فیلیپیان 2:19 - گیله ماز

¹⁹ خُداوند عیسی یِه دِلهِ اُمید دارَم تیموتائوسِ خیلی زود شیمی وَرجه روانه هَکونَم تا شیمی حال و اَحوالِ جی باخَبَرِ هَبوُم و می دِل خوشحال هَبو.

کتاب مقدس به زبان مازندرانی - گویش غربی

¹⁹ خِداوند عیسایی دِلِه اِمید دارمِه گه تیموتائوسِ خِیلی زود شِمِه وَر بَرِسانَم تا شِمِه حال و اَحوالی جا باخَوَر بَووم و می دِل خِشال بَوو.

کتاب مقدس به زبان مازندرانی - گویش شرقی

¹⁹ خِداوندْ عیسیِ دِله امید دارمه که تیموتائوسِ خله زود شِمه پَلی بَفرِسِم تا شِمه حال و اَحوالِ جِم با خَوِر بَووِم و مِ دِل خِشال بَووه.

فیلیپیان 2:19 Iomraidhean Croise

اِنجیلِ مَتّی 12:21

اونه اِسم تمام قومان وَسین مایِه اُمید هیسه.»

اعمال رَسولان 16:1

پولُس اوَّل دِربِه و ایما به لِستْره شهر بَشَه. اوجِه ایتا شاگرد که اونِه اِسم تیموتائوس با زندگی کانِه با که اونِه مآر یهودِی و ایماندار با، وَلی اونِه پیر یونانی با.

رومی ایشون 15:12

وَیِدَفه دیگه اِشعیایِ پیغمبر هَم گونِه: «یَسایی ریشِه هَنه، اونیکه وَرِسَه تا غیرِ یهودیِانِ سَر حُکمرانی هَکونِه؛ غیرِ یهودیان اونه اُمید دَبِدِنَن.»

رومی ایشون 16:21

می هَمکار تیموتائوس، شِمِرِه سَلام رِساندِنهِ. می فامیلان لوکیوس، یاسون و سوسیپاتر هَم شِمِره سَلام رِساندنَن.

اوّلین نامِه قُرنتیانی سِه 4:17

اینِه خاطری تیموتائوسِ که می عزیزِ وَچِه و خُداوندِ دِلِه وفادار هیسِه رِه شِیمی وَرجه روانه هَکوردَم، تا می راه رِه عیسی یه مسیح دِلِه شِیمی یاد بیاره، هَمونجور که اون راهان رِه تمام کلیساهای دِلِه و همه جا تعلیم دَنَم.

اِفِسُسیان 1:13

شُما هَم اونه دِلهِ جا بِیتین، اون موقِه کهِ حَقیقَت پِیغام، یَعنی شیمی نِجاتِ خَبَرِ خوش بِشنَوِسّین و اونِه ایمان بیاردین، روح‌القدسِ موعودِ هَمره مُهر هَبَین،

فیلیپیان 1:1

پولُس و تیموتائوسِ طرفِ جی، مسیحِ عیسیِ پاکاران، تمام مُقَدَسینِ وَسین که مسیحْ عیسی دِلِه فیلیپی شهرِ دِلِه دَرِن، ناظِران و شَمّاسان:

فیلیپیان 2:18

و شُما هَم بایسّی اینجور خوشحال هَبین و می هَمرَه خُشحالی هَکُنید.

فیلیپیان 2:28

پَس خَنَم هر چی زودتر اونه روانه هَکونَم، تا یِدَفه دیگه اونه بَدییَنِ همره خُشحال هَبین و می غُصِّه یه جه هَم کَم هَبو.

اوّل تِسالونیکیان 3:2

اَما تیموتائوس رِه که اَمی اَداش و خُدای همکار مسیحِ اِنجیلِ کارِ دِلِه هیسَه رِه، شِیمی ور روانه هَکوردیم تا شِمِره شیمی ایمان دِلِه تَقویت و تشویق هَکونه،

اوّل تِسالونیکیان 3:5

اینِه وَسین، چون دِ نَتَّنِسَّم طاقت بیارِم، تیموتائوسِ روانه هَکُردَم تا شیمی ایمان جی باخَبَر هَبوُم، چون اونه جی تَرسِنه بام که اون وَسوسِه گر یعنی اِبلیس یِجوری شِمِره وَسوسِه هَکُردهِ بو، وَ اَمیِ زَحمت هَدر بَشَه بو.

دوّم تِسالونیکیان 1:3

اِی اَداشان، اَما همش بایسّی خُدا رِه شِیمی خاطِری شُکر هَکُنیم، دَرخور هم هَمینه، چون شیمی ایمان هر چی بیشتر رشد کانه هر کُدام از شِیمی مُحبَت همدیگَر بیشتر بونه.

دوم تیموتائوس 1:12

اینه وَسینِ که اینجور عذاب کَشِنَم، ولی عار نِدارَم، چون دانَم کِیه ایمان بیاردِم، وَ حَتم دارَم که اون تانه اونچه که مَرِه بِسپارسِّه هَبا رِه تا اون روز مُحافظت هَکونه.

یعقوبِ نامه 4:15

پَس بایسّی اینجور باگویید: «اَگه خداوند بِخواد، زندهِ ماندِنیم و اینجور و اونجور کانیم.»

اول پِطرُس 1:21

شُما که اونه طریق خُدا رِه ایمان بیاردین، اون خُدایِی که اونه مُردِگانِ جی زندهِ هَکُردِه و جلال هَدَه، تا شِیمی ایمان و اُمید خُدا رِه هَبو.