فیلیپیان 1:29 - گیله ماز

²⁹ چون این افتخار شِیمی قِسمَت هَبا که نه فقط مَسیحِ ایمان بیارین، بلکه اونه راه دِلِه رنج هَم بَکِشین.

کتاب مقدس به زبان مازندرانی - گویش غربی

²⁹ چون هَین افتخار شِمِه قِسمَت بَوِه گه نا فقط مَسیحِ ایمون بیارین، بَلگی اونیسِه رنج هَم بَکِشین.

کتاب مقدس به زبان مازندرانی - گویش شرقی

²⁹ چوون این اِفتخار شِمه قِسمِت بَییه که نا فِقَط مَسیح ره ایمون بیارین، بلکه اونِ وِسه رَنج هم بَکِشین.

فیلیپیان 1:29 Iomraidhean Croise

اِنجیلِ مَتّی 16:17

عیسی شَمعونِ جَواب باَگوته: «اِی شَمعون، یونای ریکا، خوش بِحالِ تو، چون تو اینِ آدِمی جی یاد نِیتی، بلکه می آسِمانی پیَر اونِه تِرِه آشکار هَکوردِه.

اعمال رَسولان 13:39

اَسه هر کی عیسی رِه ایمان بیارِه، اونِ طَریق صالِح بِشمارِسِّه بونِه، هر اونچه یه دِلِه که نَتِّنِسین موسایه شَریعَت طَریق صالِح بِشمارِسِّه هَبین.

اعمال رَسولان 14:22

اون شَهرانِ دِلِه شاگِردانِ جانِ قُوَّت هَدَن، اوشانِه تشویق کِانِه بان خودِشانِه ایمانِ دِلِه بُمانَن و نَصیحَت کِانِه بان که «بایسّی خِیلی مصیبَتا رِه تَحمِل هَکنیم تا خُدایِ پادشاهی یه دِلِه بیشیم.»

اعمال رَسولان 14:27

وَختِی پولُس و بَرنابا اوجِه بَرِسین کلیسای آدَمانِ جَم هَکُردَن، باز اوشانِ وَسین باگوتِن که خدا اوشانِ هَمرهَ چیها هَکردِه و چِطور ایمانِ دَرِ غیرِ یَهودیِان وَسین واز هَکردِه.

اعمال رَسولان 5:41

پس رَسولان شورای وَرِ جی دِرگا بَشَن و از اینکه اینقدر لایق بِشمارِسِّه هَبان که عیسی یه اِسمِ خاطِری بی حُرمتی بِینَن، خوشحال بان.

رومی ایشون 5:3

نه فقط این، بَلکه سختیهایِ دِلِه هم خشحالی کانیم، چون دانیم که سختیها صَبر به‌ بار هارنه

اِفِسُسیان 2:8

چون فیضِ همره و ایمانِ راهِ جی نِجات بِیتین. وَ این شیمی جی نیِه؛ بَلکه خدایِ هَدیِه هیسه،

کولُسیان 2:12

اونه همره غُسلِ تعمیدِ دِلِه دَفن هَبَین، و ایمانِ طریقِ جی که خُدایِ قُوَّتِ همره عمل کانه، که مسیحِ مُردِگانِ جی زنده هَکُردِه، اونه هَمره زنده هَبَین.

یعقوبِ نامه 1:2

می اَداشان، هر وَخت جورواجورِ آزمون هایِ دِلِه دَکِتین، اوشان رِه کُلاً خُشحالی بِدانید!

اول پِطرُس 4:13

بلکه اینهِ جی خوشحال هَبین که مسیحِ عذابایِ دِلهِ شریک بونید، تا اون موقِه که اونه جلال آشکار بونه، شُما هم خُشحالی هَکُنید و شاد هَبین.