اول تیموتائوس 4:10 - گیله ماز

¹⁰ چون اَما اَمی اُمیدِ زندهِ خُدایِ سَر بِنَیم که تمام آدَمان نِجات دَهَندِه ئِه بِخصوص اوشانیکه ایمان دارَن واَما اینه خاطِری زَحمت کَشِنیم و تقلّا کانَیم.

کتاب مقدس به زبان مازندرانی - گویش غربی

¹⁰ چون اَما هَینسِه زَحمت کَشِمی و تقلّا کِمی، چون اَما شی اِمیدِ زینِّه خِدایی سَر بِشتِمی گه دِشتِه آدَمِنی نِجات دَهَندِه ئِه، بِخصوص اونانیگه ایمون دارِنِه.

کتاب مقدس به زبان مازندرانی - گویش شرقی

¹⁰ چوون اِما اینِ وِسه زَحمِت کَشِمبی و تَقِلّا کامبی، چوون اِما شه امیدِ، زنده خِدائه سَر بییِشتیمی که تِمومِ آدِمونِ نجات‌دهنده ئه، بخصوص اونایی که ایمون دارنِنه.

اول تیموتائوس 4:10 Iomraidhean Croise

اِنجیلِ مَتّی 16:16

شَمعون پِطرُس جِواب هَدَه: «تو مَسیحِ موعودی، زندهِ خُدای ریکائی!»

اِنجیلِ مَتّی 27:43

مَگِه خُدا رِه تَوَکل نَکوردِه، پس اگه خُدا اونه دوس داره اَسِه اونِه نِجات هَدِه، چونکه گونه با مَن خُدایِ ریکا هیسَم!»

اِنجیلِ یوحنا 1:29

فَردَئی، وقتی یَحیی عیسی رِه بَدییَه که اونه سَمت هَنه، باَگوته: «بِیِیشین، این خُدایِ قُربانی وَرِّه که گُناهِ دُنیایِ جی گیرنِه و بَرنِه!

اِنجیلِ یوحنا 4:42

اوشان اون زِنا رِه گونه بان: «دِ فقط تی گَبِ خاطِری نیِه که اونه ایمان هارنیم، چونکه اَما خودِمان اونه گَبِ بِشنَوِسّیم و دانیم که این مَردَای راس راسی دُنیایِ نِجات دَهَندِئه.»

اِنجیلِ یوحنا 5:24

راس راسی شِمِره گونَم هر کی می کَلامِ بِشنوئِه و اونیکه مَرِه روانه هَکوردِه رِه ایمان بیارِه، اَبَدی زندِگی رِه داره و داوَری نَبونه، بلکه مَرگِ جی به زندِگی مُنتَقِل هَبا.

اوّلین نامِه قُرنتیانی سِه 15:10

وَلی اونیکه الان دینین هیسَم خُدایِ فیضِ خاطری یه، و اونه فیض می وَسین بی فایده نَبا. برعکس، مَن تمام اوشانه جی سخت تر کار هَکُردَم، ولی من نَبام، بلکِه خُدایِ فیض خاطری با که می هَمرَه دَرِه.

دوّمین نامه قرنتیانِ وَسین 1:10

خدا اَمَرِه اینجور خطرِجی که کُشِنِه آزاد هَکوردِه و باز هم آزاد کانِه. اَما اونه اُمید دَبِسّیم که باز هم اَمَرِه آزاد کانِه،

اول تیموتائوس 2:3

چونکه این اَمیی نِجات دَهنده خُدایِ نَظر خُجیر و اونه بابِ دِلِ

اول تیموتائوس 2:4

که خَنِهِ تمام مَردُم نِجات هَگیرَن و حَقیقتِ بِشناسِن.

اول تیموتائوس 2:6

اونیکه خودشه جانِ هَدَئنِ هَمرَه، تمام آدَمانِ آزادی رِه بَهیَّه. این حقیقَتِ خُجیرِ وَختِ دِلِه شهادت هَدَه هَبا،

اول تیموتائوس 3:15

اَگِه می بَموئَن عقب دَکِته، بِدانی که خُدایِ سِرِه یه دِلِه که زندهِ خُدای کلیسا و حقیقتِ ستون و پِی هیسه، چِطور بایِسّی رفتار هَکُردن.

اول تیموتائوس 6:17

این دُنیایِ پولدارانِ باگو که مغرور نَبون، و خودِشانِه اُمیدِ این دُنیایِ مالِ سَر نُذارَن که نُماندِنه. بلکه اوشانه اُمید خُداییِ رِه هَبو که همه چیره فَت و فَراوان اَمی وَسین فَراهَم کانه تا اوشانه جی کِیف هَکُنیم.

نامِه مَسیحینی عبرانی نِژادی سِه 11:26

و اون سرکوفت که مَسیح خاطِری با رِه، ایتا گَنج، مِصرِ گَنجایِ جی گَته تَر بِشمارِسِّه، چون او اون پاداش دُمّال دَبا.

نامِه مَسیحینی عبرانی نِژادی سِه 13:13

پَس بیئِین اَما هم این اُردوگاهِ جی دِرگا بیئیم و اونه ور بیشیم، و اونه نَنگ و عار دِلِه شَریک هَبیم.

اول پِطرُس 1:21

شُما که اونه طریق خُدا رِه ایمان بیاردین، اون خُدایِی که اونه مُردِگانِ جی زندهِ هَکُردِه و جلال هَدَه، تا شِیمی ایمان و اُمید خُدا رِه هَبو.

اوّل یوحنا 2:2

عیسی اَمیِ گُناهانِ کَفّارِئِه، وَ نه فقط اَمیِ گُناهِان، بلکه تمام عالَمِ گُناهان.

اوّل یوحنا 4:14

وَ اَما بَدییَیم و گَواهی دَنیم که پیَر، خودشه ریکا رِه روانه هَکوردِه تا دُنیایِ نِجات دَهندِه هَبو.