ዮሃኒሳ ኣጁታ 10:3 - Geeshsha Maxaafa

³ Gaammo xaago mala gita qaalara xaaggides; izi xaaggida mala laappun dadati ba giirissaa sissida.

ጋሞ ማጻፋ

³ ጋሞ ጻጎ ማላ ጊታ ቃላራ ጻጊዴስ፤ ኢዚ ጻጊዳ ማላ ላፑን ዳዳቲ ባ ጊሪሳ ሲሲዳ።

Gamo Geesha Maxxafa New Testamen

³ Gaamo xaago mala gita qaalara xaagides. Izi xaagida mala laapun dadati ba giirethi sisida.

ዮሃኒሳ ኣጁታ 10:3 Iomraidhean Croise

ዬ ማጻፋ 29:3

GODAA cenggurssay haaththata bollan siyettees. Bonchcho Xoossay dada mala guummees; GODAY gita haaththata bollan guummees.

ሌሚሶ ማጻፋ 19:12

Kawo hanqoy gaammo xaago mala; gido attiin iza sinththan saba demoy maata cililissiza ira mala.

ኢሳያሳ ቲንቢቴ 31:4

GODAY taas, «Gaammoy woykko wodalla gaammoy mehe oykkidi daro heenththanchchati xeygetti shiiqidi iza bolla yiikko istta waasoy iza yashisonttayssa istta waasoy iza daganththonttayssa mala Ubbaafe Wolqqama GODAY zumaa bollanne zumbullata bolla olas wodhdhana.

ኢሳያሳ ቲንቢቴ 42:13

GODAY ola qara mala kezana; olanchcha mala ho7etti dendana. Ceeqeteththa gayro sissana; ba morkketakka oli xoonana.

ኢሳያሳ ቲንቢቴ 5:29

Istta xaagoykka gaammo xaago mala; wodalla gaammota mala xaaggeettes; banttas miza miish shankkati oykkidi xaaggeettes; istti oykkidayssa tookki ekki beettes; isttafe woththi ekkanay oonikka deenna.

ኤርማሳ ቲንቢቴ 25:30

Hessa gishshas GODAY Ermaasas, «Ha qaala ubbaa istta bolla tinbite yoota; ‹GODAY bollafe waassana; ba diza geeshsha sohoppe dadattiza ba gunththaa sissana; izi ba biitta bolla keehi waassana; woyne maxishe yexxiza mala sa7an diza ubbaa bolla izi guummana.

ሂዚቄላ ቲንቢቴ 10:5

Kirubeta qefeta giirissay Ubbaa Dandayza Xoossay haasayshin siyettiza cenggurssa mala kare zagon siyettees.

ሆሴኤ ቲንቢቴ 11:10

«Tani GODAY istta ashshanaas xaaggiza gaammo mala tani ta qaala sissishin istti tana kaallana; ta nayti kokkorishe arshey mokkiza baggafe yaana.

ኢዩኤሌ ቲንቢቴ 3:16

GODAY Xiyoone zumaa bolla Yerusalaamen dishe babisiza ba qaala giiris sissana; saloynne sa7ay qaaxxana; GODAY gidikko ba dere Isra7eeles shiiqi attizaso gidana.

ኣሞጼ ቲንቢቴ 1:2

Amoxey, «GODAY Xiyooneppe ba qaala dhoqqu histti sissees; Yerusalaameppe giirees; mehey heemettizasoti melana; Qarmeloose zuman diza cililati shullana» gides.

ኣሞጼ ቲንቢቴ 3:8

Gaammoy xaaggiin siyidi dagammonttay oonee? GODAY ba xuura izas yootiin tinbite haasayonttay oonee?

ዮሃኒሳ ኣጁታ 14:2

Saloppe wolqqama piissa haaththa giirissinne wolqqama daada giiris misatiza giirissika siyadis; tani siyida giirissay diith misatiza bagana geetettizayssa diixxiin asay siyiza giirissa mala giirizayssa.

ዮሃኒሳ ኣጁታ 15:1

Tani hara wolqqama malata salo bolla beyadis; Xoossa hanqoy isttan polettanaas wurseth gidida laappun boshata oykkida laappun kiitanchchata beyadis.

ዮሃኒሳ ኣጁታ 15:7

Oyddu do7atappe issoy laappun kiitanchchatas mernaappe mernaas diza Xoossa hanqoy isttan kumi uttida laappun worqqa xuu7ata immides.

ዮሃኒሳ ኣጁታ 4:5

He algaafe wolqqanththinne daada giirissi kezees; he algaa sinththan poo7iza laappun xomppeti deettes; heytikka Xoossa Ayana laappunata.

ዮሃኒሳ ኣጁታ 8:5

Hessafe guye kiitanchchazi exaane izan cuwasizayssa oykkidi yarsho yarshizasozappe tama ekki izan kunththidi duge biitta bolla yeggides; daday dadattides; giirissi giirides; wolqqanththi wolqqamides; biittayka qaaxxides.