دوم تیموتائوس 1:10 - گیله ماز

¹⁰ و اَسِه این فیض اَمی نِجات دَهَندِه مسیحْ عیسی یِه بَموئَنِ هَمرَه - آشکار هَبا، همون مسیحْ عیسیِ که اِنجیلِ طریق مرگِ از بِین بَبِرده، و اَبدی زندگی رِه همه یه وَسین آشکار هَکُردِه.

کتاب مقدس به زبان مازندرانی - گویش غربی

¹⁰ و اِسا هَین فیض اَمِه نِجات دَهَندِه مَسیحْ عیسایی بیموئنی هَمرا - آشکار بَوِه، همون مَسیحْ عیسی گه مرگِ از بِین بَوِردِه، و اَبَدی زندگی رِه اِنجیلی طریق هَمه ای سِه آشکار هاکِردِه.

کتاب مقدس به زبان مازندرانی - گویش شرقی

¹⁰ اِسا این فِیض اَمه نجات‌دهنده مَسیحْ عیسی بییَموئِنِ هِمراه دیار بَییه - هَمون مَسیحْ عیسی که مَرگِ از بین بَوِرده، و اَبدی زندگی ره انجیلِ طریق همهِ وِسه دیار هاکارده.

دوم تیموتائوس 1:10 Iomraidhean Croise

لوقا 11:36

اَگه تمام تی وجود روشَن هَبو و هیچ ظُلِماتی اونه دِلِه دَنِبو، اونوَخت موقه ایی رِه ماندِنِه که لمپا یه نور ترِه تابِنِه، تمام تی وجود روشِنایی دِلِه دَرِه.»

لوقا 13:7

پَس خودشه باغبانِ باگوته: ”بِییش سِه سالِه این اَنجیل دارِ وَر هَنَم که اونه جی میوه بَچینَم، وَلی هیچی پیدا نُکانَم. اونِه بَبین تا زَمینِ هَدَر نَدِه.“

لوقا 2:11

اِمروز داوود زادگاهِ دِلِه، ایتا نِجات دَهَندِه شِمِرِه دُنیا بوما. اون خداوند، مَسیحِ موعودِ.

اِنجیلِ یوحنا 1:9

اون حَقیقی نور که هر آدَمی رِه روشِنایی بَخشِنِه، دَبا دُنیایِ دِلِه بیه.

اِنجیلِ یوحنا 14:6

عیسی اونه باَگوته: «مَن راه و راسّی و زندِگی هیسَم؛ هیچکس جز می طریق جی، آسِمانِی پیَرِ وَرجه نییَنِه.

اِنجیلِ یوحنا 20:31

وَلی ایشان بَنِویشته هَبا تا باوَر هَکُنید که عیسی، همون مَسیحِ موعود، خُدایِ ریکائِه، تا این ایمان هَمرَه، اونه اِسمِ دِلِه اَبَدی زندگی بِدارین.

اِنجیلِ یوحنا 4:42

اوشان اون زِنا رِه گونه بان: «دِ فقط تی گَبِ خاطِری نیِه که اونه ایمان هارنیم، چونکه اَما خودِمان اونه گَبِ بِشنَوِسّیم و دانیم که این مَردَای راس راسی دُنیایِ نِجات دَهَندِئه.»

اِنجیلِ یوحنا 5:40

وَلی هَلَه هم نَخَنین می ورجه بیئِین تا زندِگی بِدارین.

اعمال رَسولان 13:23

«خدا طِبق خودِشِه وَعدِه، این مَردای یه نَسلِ جی، یَهودِ قومِ وَسین ایتا نِجات دهندِه یعنی عیسی رِه بیاردِه.

اعمال رَسولان 5:31

و اونِه خودِشِه راسِ دَسِ وَر جآر بَبِردِه، رَهبر و نجات دَهَندِه هَکردِه تا یَهودِ مَردم توبِه هَکُنَن و اوشانِ گُناهان آمُرزیدِه هَبو.

رومی ایشون 16:26

وَلی اَلآن طِبقِ پِیغَمبرانِ بَنویشته و خُدای اَبدی حُکمِ هَمره، تمامِ مردُمِ وَسین معلوم هَبا، تا اوشان ایمان بیارِن و اطاعت هَکُنَن-

رومی ایشون 2:7

خُدا اَبدی زندگی رِه اوشانی رِه دَنِه که صبر همره خُجیرِ کارهایی اَنجام هَدَئَنِ دِلِه، جَلال و حرمت و اَبدی زِندگی یه دُمّال دَرِن؛

رومی ایشون 3:31

پس، مَگِه اَما این ایمانِ همرهَ شریعتِ از بین بَرنیم؟ اَلبَتَر که نه! برعکس، اَما شریعتِ برقرار کانیم.

رومی ایشون 6:6

چون دانیم اون آدمی که قدیمان بِیم، اونه هَمره مَصلوب هَبا تا تَنِ گُناه از بین بوشو و دِ گُناه پاکار نَبیم

اوّلین نامِه قُرنتیانی سِه 15:26

مرگ آخِرین دُشمنیِه که بایسّی اَز بِین بوشو.

اوّلین نامِه قُرنتیانی سِه 4:5

پَس هیچی یه بارِه پِیش اَز اونه موقِه قِضاوت نَکُنین تا اینکه خداوند بیه. او اونچه رِه که اَلآن ظُلَمات دِلِه جا هَدِه هیسَه رِه، روشِنایی یه دِلِه معلوم کانه و دِلِشانِ نیَّتِ برملا کانه. ایما هر کَس خودِشه تعریف و تمجید خُدایِ جی گیرنه.

دوّمین نامه قرنتیانِ وَسین 5:4

چون تا وَختی که این خیمِه یه دِلِه دَریم سنگینِ بارِ هَمره آه کَشِنیم، نه اینِ وَسین که لُخت بونیم، بَلکه بیشتر بَپوشانیه بونیم، تا زندگی، اونچه که از بِین شونِه رِه قورت هَدِه.

غَلاطیان 5:4

شمایی که خَنید شَریعتِ طریقِ جی صالح بِشمارِسِّه هَبین، شُما مسیحِ جی سیفا هَبَین، شُما فِیضِ جی دور هَبَین.

اِفِسُسیان 1:18

تا شیمی چِشِ دِل روشَن هَبو، تا اون اُمیدی که خُدا شِمِرِه اونه وَسین دُخوانِسِّه بِشناسین، و خُدایِ اون بی حد و حِساب و پُرجلالِ میراثِ، مقَدَّسینِ دِلِه بِفهمین،

اِفِسُسیان 1:9

اون خودِشِه اِراده یه راز رِه اَمَرِه بِشناساندِه، طبقِ خودِشِه خُجیرِ خواسِّ هَمرَه که مَسیح دِلِه ظاهِر هَکُردِه

دوّم تِسالونیکیان 2:8

اون موقِه، اون بی‌دینِ مَردَای هَنه، که خُداوند عیسی خودشه دَم نفسِ هَمرَه اونه هَلاک کانه و خودشه پُرشکوهِ بَموئَنِ هَمرَه اونه نابود کانه.

دوم تیموتائوس 1:1

پولُس طرفِ جی، که خُدایِ خواسِّ هَمرَه، و طبقِ اون وَعدِه یه زندگی که مسیحْ عیسی یِه دِلِه دَرِه، مسیحْ عیسی یِه رسولِ،

دوم تیموتائوس 1:8

پَس، اینِه وَسین که اَمیِ خُداوندِ وَسین شهادت هَدی یا مَن که اونه خاطِری زِندانِ دِلِه دَکِتَم، عار نِدار، بلکه تو هم خُدایِ قُوّتِ هَمرَه اِنجیلِ خاطری عذاب بَکِشییَنِ دِلِه شریک هَبو.

دوم تیموتائوس 4:1

مَن خُدا و مسیحْ عیسی یِه وَرجهِ که مُردِگان و زندهِ شانِ داوری کانه، وَ اونه بَموُئَن و پادشاهِی یه خاطری، تِره سِفارش کانَم که

دوم تیموتائوس 4:8

اَسِه، اون صالحی یه تاج می وَسین آمادِه هیسِه، تاجی که خداوند، اون عادلِ داوَر، اون روزِ دِلِه مَرِه دَنه - نه فقط مَرِه، بلکه تمام اوشانیکه اونه ظهورِ شوقِ داشتِن.

تیتوس 2:11

چون خُدایِ فیض آشکار هَبا، اون فیض که تمام مَردمِ نِجات دَنه

تیتوس 2:13

و اَمی اون موبارکِ اُمیدِ چِشم بِراه هَبیم، یَعنی اَمیی عظیمِ خُدا و اَمی نِجات دَهنده عیسی مَسیح جلالِ آشکار هَبوسَّن،

تیتوس 3:4

وَلی اون موقِه که اَمیِ نِجات دَهنده، خُدایِ مِهرَبانی و مُحبت آشکار هَبا،

نامِه مَسیحینی عبرانی نِژادی سِه 10:32

ولی اون قَدیمِ روزان رِه شیمی یاد بیارین، اون موقِه که تازِه نورانی هَبَبِین؛ شُما ایتا سَختِ مِبارزه یه دِلهِ عذابِ هَمرَه طاقت بیاردین.

پطرسی دِوّمین نامِه 1:1

شَمعونِ پِطرُسِ طرفِ جی، عیسیِ مَسیح پاکار و رَسول، اوشانِ رَه که خُدایِ عدالتِ طریق و اَمیِ نِجات دَهَنده عیسیِ مَسیح، ایمانی ایتا اَمیِ ایمان مِثان اوشانه نصیب هَبا:

پطرسی دِوّمین نامِه 1:11

و اینجوری، شِمِره کامِلاً اجازِه دَنِن که خُداوند و اَمیِ نجات دهنده عیسی مسیحِ اَبدی پادشاهِی یه دِلِه بیشیِن.

پطرسی دِوّمین نامِه 1:3

اونه الهی قُوَّت تمام اونچه که زندگی و دینداری یه وَسین لازِمِ رِه اَمَرِه هَدَه. اونه بِشناسین خاطری یِه که اَمَرِه خودشه جلال و خُوبی یه وَسین دُخوانِسِّه.

پطرسی دِوّمین نامِه 2:20

چون اگه اوشانیکه بعدِ اینکه خداوند و اَمیی نجات دَهَنِده عیسیِ مَسیحِ بِشناختَن ودُنیایِ فسادِ جی دَس بَکِشینِ، اگه یِدَفِه دیگه اون چیزانِ دِلِه گِرِفتار هَبون و شِکست بُخارِن، اوشانه آخرعاقبت اوَّلِ جی هم بَدتر بونه.

پطرسی دِوّمین نامِه 3:18

بلکه اَمیِ خُداوند و نِجات دَهَنده مَسیح ِعیسی فیض و بِشناسیَن دِلهِ رشد هَکُنید، که اونه اَز اَلآن تا اَبد جلال هَبو! آمین.

پطرسی دِوّمین نامِه 3:2

تا اون کلامی که مُقدَّس پِیغمبران پیشتَر باگُوتَن، و خُداوند و اَمیِ نِجات دَهَنده یه حُکم، که رسولان طریق جی شِمِره هَدَه رِه شیمی یاد بیارین.

اوّل یوحنا 1:2

زندگی ظاهر هَبا؛ اَما اونِهِ بَدییَیم و اونِه گَواهی دَنیم. اَبدی زندگی رِه شِمِرِه اعلام کانیم، همون اَبدی زندگی که پیَرهِ هَمرَه دَبا و اَمَرِه ظاهر هَبا.

اوّل یوحنا 4:14

وَ اَما بَدییَیم و گَواهی دَنیم که پیَر، خودشه ریکا رِه روانه هَکوردِه تا دُنیایِ نِجات دَهندِه هَبو.

یوحنایِ مکاشفه 18:1

ایما بَدییَم ایتا دیگه فِرِشتِه آسِمانِ جی دَرِه جیر هَنه که ایتا گَتِ اقتدار داشتِه و زمین اونه جَلالِ هَمرَه نورانی هَبا.

یوحنایِ مکاشفه 2:7

«اونکه گوش داره بِشنوئهِ، که خُدایِ روح کلیساها رِه چی گونِه. هر کی که پیروز هَبو، اینه اونه بَخشِنَم تا زندگی یه دارِ میوه یه جی که خُدایِ بِهشتِ دِلِه دَرِه، بُخارِه.

یوحنایِ مکاشفه 20:14

ایما، مَرگ و مُردِگانِ دُنیا تَشِ دریاچه دِلهِ تُووادِه هَبان. این تَشِ دریاچِه، دُوّمین مَرگِ.

یوحنایِ مکاشفه 22:14

خُشا بِحال اوشانیکه خودِشانِه قواشان رِه شورنِن تا این حَقِ بِدارِن که زندگی یه دارِ جی بُخارِن و بِتَّنَن شَهرِ دروازه‌ها رِه دِلِه بوشون.

یوحنایِ مکاشفه 22:17

خُدایِ روح و عروس گونه: «بیِه!» هر کی اینه اِشنوِنهِ باگو: «بیِه!» هر کی تَشنائِه بیه؛ و هر کی خَنِه، زندگی یه اُویه جی مَجانی هَگیره.