اول تیموتائوس 4:1 - گیله ماز

¹ وَلی خُدایِ روح واضِح گونِه که آخرین زَمانهایِ دِلِه، بَعضیان خودِشانِ ایمان جی وَگِردِنَن، اون روحهای جی که گول زَنَن و آلِشانه تعالیم پیروی کانَن.

کتاب مقدس به زبان مازندرانی - گویش غربی

¹ ولی خِدایی روح واضِح گِنِه گه آخرین زَمونایی دِلِه، بَعضیا شِرِه، هون روحها گه گول زَنِنِه و دِویشونی تعالیم، وقف کِنِنِه و ایمونی جا گِردِنِنِه،

کتاب مقدس به زبان مازندرانی - گویش شرقی

¹ ولی خِدائه روح، واضح گانه که آخِرین زِمون هائه دِله، بَعضیا شه ره اون روح ها که گول زَندِنه و دِوهائه تعالیمِ، وَقف کاندِنه و ایمونِ جِم بَرگِردِنِنه،

اول تیموتائوس 4:1 Iomraidhean Croise

اِنجیلِ مَتّی 18:7

وای بر این دُنیا که آدَمی رِه بِه گُناه وَسوَسِه کانه. چون وَسوَسِه هَمِش دَرِه، وَلی وای بِحالِ کَسی که وَسوَسِه باعِث بونه!

لوقا 17:1

عیسی خودشه شاگِردانه باگوته: «یَقیناً گُناه وَسوَسِه دارِه، وَلی وای بِحالِ اون کَس که وَسوَسِه باعث هَبو.

اِنجیلِ یوحنا 16:13

وَلی وَختی روحِ راسّی بیِه، شِمِره به تمام حقیقَت رَهبری کانه؛ چون اون خودشه جی گَب نَزِنِه، بلکه اونچه اِشنَوِنِه رِه گونِه و شِمِره آیندِه یه جی خَبَردار کانه.

اعمال رَسولان 13:2

موقِه ایی که اوشان روزِه بان و دَبان خَدا رِه پَرَسِش هَکونَن، روح القُدُس باگوتِه: «بَرنابا و شائول رِه اون کارِ وَسین که مَن اوشانِه دعوت هَکُردَم، سیفا هَکُنین.»

اعمال رَسولان 17:18

رَواقی و اِپیکوری یه فیلسوفان جی بعضیان هَم اونِه هَمرهَ بَحث کِانِه بان. بعضی اَز اوشان گونه بان: «این مُفت گَب زَن چی خَنِه باگو؟» بَقیِه گونه بان: «اِنگار غریبِ خِدایانِ تبلیغ کانِه.» چون پولُس، عیسی و مردگانِ زندِه هَبوسَّنِ بارِه اوشانِ هَمرَه گَب زَنِه با.

اعمال رَسولان 20:23

جز اونکه هر شَهرِ دِلِه روح القُدُس هُشدار دَنِه که سَختی و زندان می انتظار دَرِه.

اعمال رَسولان 21:11

اون اَمِی وَرجه بوما و پولُسِ قیشِ بِیتِه، خودِشِه دَس و لِنگِ اونه هَمرهَ دَبِسِّه و باگوتِه: «روح القُدُس گونِه: ”اورشلیمِ یَهودیِان این قِیشِ صاحابِ اینجوری دَبِدِنِن و غیرِ یهودیِان دَس تَسلیم کانِن.“‌»

اعمال رَسولان 28:25

پَس همونجور که هَمدیگَرِ هَمرهَ جَرّ و بَحث کِانِه بان، اوجِه یه جی بَشَن. وَلی پیش اَز اونکه اوجِه یه جی بوشون، پولُس خودِشِه آخَرین گَبِ بَزه و باگوتِه: «روح القُدُس چَنّی خوب شِیمی پیَرانِ هَمرهَ گَب بَزه، اون موقِه که توَسطِ اِشعیایه پِیغَمبَر باگوتِه:

اوّلین نامِه قُرنتیانی سِه 10:20

نه، می منظور اینه که بُت پرسّانِ قُربانیها، آلِشانه پیشکِش بونه نه خُدای پیشکِش، و مَن نَخَنَم شُما آلِشانه شریک هَبین.

اوّلین نامِه قُرنتیانی سِه 11:19

چون بایسّی این دودسِّگی شیمی میِن دَبو تا اینجوری اوشانیکه شیمی مین راس راسی ایمان دارِن معلوم هَبون.

اوّلین نامِه قُرنتیانی سِه 12:11

وَلی تمام ایشان همون ایتا روح طریق جی که خدای روحِ قوَّت گیرنه. و اونجور که خودش خَنِه اونه قسمَت کانه، و هر کی رِه دَنه.

اوّلین نامِه قُرنتیانی سِه 2:10

خُدا این چیزان رِه خودشه روحِ طریقِ جی اَمِرِه آشکار هَکُردِه، چون خدای روحْ، هَمِه چیره واموتانه، حتّی خُدایِ جَلتَرین رازِشانَم.

دوّمین نامه قرنتیانِ وَسین 11:3

وَلی تَرسِنَم هَمونجور که مار حوا رِه گول بَزَ، شیمی فِکر هَم صاف و صادقی و خالِصی ایی که مسیحِ جی دارین، مُنحرف هَبو.

کولُسیان 2:18

نُزارید کسیکه خودِشِه خوار هَکوردَن و فرشتگان عبادَتِ مشغولِ شِمِرِه محروم هَکونِه. اینجور آدَم فقط خودِشِ رویاها رِه تَکیِه کانه و بدونِ اینکه دلیلی بِدارِه خودِشِ بیخُدی فِکرانِ همره مغرور بونِه.

دوم تیموتائوس 3:13

ولی شرورِ آدمان و شیّادان بَدی یه دِلِه بَدتر بونَن، گول زَنَن و گول خارِنَن.

دوم تیموتائوس 4:4

و اوشان خودِشانِه دیمِ حَقیقَتِ گوش هَدَئنِ جی وَگِرداندِنِن و اَفسانه هایِ سمت وَگِردِنِن.

یعقوبِ نامه 3:15

اینجور حِکمتی آسِمانِ جی نییَنِه، بلکه زمینِی و نفسانی و شیطانیِه.

اول پِطرُس 1:20

اون پِیش اَز اینکه دُنیا به وجود بیه تعیین هَبا، وَلی این آخرِ زَمان هایِ دِلِه شِیمی خاطر آشکار هَبا.

پطرسی دِوّمین نامِه 2:1

وَلی یَهودِ قومِ میَن، دِروئی پِیغمبرانِ هَم دَبانِ، هَمونجور که شیمی میَن هَم دِروئی مُعلِّمین هَنَن که یواشکی غلطِ تعالیم هارنَن که تانِه باکوشِه، و اون اَرباب که اوشانه بَهیِّه رِه حَشا کانَن و اینجوری یِدَفه بَلا رِه خودِشانِه سَر هارنَن.

پطرسی دِوّمین نامِه 3:3

پِیش از هر چی، بِدانید که آخرین روزانِ دِلهِ اوشانی که مسخره کانَن، هَنَن که خودِشانِه پلیدِ خواسِّه های دُمّال دَرِن و مَسخره وار

اوّل یوحنا 2:18

وَچِه هان، این آخرین ساعَتِ و هَمونجور که بِشنَوِسِّین ’ضِدِّ مسیح‘ هَنه، اَلآن هَم خِیلی ضِدِّ مَسیحِان بومَن، ایجه یه جی فَهمِنَم که آخرین ساعتِ.

اوّل یوحنا 4:6

اَما خُدایِ جی هیسیم. اونیکه خُدا رِه اِشناسِنِه، اَمَرِه گوش دَنه؛ اونیکه خُدایِ جی نیِه، اَمَرِهِ گوش نَدِنه. اینجوری حَقیقتِ روح و گمراهی یه روح رِه هَمدیگَرِ جی اِشناسِنیم.

یهودائه نامه 1:18

که شِمِره باگُوتَن: «آخرِ زَمان، کسایی که مسخره کانَن هَنَن که خودِشانِه هوا و هوس هَمرَه که مخالفِ دینداری هیسِه رفتار کانَن.»

یهودائه نامه 1:4

چون مَردُمِی که اوشانه محکومیت قدیم جی تعیین هَبا، یَواشکی شیمی میَن نُفوذ هَکُردَن. ایشان بی دینانی هیسَن که اَمیِ خُدای فیضِ رِه به عیاشی تبدیل کانَن، و عیسی مسیح تنها اَرباب و اَمیِ خُداوند رِه حَشا کانَن.

یوحنایِ مکاشفه 13:14

و اون نِشانه ها و معجزاتِ خاطری که اجازه داشتِه اون اوّلین وحشی جانِوَر عوض به کار هَگیره، اوشانیکه زَمینِ سَر دَبان رِه گول بَزَه و اوشانه باَگوته ایتا مُجَسَمِه اون وحشی جانِوَر جی بِسازَن که شمشیری هَمرَه زخمی هَبا، ولی با این وجود زندهِ بُمانسِّه.

یوحنایِ مکاشفه 16:14

چون ایشان آلِشانه اَرواحِن که نِشانِه و معجِزِات هارنَن و تمام دُنیایِ پادشاهانِ ورجه شونِن تا اوشان رِه خُدای قادِرِ مطلقِ گَتِ روزِ دِلِه جنگِ وَسین جَم هَکُنَن.

یوحنایِ مکاشفه 18:2

ایتا بُلَندِ صدایِ هَمرَه داد بَزَه که: «فور بوماَ! گَتِ بابِل فور بوماَ! اون آلِشانِ سِرِه هَبا! وَ هر ناپاکِ اَرواحِ مَقَر، وَ هر ناپاکِ پَرنده یه فَک، وَ هر وحشی جانِوَر لانه که ناپاک و نفرت انگیزِ.

یوحنایِ مکاشفه 18:23

و دِ هیچ لَمپایه سو تی دِلِه نِتابِنِه؛ دِ هیچ عَروس و زامایِ صِدا تی جی بِشنَوِسِّه نَبونه. چونکه تی تاجِران زمینِ گَتِه مَردِکان بان و تمام مِلَّتِشان تی جادو یه هَمرَه گُمراه هَبان.

یوحنایِ مکاشفه 19:20

اون وحشی جانِوَر گِرِفتار هَبا، و اونه هَمرَه اون دِروئی پیغَمبر که اون وحشی جانِوَر اِسمِ هَمرَه نِشانه ها و معجِزات انجام دَنهِ با و اون نِشانه هانِ هَمرَه اوشانِ گول بَزَه با که اون وحشی جانِوَر علامتِ قبول هَکُردهِ بان و اونه مُجَسمِه رِه پَرَسِّش کانه بان. اوشان هر دُتا، زندهِ زندهِ، تَشِ دریاچه یه دِلهِ که گوگِردِ هَمرَه سوزِنِه، تُووادِه هَبان.

یوحنایِ مکاشفه 2:11

«اونکه گوش داره بِشنَوئهِ، که خُدایِ روح کلیساها رِه چی گونِه. هر کی که پیروز هَبو، دُوّمین مرگ جی بلایی اونه سَر نیئَنِه.

یوحنایِ مکاشفه 2:17

«اونکه گوش دارِه بِشنوئهِ که خُدایِ روح کلیساها رِه چی گونِه. هر کی که پیروز هَبو، اون جاهَدَه ’مَنّایِ‘ جی اونه دَنَم و ایتا اِسبی سَنگ اونه دَنَم، که اونه سَر ایتا جدیدِ اِسم بَنوِیشتِه هَبا که هیچکَس اونه نِدانِه، بِجُز کسی که اونِه گیرنِه.

یوحنایِ مکاشفه 2:29

اونکه گوش دارِه بِشنوئِه که خُدایِ روح کلیساها رِه چی گونِه.

یوحنایِ مکاشفه 2:7

«اونکه گوش داره بِشنوئهِ، که خُدایِ روح کلیساها رِه چی گونِه. هر کی که پیروز هَبو، اینه اونه بَخشِنَم تا زندگی یه دارِ میوه یه جی که خُدایِ بِهشتِ دِلِه دَرِه، بُخارِه.

یوحنایِ مکاشفه 20:10

و اِبلیس که اوشانه گول بَزَه با، تَش و گوگِردِ دریاچه یه دِلهِ تُووادِه هَبا، اوجِه که اون وحشی جانِوَر و دِروئی پِیغمبر تُووادِه هَبا بان. ایشان شُو و روز تا اَبد و تا اَبد عذاب کَشِنَن.

یوحنایِ مکاشفه 20:8

و دِرگا هَنه، تا مِلّتِشان رِه زمینِ چارگوشه یه سَر گول بَزِنِه- اون جوج و ماجوج رِه که اوشانه تعداد دریاکِنارِ وازیک مِثانِ، جَنگ وَسین جَم کانه.

یوحنایِ مکاشفه 3:13

اونکه گوش داره بِشنوئهِ که خُدایِ روح کلیساها رِه چی گونِه.

یوحنایِ مکاشفه 3:22

اونکه گوش دارِه بِشنوئهِ که خُدای روح کلیساها رِه چی گونِه.»

یوحنایِ مکاشفه 3:6

اونکه گوش داره بِشنوئهِ که خُدایِ روح کلیساها رِه چی گونِه.

یوحنایِ مکاشفه 9:20

بَقیِه آدَمِان، که این سِه تا بَلایِ جی بکوشت نَبان، نه خودِشانِه دَسِ کارانِ جی توبِه هَکُردَن و نه آلِشانه پَرَسِّش هکُردنِ جی و نه طَلائی بُتِشان و نقره ایی و برنجی و سَنگی و چویی بُتِشانِ پَرَسِّش هکُردنِ جی، که نه تانَن بَینِن و نه اِشنَوِنِن و نه راه شونِن.