایداری یه طَریق، دینداری،

یوحنایِ مکاشفه 1:9

مَن یوحنا، شیمی اَداش، که عذابِ دِلِه و پادشاهِی و صبرِ و تَحَمُلِی که عیسی یِه دِلِئه، شیمی هَمرَه شَریکم، خُدایِ کَلام و عیسی یِه شَهادَتِ خاطری، ایتا جزیره یه دِلهِ دَبام که اونِهِ پاتموس گونه بان.

یوحنایِ مکاشفه 3:10

چونکه تو می کلامِ صبر و تَحَمُلِ هَمرَه قایِم بِداشتی، مَنَم تِرِه اون آزمونِ ساعتِ دِلِه که تمام دُنیایِ سَرهَنه تا زَمینِ سَرِمَردُمِ، آزمون هَکونه حِفظ کانَم.