اول تیموتائوس 1:4 - گیله ماز

⁴ وَ خودِشان رِه اَفسانه و شجره‌ نامه‌هایی که تَمام نَبونه یه هَمرَه مشغول نَکونَن، این چیزان، عوضِ اینکه خُدایِ کارِ که ایمان راه دِلِه دَرِه پِیش بَبِره، جَر و بحثِ باعث بونَن.

کتاب مقدس به زبان مازندرانی - گویش غربی

⁴ و شِرِه آسنی و شجره‌نامه‌هایی گه تُوم نَوونِه ای سِه وقف نَکِنِن، هَین چیا، عوضِ هَینگه خِدایی کارِ گه ایمونی راهی دِلِه دَرِه پِش بَوِرِه، جَر و بحثی باعث وونِنِه گه هیچ ثمری نارنِه.

کتاب مقدس به زبان مازندرانی - گویش شرقی

⁴ و شه ره داستان ها و شجره‌نامه‌هایی که تِموم نَوونهِ وِسه وَقف نَکِنِن، این چیا، عَوِض اینکه خِدائه کارِ که ایمونِ راهِ دِله دَره پیش بَوِره، جرِّ بحثِ باعث بونِنه که هیچ ثَمری نِدارنه.

اول تیموتائوس 1:4 Iomraidhean Croise

دوّمین نامه قرنتیانِ وَسین 1:12

چونکه اَمیی فَخر، اَمیی وُجدانِ که گُواهیِ دَنِه که این دنیایِ دِلِه راسّی و صاف و صادقی یه همره که خدایِ جیه رفتار هَکوردیم، نه آدَمی یه حِکمتِ همرهَ، بَلکه خُدای فیضِ هَمرَه رفتار هَکوردیم، علل خصوص شیمی هَمره.

اِفِسُسیان 3:2

بی شک شُما این جریانِ بارِه که خُدای فیضِ نظارت شیمی خدمتِ وَسین مَرِه هَده هَبا بِشنَوِسّین،

اول تیموتائوس 3:16

راس راسی که دینداری یه راز خیلی گَتِئِه: اونیکه جسم دِلِه ظاهر هَبا، خُدایِ روحِ طریقِ جی تأیید هَبا، فرشتگان اونه بَدییَن، قومِشانِ میَن اعلام هَبا، دُنیایِ دِلِه اونه ایمان بیاردِن، جلالِ هَمرَه، جآر، بَبِردِه هَبا.

اول تیموتائوس 4:7

تِرِه اَفسانه هانِ جی که کفرآمیز و پوچِ دور بِدار، بلکه تِرِه دینداری یه هَمرَه تربیت هَکُن.

اول تیموتائوس 6:11

وَلی تو که مَردِ خُدایی، این چیزانِ جی فَرار هَکُن، و صالحی، دینداری، ایمان، مُحبت، پایداری و مُلایمتِ دُمّال دَبو.

اول تیموتائوس 6:20

اِی تیموتائوس، اون امانتی که تِرِه بِسپارِسِّه هَبا رِه حِفظ هَکُن. مُفتِ گَبانِ جی و مخالفِ فِکرای جی که اشتباهی، معرفت دُخوانده بونه، دوری هَکُن؛

دوم تیموتائوس 2:14

این چیزانِ اوشانه یاد بیار و خُدایِ وَر اوشانه سِفارِش هَکُن که کلماتِ سَر دعوا مرافِه نَکُنَن، که فایدِه نِداره، بلکِه فقط اینه باعث بونه اوشانیکه اِشنَوِنَن رایه جی به بدر هَبون.

دوم تیموتائوس 2:22

پس جَوانی یه هوا و هوسِ جی فَرار هَکُن، وَ اوشانه هَمرَه که پاکِ دِلِ هَمرَه خُداوَندِ دُخواندِنَن، صالحی و ایمان و مُحبت و صُلح و سلامتی یه دُمّال دَبو.

دوم تیموتائوس 2:23

اون بَحثایی که نادانی و نِفهمی یه جی هیسه دوری هَکُن، چون دانی که دعوا مرافِه یه باعِث بونه.

دوم تیموتائوس 4:4

و اوشان خودِشانِه دیمِ حَقیقَتِ گوش هَدَئنِ جی وَگِرداندِنِن و اَفسانه هایِ سمت وَگِردِنِن.

تیتوس 1:1

پولُس طرفِ جی، خُدایِ پاکار و عیسی مَسیح رَسول، که تعیین هَبام تا خُدایِ اِنتخاب هَبوسِّه شانه ایمانِ تقویت هَکُنَم و اون حَقیقَتی که طبقِ دینداری هیسه رِه باگوم.

تیتوس 1:14

و یهودِ اَفسانه هان و اوشانه احکام، که حَقیقَتِ حَشا کانَن رِه گوش نَدِن.

تیتوس 3:9

وَلی جنگ و جِدالی که نادانی یه جیه، شجره‌نامه‌ها و اختلافات و دعوا مرافه هایی که شریعتِ بارِئه دوری هَکُن، چون ایشان بی‌فایده و بی اَرزِشَن.

نامِه مَسیحینی عبرانی نِژادی سِه 13:9

جورواجور و عجیب غریبِ تعلیم هایِ هَمرَه گُمراه نَبین؛ چون این خوبِ که آدَمی یه دِل فیضِ هَمرَه قُوَّت هَگیره، نه اون خُراکهایِ هَمرَه که اوشانی که اونه دُمّال شونِن، اوشانه وَسین منفعتی نِداره.

پطرسی دِوّمین نامِه 1:16

چون اون موقِه که اَمیِ خُداوند عیسی مسیحِ قُوَّت و اونه بَموئَنِ شِمِره اِعلام هَکُردیم، اَفسانه هایِ دُمّال که زرنگی یه هَمرَه بِساته هَبان نَشَیم، بلکه اَمی چشِ هَمرَه اونه جلالِ بَدییِه بِیم.