دوم تیموتائوس 1:5 - گیله ماز

⁵ مَن تی خالِصِ ایمانِ یاد هارنَم، ایمانی که اوَّل تی نَنِه لوئیس و ایما تی مآر یونیکی یه دِلِه دَبا. و اَسِه مطمئنم تی دِلِه هم دَرِه.

کتاب مقدس به زبان مازندرانی - گویش غربی

⁵ مِن تی خالِصِ ایمونِه یاد اُرمِه، ایمونی گه اوَّل تی نَنِه لوئیس و اَزما تی مار یونیکی ای دِلِه دَوِه. و اِسا مِطمئنمِه تی دِلِه هَم دَرِه.

کتاب مقدس به زبان مازندرانی - گویش شرقی

⁵ مِن تِ خالصِ ایمونِ یاد یارمه، ایمونی که اَوِّل تِ گَتِ مار لوئیس و بعد تِ مار یونیکیِ دِله دَییه، و اِسا مُطمئِنِمه تِ دِله هم دَره.

دوم تیموتائوس 1:5 Iomraidhean Croise

اِنجیلِ یوحنا 1:47

وَختی عیسی بَدییَه نَتَنائیل اونه سَمت هَنه، اونِ بارِه باَگوته: «بِیشین، این مَردَای اِسرائیلیِه واقعیِه که اونه دِلِه هیچ کَلَکی دَنیِه!»

اعمال رَسولان 16:1

پولُس اوَّل دِربِه و ایما به لِستْره شهر بَشَه. اوجِه ایتا شاگرد که اونِه اِسم تیموتائوس با زندگی کانِه با که اونِه مآر یهودِی و ایماندار با، وَلی اونِه پیر یونانی با.

اعمال رَسولان 26:26

پادشاه خودِش این کارِ جی خَبَر داره و مَنَم واضِح اوشانِ هَمرهَ گَب زَنَم، چون باوَر دارمِ هیچکِدام اَز ایشان اوشانِ نظرِ جی دور نیِه، چون چیزی نَبا که خَلوَتِ دِلِه یَواشکی اِتِفاق دَکِت بو.

رومی ایشون 14:14

مَن خُداوند عیسی دِلِه دانَم و مطمعنَم که هیچی خُد به خُد نَجِس نیِه. وَلی اَگه کَسی یِچّی رِه نَجِس دانه، اونه رَه نَجِسِ.

رومی ایشون 14:5

یِنَفَر ایتا روزِ بَقیِه روزانِ جی بهتر دانهِ؛ یِنَفر دیگر، تمام روزان رِه یِجور دانهِ. هر کی بایسّی خودشه فِکرِ دِلهِ خودِشِه عقایِدِه سَرخاطِر جَم هَبو.

رومی ایشون 15:14

اِی می اَداشان، مَن خودَم مُطمعنَم که خودِ شُما خوبی یه جی پُرین، وکاملِ معرفتِ دارین و تانید هَمدیگَرِ تعلیم هَدین.

رومی ایشون 4:21

او مُطمَئن با که خُدا تانهِ خودِشِه وَعدِه رِه انجام هَدِه.

رومی ایشون 8:38

چون مطمَئنَم که نه مرگ و نه زندگی، نه فِرشتِگان و نه رئیسان، نه چیزایِی که اَلَان دَرِه و نه چیزایِیکه آینده دَرِه، نه هیچ قُدرتی

دوّمین نامه قرنتیانِ وَسین 6:6

پاکی یه هَمرَه، معرفت هَمرَه، صبرِ هَمرَه، مهربانی یه هَمرَه، روح القُدُسِ هَمرَه، بی منت محَبت هَمرَه،

اول تیموتائوس 1:5

اَمیِ منظور این دستورِ جی محبَتِ، مُحبتی که پاکِ دِل و خُجیرِ وجدان و خالِصِ ایمان جی هَنه.

اول تیموتائوس 4:6

اَگِه این چیزانِ اَداشانِ یاد بیاری، مسیحْ عیسی یِه پاکار بونی، که ایمان کلامِ دِلِه و خُجیرِ تعلیم که اونه دُمّال دَری تربیت بونی.

دوم تیموتائوس 1:12

اینه وَسینِ که اینجور عذاب کَشِنَم، ولی عار نِدارَم، چون دانَم کِیه ایمان بیاردِم، وَ حَتم دارَم که اون تانه اونچه که مَرِه بِسپارسِّه هَبا رِه تا اون روز مُحافظت هَکونه.

دوم تیموتائوس 3:15

و چِطور از وَچِگی مُقدَّسِ نوشته ها رِه دانِسّی که تانه تِره حکمت هَدِه اون نجات وَسین که ایمان طریقِ جی به مسیحْ عیسی هیسَه.

نامِه مَسیحینی عبرانی نِژادی سِه 11:13

اوشان هَمِه ایمان دِلِه بَمِردَن، بدونِ اینکه وعده ها رِه هَگیرِن، ولی اوشانه دورِ جی بَدییَن و سلام باگُوتَن. و قبول هَکُردن که زَمینِ سَر، غریب هیسَن.

نامِه مَسیحینی عبرانی نِژادی سِه 6:9

اِی عَزیزِان، هر چَن اینجور گَب زَنیم، وَلی شیمی خَبَری اطمینان داریم که خِیلی بِهترِ چیزان که نِجاتِ هَمرَئِه، شیمی نصیب بونه.

اول پِطرُس 1:22

اَسِه که حَیقَتِ اِطاعت هَکُردَنِ هَمرَه شیمی جانِ پاک هَکُردَین تا بی ریا اَداشِ مُحبت بِدارین، همدیگَرِ خالِص و پاکِ دِلِ هَمرَه دوس بِدارین.