دوم تیموتائوس 4:5 - گیله ماز

⁵ وَلی تو همه چی یه دِلِه هوشیار هَبو؛ عذابِشانِ طاقت بیار؛ انجیلِ اعلام هکُردنِ کارِ انجام هَدِه و تی خِدمَتِ کاملاً به انجام بَرِسان.

کتاب مقدس به زبان مازندرانی - گویش غربی

⁵ ولی تو هَمه چی ای دِلِه هوشیار واش؛ عذابیشونِه طاقت بیار؛ اِنجیلی اعلام هاکردنی کارِ اَنجام هادِه و شی خِدمَتِ کامِلاً تُوم هاکِن.

کتاب مقدس به زبان مازندرانی - گویش شرقی

⁵ ولی تِ همه چیِ دِله هوشیار باش؛ عِذاب ها ره طاقت بیار؛ اِنجیلِ اِعلام هاکاردِنِ کارِ اِنجام هاده و شه خدمِتِ کاملاً تِموم هاکان.

دوم تیموتائوس 4:5 Iomraidhean Croise

اِنجیلِ مَتّی 25:16

اون مَردای که خودِشِه صد سال دَسمُزِّه قدر بِیتِه با، دَرجا بَشَه و اونه هَمرَه کاسِبی هَکُردِه و خودشه اَرباب پولِ دو برابر هَکُردِه.

مَرقُس 13:34

اون روزِ بَموُئن، یِنَفَرِه ماندِنه که سَفر بَشَه و وَختی که دَبا بوشو، خودشه سِرِه یه اختیاره خودشه پاکارانِ دَس هَدَه، وَ هَر کُدامِ ایتا وظیفِه هَدَه و دَربان رِه هَم دَستور هَدَه که بیدار بُمانه.

مَرقُس 13:37

اونچه که شِمِره گونَم، هَمِه رِه گونَم: بیدار بییَسید!»

لوقا 12:37

خوش بِحالِ پاکارانی كه وَختی اوشانه اَرباب وَگِردِنِه، اوشانه بیدار و هوشیار بِینِه. راس راسی شِمِره گونَم، اون خودِشه لِواسِ خِدمَت دُکانه و اوشانه سُفره یه سَر نیشاندِنِه و هَنهِ اوشانه جی پَذیرایی کانه.

اعمال رَسولان 21:8

فردَئی، اوجِه یه جی بَشَیم و به قیصریه شهر بومَیم. مُبَشر فیلیپُسِ سِرِه بَشَیم که ایتا اَزون هَفت نفری با که خِدمتِ وَسین انتخاب هَبا با، وَ اونِه وَرجه بُمانِسّیم.

رومی ایشون 15:19

اون این نِشانِه ها و معجِزات رِه قوّتِ هَمره، یَعنی خُدایِ روحِ قُوَّت هَمره انجام هَدهَ، اونجور که اورشلیمِ جی تا ایلیریکوم بَگَرِسَّم، وَ کاملاً مسیحِ اِنجیلِ خدمتِ انجام هَدَم.

اِفِسُسیان 4:11

وَ اون با که بعضیان رِه عنوان رَسول بِبَخشییَه، بعضیان رِه پیغمبران، مُباشِران، گالِشان وبعضیان رِه عنوان مُعلِمانِ هَدَه

اِفِسُسیان 4:12

تا مُقَدَسین رِه خِدمَتِ کارِ وَسین آمادِه هَکُنَن، مَسیح تَنِ بَنایِ وَسین،

کولُسیان 1:25

من طبق مأمورییَتی که خُدا مَره بِسپارِسِّه، کلیسایِ خادم هَبام، تا خُدایِ کلامِ کامِل شِمِرِه بِشناسانَم،

کولُسیان 4:17

آرخیپوسِ باگویید: «مُواظِب هَبو تا خدمتی که خُداوَندِ دِلهِ تِرِه بِسپارِسِّه هَبا کامل انجام هَدی.»

اوّل تِسالونیکیان 5:6

پَس بَقیِه یه مِثان اَمِرِه به خواب نَزِنیم، بلکه بیدار و هوشیار هَبیم.

اول تیموتائوس 4:12

نُزار هیچکی تی جَوانی رِه کوچِک بِشمارِه، بلکه گَب بَزَئن دِلِه، کِردارِ دِلِه، مُحبتِ دِلهِ، ایمان دِلِه و پاکی یه دِلِه، تمام ایماندارانِ وَسین سَرمشق هَبو.

اول تیموتائوس 4:15

این چیزانِ انجام هَدِه و تِرِه اونه وقف هَکُن تا تی تَرقی هَمِه یه وَسین معلوم هَبو.

دوم تیموتائوس 1:8

پَس، اینِه وَسین که اَمیِ خُداوندِ وَسین شهادت هَدی یا مَن که اونه خاطِری زِندانِ دِلِه دَکِتَم، عار نِدار، بلکه تو هم خُدایِ قُوّتِ هَمرَه اِنجیلِ خاطری عذاب بَکِشییَنِ دِلِه شریک هَبو.

دوم تیموتائوس 2:10

اینِه وَسین مَن انتخاب هَبوسِّه شانه خاطِری همه چیزِ تَحمل کانَم تا اوشانَم اون نجاتی که مسیحْ عیسی یِه دِلِه دَرِه رِه، اَبدی جلالِ هَمرَه بِدَس بیارِن.

دوم تیموتائوس 2:3

ایتا مسیحْ عیسی یِه خُجیرِ سربازِ مِثانِ، عذابایِ دِلِه شریک هَبو.

دوم تیموتائوس 4:17

وَلی خداوند می هَمرَه با و مَرِه قُوَّت هَدَه تا اون پِیغام می طریقِ جی کاملاً اعلام هَبو و تمام غیرِ یهودیِان اونِهِ بِشنوئَن. و اینجوری شیرِ دَهِنِ جی دَر بَشَم.

نامِه مَسیحینی عبرانی نِژادی سِه 13:17

شیمی رَهبَرانِ جی اِطاعَت هَکُنید و اوشانه تسلیم هَبین؛ چون اوشان شیمی جانِ جی مُحافظت کانَن، و بایِسّی حِساب پس هَدِن. بَنین این کارِ خُشحالی یه هَمرَه هَکُنَن نه آه و ناله یه هَمرَه، چون این شِیمی نفع نیِه.

اول پِطرُس 1:13

پَس شیمی فِکرانِ انجام هَدَنِ وَسین حاضِر هَکُنید، و هوشیار هَبین، و شِیمی اُمید رِه کامِلاً اون فیضِ سَر بَنین که عیسی مَسیح ظهورِ موقِه شِمِره هَدَه بونه.

یوحنایِ مکاشفه 3:2

بیدار هَبو و اونچه که بِجا بُمانسِّه و دَرِه بَمیرِه رِه، تقویت هَکُن! چونکه تی اعمالِ می خُدایِ دیدِ وَر کامل نَدییَم.