ሶፎናሳ ቲንቢቴ 1:3 - Geeshsha Maxaafa

³ GODAY, «Asenne medosata dhayssana; salo kafotanne abba giddon diza moleta ta dhayssana; ta asa zereth biitta bollafe dhayssiza wode iitati laalettida buura doore mala gidana» gees.

ጋሞ ማጻፋ

³ ጎዳይ፥ «ኣሴኔ ሜዶሳታ ይሳና፤ ሳሎ ካፎታኔ ኣባ ጊዶን ዲዛ ሞሌታ ታ ይሳና፤ ታ ኣሳ ዜሬ ቢታ ቦላፌ ይሲዛ ዎዴ ኢታቲ ላሌቲዳ ቡራ ዶሬ ማላ ጊዳና» ጌስ።

ሶፎናሳ ቲንቢቴ 1:3 Iomraidhean Croise

ሜቴ ማጻፋ 6:7

Hessa gishshas GODAY, «Tani medhdhida asaa ha biitta bollafe ubbaa dhayssana; asa, mehe, do7a, biittara gooshettiza medheteththatanne kafota dhayssana; ays giikko tani istta medhdhida gishshas mishettadis» gides.

ኢሳያሳ ቲንቢቴ 27:9

Yaaqoobey yarsho yarshizaso shuchchata booqintta shuchcha mala gaacci liiqisishin Asheero geetettiza eeqa xoossay mislenne exaane cuwasiza sohota istti dizasohotappe shoddi olishin he gallas mooroy atto geetettana; hessi izi ba nagara diggoyssas kumeththa ayfe gidana.

ኢሳያሳ ቲንቢቴ 6:11

Tanikka, «Abeet Godawu! Hayssi ayde gakkanaas hananee?» gadis. Izikka zaaridi taas, «Katamati isttan de7iza asi dhayiin istti laalettana gakkanaas, keeththatikka ubbay kayzana gakkanaassinne biittayka mulera aykkoy baynda bula gidana gakkanaassa.

ኢሳያሳ ቲንቢቴ 6:12

Tani GODAY asaa haassana gakkanaassa; biittaaka aykkoy baynda bazzo kessana gakkanaassa.

ኤርማሳ ቲንቢቴ 12:4

Iray dhayiin biittay ayde gakkanaas melanee? Maataykka ayde gakkanaas melanee? Asaa iitateththaafe dendidayssan medosatinne kafoti dhayda. Hessa bollaka asay, «GODAY nuni ooththizayssa demmenna» gees.

ኤርማሳ ቲንቢቴ 50:3

Pudeha baggafe issi kawoteththay yiidi Baabiloone biitta olana; hessafe dendidayssan asinne mehey baqatana; biittayokka bula kessana; oonikka izin deenna.»

ኤርማሳ ቲንቢቴ 7:20

Hessa gishshas Ubbaafe Wolqqama GODAY, «Ta yiilloynne ta hanqoy ha soho bolla, medosata bolla, gaden diza miththa bollanne kaththa bolla gukkana; histtidi eexxana; to7anaaska dandayenna» gees.

ኤርማሳ ቲንቢቴ 9:10

Tani dhoqqa deretas yeekkananne waassana; bazzon heenththasohotas kayottana. Gaasoykka istti dhayda; heera issi asinne kanththenna. Mehe waasoy siyettenna; salo kafotinne do7ati baqatidi bichchida.

ሂዚቄላ ቲንቢቴ 44:12

Gido attiin istti kase Isra7eele asaa eeqatas goynisida gishshassinne asaa nagaran ongiza dhuphe gidida gishshas, istti bantta nagara qixaate ekkana mala tani kushe denththada caaqqadis. Tani Ubbaa Haariza GODAY hayssa yootays.

ሂዚቄላ ቲንቢቴ 7:19

Istti bantta biraa ogen olana; istta worqqayka tuna mala qoodettana; GODAA wolqqama hanqo gallas istta biraynne worqqay istta ashshenna; istta biraynne worqqay istti nagaran kundana mala isttas dhuphe gidides; biraynne worqqay miin istta kalssenna; istta ulokka kumenna.

ሆሴኤ ቲንቢቴ 14:3

Asoorey nuna ashshenna; nuni ola paratankka ammanettoko; hayssafe guye nuni nu kushen medhdhida eeqa xoossata, ‹Hayti nu xoossata› gookko. Manqoti neeppe qadheteth demmeettes» giite.

ሆሴኤ ቲንቢቴ 14:8

Efreemee! Taassinne eeqa xoossatas ay gaytoteththi dizee? Ne woosa siyizaynne nena naagizay tana; Tani ubba wode cilili uttida miththa mala; ne ayfizay taappe dendidayssanna» gees.

ሆሴኤ ቲንቢቴ 4:3

Hessa gaason biittay bolla koshay yees; izi bolla dizay wuri gilqees; meheti, do7ati, kafotinne Abba giddon diza moleti ubbay wureettes.»

ዛካራሳ ቲንቢቴ 13:2

«Tani he wode biittafe eeqa xoossata sunth dhayssana; hessafe nam7anththo istti qofettettenna; istta nabetanne tuna ayanata biittay bollafe ta diggana.

Maatosa 13:41

Asa Nay ba kiitanchchata kiittana; isttika nagaras gaaso gididaytanne iita ooththizayta iza Kawoteththa giddofe ubbaa qori kessana.

Maatosa 23:39

Ta inttes tumu gays; intte Godaa sunththan yizaadey anjjettidaade gaana wodey gakkanaas nam7anththo tana beyekketa» gides.

ዮሃኒሳ ኣጁታ 2:14

Gidikkoka ta nena kadhiza issi miishshi ne bolla dees; hessika Bala7aame timirte oykkida issi issi asati intte giddon deettes; hessi Bala7aamey Isra7eele asay eeqas yarshettida kath miidinne layma laymatidi dhuphettana mala Baalaaqe zoridaade.