دوم تیموتائوس 1:7 - گیله ماز

⁷ چون خُدا، ترسِ روحِ اَمَرِهِ نَده بلکه قُوَّت و مُحبت و نَفسِ جلوه بِیتَین روحِ هَدَه.

کتاب مقدس به زبان مازندرانی - گویش غربی

⁷ چون خِدا، ترسی روحِ اَمارِه نَدا بَلگی قِوَّت و مِحبت و نَفسی دَمِ بَیتنی روحِ هادا.

کتاب مقدس به زبان مازندرانی - گویش شرقی

⁷ چوون خِدا، تَرسِ روحِ اِما ره نِدا، بلکه قِوَّت و مِحَبَّت و نَفسِ دَمِ بَئیتِنِ روحِ، هِدا.

دوم تیموتائوس 1:7 Iomraidhean Croise

لوقا 10:19

اَسِه شِمِره اِقتدار دَنَم كه مارِشان و عَقرَبِشان رِه شیمی لِنگِ جیر لِه هَکُنید و دُشمَنِ تمام قُوَّتِ از بِین بَبِرین، وَ هیچ چی شِمِره آسیب نَرِساندِنِه،

لوقا 15:17

سَرآخَر خودِشِه وَر باگوته ”می پیَرِ پاکاران، اِضافِه غذا هم دارَن و مَن ایجه وَشنایی جی دَرَم تَلف هَبوم.

لوقا 24:49

اَسِه مَن اونچه که می آسمانی پیَر شِمِره وَعدِه هَدَه با رِه شِمِره روانه کانَم. وَلی این شَهرِ دِلِه بِمانید تا موقه ایی که خُداوندِ قُوَّت رِه اَعلی جی شیمی تَن دَکُنین.»

لوقا 8:35

پس مَردُم دِرگا بومَن تا اونچه که اتّفاق دَکِتِ با رِه بِینَن، وَختی عیسیِ یِه وَرجه بَرسیِیَن و بَدییَن اون مَردَای که آلِشان، اونه جی دِرگا بومَا بان لِواس دَکُردِه و عاقِل عیسی یِه لِنگِ پِیش نیشتِه، بَتِرسییَن.

اِنجیلِ یوحنا 14:27

شِمِره آرامش و سَلامتی بِجا نَنَم؛ می آرامش و سَلامتی رِه شِمِره دَنَم. اونچه مَن شِمِره دَنَم، اونجوری نییِه که دُنیا شِمِره دَنِه. شِیمی دِل پَریشان نبو و نُزارین شِیمی دِل تَرس دَکِه.

اعمال رَسولان 1:8

وَلی وَختِی روح القُدُس شِیمی سَر نازِل هَبو، قُوَّت گیرنین و اورشلیمِ شهرِ دِلِه و تمام یهودیه و سامِره یه منطقه و دنیایِ دورترین نُخطه یه جی، می شاهِدان بونین.»

اعمال رَسولان 10:38

وَ خدا چِطور عیسی یه ناصری رِه روح القُدُس و قدرَتِ هَمرهَ مَسح هَکردِه، جوریکه هَمِه جا گَردِنِه با و خُجیرِه کار کانِه با و تمام اوشانیکه اِبلیسِ ظُلمِ جیر دَبان رِه شَفا دَنِه با، اینه وَسینِ که خدا اونِه هَمرهَ دَبا.

اعمال رَسولان 20:24

وَلی مَن هَم جان و هَم زِندگی رِه می وَسین بی اَرزِش دانَم، فقط اگه بَتَّنَم می دورِه رِه تَمام هَکُنَم و خِدمَتی که عیسی یه خُداوند جی هِیتَم رِه، سَر اَنجام بَرِسانِم، وَ خُدای فیضِ خَبَرِ خوشِ شهادَت هَدَم.

اعمال رَسولان 21:13

وَلی پولُس جواب هَدَه: «این چه کاریِه کانین؟ چِرا شیمی بِرمِه یه هَمرهَ می دِلِ اِشکِندِنین؟ مَن حاضِرم عیسی خُداوند اِسمِ خاطری نه فقط زِندان بوشوم، بَلکِه اورشلیمِ دِلِه بَمیرم.»

اعمال رَسولان 26:11

خیلی وَختان اوشانِ مجازاتِ وَسین، عِبادَتگاهانِ دِلِه شونه بام و تَقَلّا کانِه بام و اوشانِه مَجبور کانِه بام کُفر باگون. می خَشم اینقدر با که حتّی تا غریبه شانه شَهران هم اوشانِه تَعقیب کانِه بام.

اعمال رَسولان 26:25

ولی پولُس جِواب هَدَه: «عالیجناب فِستوس، مَن خُل نییَم، بَلکِه عقلِ هَمرهَ حَقیقَتِ گونَم.

اعمال رَسولان 6:8

استیفان فیض و قوَّتِ جی پُر با و قومِ دِلِه خِیلی عجیبِ کارا و معجِزات کانِه با.

اعمال رَسولان 9:22

وَلی شائول روز به روز بیشتر قُوَّت گیرنِه با و دَمِشقِ یَهودیِان وَسین دَلیلِ هَمرهَ ثابِت کانِه با که عیسی، هَمون مَسیحِ موعود هیسه.

رومی ایشون 5:5

وَ اُمید اَمَرِه شرمنده نُکانِه، چون خُدایِ مُحَبَت روح القدسِ طریقِ جی که اَمَرِه هَدَه هَبا، اَمیی دِلِ میَن بَریخته هَبا.

رومی ایشون 8:15

چونکه شُما پاکاری یه روحِ نَیتین تا باز هم بَتِرسین، بَلکه شِما ریکایِ مقامِ دِلِه فرزند خواندگی یه روحِ بِیتین که اونِ طریقِ جی داد زَنیم: «اَبّا، ای پیر.»

اوّلین نامِه قُرنتیانی سِه 2:4

و می گبان و پِیغام، حَکیمانه کلمات هَمرَه که قانع کانه، نَبا، بلکه اوشان رِه خدای روح و خدای قوت همرَه باگوتم.

غَلاطیان 5:22

وَلی خدای روحِ ثَمَرِه، مُحبت، خُشحالی، صلح وسلامتی، صبر، مهرَبانی، خوبی، وَفاداری،

کولُسیان 1:8

اون اَمَرِهِ شیمی محبتِ جی که روحِ دِلِه دَره، باخَبر هَکوردِه.

نامِه مَسیحینی عبرانی نِژادی سِه 2:15

و تمام اوشانیکه مرگ ترسِ خاطری، تمامِ خودِشانِه عُمرِ اَسیری بَکِشییَنِه، آزاد هَکونه.

اول پِطرُس 1:22

اَسِه که حَیقَتِ اِطاعت هَکُردَنِ هَمرَه شیمی جانِ پاک هَکُردَین تا بی ریا اَداشِ مُحبت بِدارین، همدیگَرِ خالِص و پاکِ دِلِ هَمرَه دوس بِدارین.

اوّل یوحنا 4:18

مُحبتِ دِلِه تَرس دَنیِه، بلکه مُحبتِ کامِل تَرسِ دِرگا کانه؛ چون تَرس تَنبیهِ جی سَرچِشمِه گیرنِه و اونیکه تَرسِنِه، مُحبتِ دِلِه کامِل نَبا.