دوم تیموتائوس 4:16 - گیله ماز

¹⁶ می اوَّلین دفاعِ دِلِه، هیچکی می پُشت دَر نومَه، بلکه هَمِه مَرِه وِل هَکُردنِ. نَکُنِه این اوشانه حِساب بَنوِیشتِه هَبو.

کتاب مقدس به زبان مازندرانی - گویش غربی

¹⁶ می اوَّلین دفاعی دِلِه، هیچکی می پِشت دَر نیمو، بَلگی هَمه مِنِه وِل هاکِردنِه. نَکِنِه هَین وشونی حِساب بَنوِشت بَوو.

کتاب مقدس به زبان مازندرانی - گویش شرقی

¹⁶ مِ اَوِّلین دفاعِ دِله، هیچ کی مِ پِشت دَر نییَمو، بلکه همه مِ ره وِل هاکاردِنه. نَکِنه این، وِشونِ حِساب بَنوِشته بَووه.

دوم تیموتائوس 4:16 Iomraidhean Croise

مَرقُس 14:50

ایما تمام شاگِردان اونه وِل هَکوردَن و دَربَشن.

لوقا 12:11

وَختی شِمِره یَهودیِانِ عِبادَتگاه و حاکِمان و اوشانیکه اِقتِدار دارَن وَرجه بَرنِن، نِگَران نَبین که چِطور شیمی جی دِفاع هَکُنید یا چی باگویید،

اِنجیلِ یوحنا 16:32

موقه ایی رَسِنه که راس راسی هَمین اَلآن هَم بَرِسییَه، که شُما هَمه پَخش و پَلا بونید و هَر کُدام شیمی سِرِه شونید و مَرِه تَنها نَنید؛ وَلی مَن تَنها نییَم، چون آسِمانی پیَر می هَمرَه دَرِه.

اعمال رَسولان 22:1

«اِی آداشان و اِی پیران، می دِفاعیِه رِه که اَلان شِیمی عَرض رِساندِنَم گوش هَدین.»

اعمال رَسولان 25:16

«اوشانِه باگوتَم رومیانِ دِلِه رَسم نیِه که متَهمی رِه، پیش اَز اونکه خودِشِه شاکیانِ هَمرهَ رو به رو هَبو و بِتَّنه اِتهامایی که اونِه زَنَن رِه خودِشه جی دِفاع هَکونِه، تَسلیم هَکُنَن.

اعمال رَسولان 7:60

ایما زانو بَزه و بلَندِ صدای هَمرهَ باگوتِه که «خُداوندا، این گناهِ اوشانِ حِساب نیار.» اینه باگوتِه و جان هَدَه.

اوّلین نامِه قُرنتیانی سِه 13:5

محبت بی اَدَب نیه و خودشه منفعتِ دُمّال دَنیِه؛ محبت غیض نُکانِه وکینِه به دِل نَگیرنِه؛

اوّلین نامِه قُرنتیانی سِه 9:3

اوشانِ پیش که می باره قضاوت کانَن اینجور می جی دفاع کانَم.

دوّمین نامه قرنتیانِ وَسین 7:11

چونکه بِیشین این غُصِّه ای که خُدایِ وَسین با شیمی دِلِه چه شور و شوقی به بار بیاردِه: اَلبَتَر همین شور و شوقِ که نِشان دَنِه تقصیرکار نییَین، چه غیظِ دِلِه، چه ترسِ دِلِه، چه حسرتِ دِلِه، چه غیرتِ دِلِه، چی مُجازاتِ دِلِه. هر لَحاظِ جی ثابِت هَکُردین که اون قضیه یه دِلِه بی‌تقصیر بِین.

فیلیپیان 1:17

وَلی اوشان چِش و هم چِشمی یه سَر مَسیحِ موعظه کانَن، نه خُجیرِ نیَّتِ هَمره، چون خیال کانَن که می عذابان رِه زندانِ دِلِه بیشتر کانَن.

فیلیپیان 1:7

مَن این حقِّ دارِم که شُما همه یه بارِه اینجور حِسّی بِدارَم، چونکه می دِلِ میَن جا دارین، چون شُما همه می همرَه خدایِ فیضِ دِلِه شریکین، هم می زِندان دَکِتَنِ دِلِه، هم اِنجیلِ جی دِفاع هَکُردَن، و هم اونِ حقیقتِ ثابت هَکُردن.

دوم تیموتائوس 1:15

خَبر داری که تمام آسیایِ منطقه یه مَردُم مَرِه وِل هَکُردَن، که اوشانه میَن فیگِلوس و هِرموگِنِس هم دَرِن.

دوم تیموتائوس 4:10

چون دیماس این دُنیایِ دوس داشتَنِ خاطِری مَرِه وِل هَکُردِه و تِسالونیکی یه شهر بَشَه. کْریسکیس غَلاطیه یه منطقه و تیتوس هم دَلماتیه یه منطقه بَشَه.

دوم تیموتائوس 4:15

تو هَم اونه جی دوری هَکُن، چون اَمی پِیغامِ هَمرَه بَدجور مخالِفت هَکُرده.

اول پِطرُس 3:15

بلکه شیمی دِلِ میَن خُداوند مَسیحِ قدّوس بِشمارین و اونه احترام بَنین و هَمَش آمادِه هَبین تا هر کی اون اُمیدِ دلیل که شِیمی دِلِه میَن دَرِه رِه بَپُرسِه، اونه جَواب هَدین، اَلبَتَر احترام و نرمی یه هَمرَه.