اول تیموتائوس 2:7 - گیله ماز

⁷ چون مَن اینِه خاطِری تعیین هَبام تا غیرِ یَهودیِانِ وَسین ایتا تعلیم دَهندِه و ایتا رسول و ایتا مُعلِم ایمان حقیقتِ دِلهِ هَبوم - حَقیقَتِ دَرَم گونَم و دُرو نَزَنَم.

کتاب مقدس به زبان مازندرانی - گویش غربی

⁷ چون مِن هَینِسه تعیین بَوِمِه تا غیریَهودیِنی سِه یَتِه تعلیم دَهندِه و یَتِه رسول و یَتِه مَلِّم ایمون و حَیقتی دِلِه ووئِم - حَیقَتِ دِ گِمِه و دِرو نَزِمِه.

کتاب مقدس به زبان مازندرانی - گویش شرقی

⁷ چوون مِن اینِ وِسه تعیین بَیمه تا غیرِ یَهودیونِ وِسه یِتا تَعلیم دَهنده و یِتا رسول و یِتا مَلِّم، ایمون و حَییقَتِ دِله بوئِم - حَییقَتِ دَره گامبه و دِراغ نَزِمبه.

اول تیموتائوس 2:7 Iomraidhean Croise

اِنجیلِ یوحنا 7:35

پَس یَهودیِان هَمدِیگَرِ گونِه بان: «این مَردَای کوجِه خَنِه بوشو که اَما نَتَّنیم اونه پیدا هَکونیم؟ خَنِه یَهودیِانِ وَرجه که یونانِ دِلِه پَخش و پَلا هیسَن بوشو و یونانی شانِه تَعلیم هَدِه؟

اعمال رَسولان 14:27

وَختِی پولُس و بَرنابا اوجِه بَرِسین کلیسای آدَمانِ جَم هَکُردَن، باز اوشانِ وَسین باگوتِن که خدا اوشانِ هَمرهَ چیها هَکردِه و چِطور ایمانِ دَرِ غیرِ یَهودیِان وَسین واز هَکردِه.

اعمال رَسولان 22:21

«خداوند مَرِه باگوتِه: ”بوشو؛ چون مَن تِرِه دور دَکِتِه جاهای سَمت، غیرِ یهودیِان وَر روانه کانَم»

اعمال رَسولان 26:20

بَلکِه اَوَل دَمشقیانِ میَن، ایما اورشلیم و تمام یَهودیِه منطقه یه دِلِه، وَ غیرِ یهودیِان میَن هَم این پِیغامِ اعلام هَکُردَم که بایسّی توبِه هَکُنَن و خُدای سَمت وَگِردن و خودشانِه عَملِ هَمرهَ نِشان هَدن که واقِعاً توبِه هَکُردَن.

اعمال رَسولان 9:15

وَلی خُداوَند حَنانیا رِه باگوتِه: «بوشو، چون این مَردای وسیله ایی یه که مَن دوجین هَکُردَم تا می اِسمِ غیر یَهودیِان و پادِشاهان و یَهودی مَردُمِ بَرِسانِه.

رومی ایشون 1:9

چون خُدایی که اونه تمامِ می دِل و جانِ همره، اونه ریکایِ اِنجیلِ کارِ دِلِه دَرِم خِدمت کانَم می وَسین گَواهی دَنِه که چطور یِکسرِه می دُعاهایِ دِلِه شِمِرِ یاد هارنَم

رومی ایشون 10:14

پس چِطور کَسی که اونه ایمان نیاردِن رِه دُخوانِن؟ وَچِطور کَسی که اَصلاً اونه جی نِشنَوِسَّن رِه ایمان بیارِن؟ وَ چِطور بِشنوئَن، اگه کَسی اوشانه وَسین موعظه نَکونِه؟

رومی ایشون 11:13

اَسِه مَن شُما غیرِ یهودیِانِ هَمرَه گَب زَنَم. اوجه یه جی که مَن غیرِ یَهودِیان رَسولم، می خِدمَت سَر خِیلی فَخر کانَم،

رومی ایشون 15:16

که غیرِ یَهودیانِ وَسین، مسیحْ عیسی پاکار هَبوم و خُدایِ اِنجیلِ خِدمت هَکُردنِ وَسین کاهِنی هَکُنَم، تا غیرِ یهودیِان ایتا قابِلِ قَبولِ هَدیِه خُدایِ پیش هَبون که روح القُدُسِ طَریقِ جی تَقدیس هَبا.

رومی ایشون 9:1

مَن مَسیح دِلهِ راس گونَم، دُرو نَزَنَم، و می وُجدان روح القدُس طَریقِ جی می وَسین گواهی دَنه

اوّلین نامِه قُرنتیانی سِه 9:1

مَگِه آزاد نییَم؟ مَگِه رَسول نییَم؟ مَگِه اَمیِ خُداوند عیسی رِه نَدییَم؟ مَگِه شُما خُداوَندِ دِلهِ می کارِ ثَمرِه نییَین؟

دوّمین نامه قرنتیانِ وَسین 11:31

خُداوند عیسی یِه پیَر، که اونه تا اَبد شُکر کانَم، دانهِ که دُرو نَزَنَم.

غَلاطیان 1:16

که خودشه ریکا رِه می دِلهِ ظاهر هَکونه تا اونه غیرِ یهودیِان میَن اعلام هَکونَم، اون موقِه جسم و خونِ هَمرَه مَشوِرَت نَکُردَم.

غَلاطیان 1:20

خُدایِ حُضور شِمِره اطمینان دَنَم که اونچه نِویسِنَم دُرو نیِه.

غَلاطیان 2:16

اَما دانیم که هیچکس شَریعَتِ اعمالِ هَمره، صالح بِشمارسِّه نَبونه، بَلکه عیسی مسیحِ ایمانِ طریق جی صالح بِشمارسِّه بونِه. پس اَما هم مسیحْ عیسی رِه ایمان بیاردیم تا مسیحِ ایمانِ هَمره صالح بِشمارِسِّه هَبیم، و نه شریعتِ اعمالِ هَمره، چون هیچ آدمی شریعَتِ اعمالِ هَمره صالح بِشمارِسِّه نَبونه.

غَلاطیان 2:9

وختی که یعقوب و کیفا و یوحنا که به کلیسایِ ستون معروف بان، اون فیضی که می نَصیب هَبا با رِه بَدییَن، مَن و بَرنابای هَمره دَسِ رِفاقت هَدَن تا اَما غیرِ یَهودیانِ وَر بیشیم و اوشان یَهودیانِ وَر بوشون.

غَلاطیان 3:9

پَس اوشانیکه ایمانِ تکیِه دارِن، ابراهیمِ هَمرَه، اون مَردِ ایمان، بَرکت گیرنِن.

دوم تیموتائوس 1:11

و مَن اونِ وَسین انتخاب هَبام تا این اِنجیلِ رَسول و مُعلِم هَبوُم و موعظه هَکُنَم.

پطرسی دِوّمین نامِه 2:5

و اَگِه قدیمی دُنیا رِه رَحم نَکُردِه بلکه اون طوفانِ بی دینِانِ دُنیایِ سَر روانه هَکوردِه و فقط نوح رِه، که صالحی یه پیغَامِ بیاردِه هفت نفر دیگَرِ هَمرَه حِفظ هَکُردِه؛