ፒሊጲሲዮሴ ኣሳስ 3:1 - Geeshsha Maxaafa

¹ Ta ishatoo! Hayssafe hara ta inttena gizay Godaan ufayettite; ha7ikka zaarada izo ta inttes xaafikko tana saleththenna; inttenakka go7ana.

ጋሞ ማጻፋ

¹ ታ ኢሻቶ! ሃይሳፌ ሃራ ታ ኢንቴና ጊዛይ ጎዳን ኡፋዬቲቴ፤ ሃኢካ ዛራዳ ኢዞ ታ ኢንቴስ ጻፊኮ ታና ሳሌና፤ ኢንቴናካ ጎኣና።

Gamo Geesha Maxxafa New Testamen

¹ Ta ishato hayssafe hara ta intena gizay Godan ufa7etite. Ha7ika zaarada izo ta intes xaafiko tana salethena. Intenaka go7ana.

ፒሊጲሲዮሴ ኣሳስ 3:1 Iomraidhean Croise

1ታሪኬ ማጻፋ 15:28

Histtidi Isra7eele ubbay hombocishe xurumbanne zaye punnishe, daala giirissishe, diiththinne maasinqo diixxishe GODAA Taabotaa ehida.

1ታሪኬ ማጻፋ 16:10

Iza geeshsha sunththaan bonchchite; GODAA koyzayta wozinay ufayetto.

1ታሪኬ ማጻፋ 29:22

Asay he gallas GODAA sinththan keehippe ufayettishe midessinne uyides; histtidi asay kawo Dawite naa Solomooney kawotidayssa nam7anththo qonccera erida; izi deraa ayssana mala Godaa Xoossa sinththan zayten tiyda; Saadooqekka isttas qeese gidana mala GODAA sinththan tiyda.

ናሂሚያ ማጻፋ 8:10

Nahimiyay, «Biidi lo7o kath miite; qasse mal7iza ushshu uyi ufayettite; aykkoy bayndaytas inttes dizayssafe immite; hayssi nu Xoossas anjjettida gallassa; Xoossa ufayssay inttes wolqqa gidida gishshas ceecopite» gides.

ኢዮቤ ማጻፋ 22:26

He wode Ubbaa Dandayza Xoossaan neni ufayettana; izan ammanettada ne daana.

ዬ ማጻፋ 149:2

Isra7eele asati bana medhdhidayssan ufayettetto; Xiyoone asati ba kawozan keehippe ufayettetto.

ዬ ማጻፋ 32:11

Intteno xillotoo! GODAAN ufayettitenne «Hashshu!» giite; intteno wozina suuretoo! Ufayssan ililite!

ዬ ማጻፋ 33:1

Intteno xillotoo! GODAAN ufayettite; suure asati ufayssan ililite.

ዬ ማጻፋ 37:4

GODAAN ufayetta; izi nees ne wozina amo immana.

ዬ ማጻፋ 42:4

Ta wozinaya ceeceththan giddora seerashe haytantta akeekadus; daro wode ta Xoossa keeth kaaleththashe ililisaninne galata yeththan ba7aale bonchchana shiiqida daro asa giddora ta waana bizaakko aamusadis.

ዬ ማጻፋ 5:11

Gido attiin nenan zemppida ubbati ufayetetto; istti mernaas ufayssan yexxetto. Ne sunththa siiqiza ubbati ufayetetto; isttika nenan naagettetto.

ዬ ማጻፋ 97:1

GODAY kawotides; sa7an de7iza asay ufayetto; abba giddon de7iza haruroti ufayetetto.

ኢሳያሳ ቲንቢቴ 41:16

Neni istta suraggana; carkoy istta pitti efana; goteykka istta laallana. Gido attiin neni GODAAN ufayettana; qasse Isra7eele Geeshshan bonchchettana.

ኢሳያሳ ቲንቢቴ 61:10

Tani GODAAN keehippe ufayettays; ta shemppoyakka ta Xoossan hombocawus; mishiray ba hu7en kallachcha goxxiza mala, mishirayakka bana inqqun seeleththiza mala atoteththa may7o tana mayzides; xilloteththa seelokka ta bolla gophides.

ኢሳያሳ ቲንቢቴ 65:14

Ta ashkarati wozinappe ufayssan yexxana; intte gidikko wozinay meqqiin intte waassana; intte ayanay meqqida gishshas intte woo woo giidi waassana.

ኢዩኤሌ ቲንቢቴ 2:23

Intteno Xiyoone deretoo, GODAAN intte Xoossan ufayssi ooththite; izi tumu pirdidi badhdhesa iranne ofinththa ira wogara immides.

ሶፎናሳ ቲንቢቴ 3:14

Hanne Xiyoone nayee ane yexxa! Isra7eele asawu ane ililite! Hanne Yerusalaame nayee! Kumeththa wozinappe ufayetta! Ufayettashe hashshu ga!

ሶፎናሳ ቲንቢቴ 3:17

GODAA ne Xoossay nenara dees; izi ashshiza mino olanchcha. Izi nenan daro ufayettees; izi ba siiqon nena woppisana; ne yeththan izi bonchchettidi ufayettana› gaana.

ዛካራሳ ቲንቢቴ 10:7

Efreeme asay wolqqama asa mala gidana; istta wozinay woyne ushshu uyida asa mala ufayettana; istta nayti istta beyananne ufayettana; isttika GODAAN ufayettana.

Maatosa 5:12

Intte salon demmana waagay keehi gita gidida gishshas ufayssan guppite. Inttefe sinththan diza nabetakka hessaththo gooddida.

ኦሮሜ ኣሳስ 5:11

Hessa xalala gidenna; qasseka nuni ha7i izara giiga demmida nu Godaa Yesus Kirstoosa baggara Xoossankka ufays ooththoos.

2ቆሮንቶሴ ኣሳስ 13:11

Ane ha7i ta ishatoo! Saro diite; intte duussa lo7eththite; ta inttena zoroyssa kaallite; asay issoy issaara sigettite; saron diite; siiqonne saro Goday inttenara gidana.

ኤፌሶኔ ኣሳስ 6:10

Hara baggara mino Godaaninne iza gita wolqqan minnite.

ዛሬ ማጻፋ 12:18

GODAA intte Xoossay dooridason intte macca naytaranne attuma naytara, intte macca aylletaranne attuma aylletara, hessaththoka intte katamatan diza Lewe qommotara issife GODAA intte Xoossaa sinththan miite; intte daaburdi shiishshida miish ubbaan GODAA intte Xoossaa sinththan heen ufayettana.

ዛሬ ማጻፋ 16:11

Hessan intte intte attuma naytaranne intte macca naytara, intte attuma aylletaranne macca aylletara, intte katamaan diza Lewetaranne bete asatara, intte giddon diza yi7otaranne am7etara ubbay GODAA intte Xoossi ba sunththi xeygettana mala dooridason ufayettite.

ፒሊጲሲዮሴ ኣሳስ 3:3

Tumu qaxxarettidayti, Xoos woossizayti, Yesus Kirstoosan ceeqqizayti, ashon ceeqettonttaytinne ashonkka ammanettonttayti nuna.

ፒሊጲሲዮሴ ኣሳስ 4:4

Ay wodekka Godaan ufayettite; qasseka ta inttena ufayettite gays.

ፒሊጲሲዮሴ ኣሳስ 4:8

Wurseththa bolla ta ishatoo! Tumu gidida yo7o ubbaa, bonchcho gidida yo7o ubbaa, adda gidida yo7o ubbaa, geeshshi gidida yo7o ubbaa, dosettida miish ubbaa, lo7o gidida yo7o ubbaa, lo7eteth gidiinkka galatakka haytantta misatizaaz ubbaa qopite.

1ታሶሎንቄ ኣሳስ 4:1

Ha7i wurseththan ta ishatoo! Intte Xoossa ufayssanaas intte waani waani daana bessizaakko nu inttena tamaarsidos; tumappeka nu tamaarsida mala deeta; hessa gishshas Godaa Yesus Kirstoosan nu inttena woossizaynne zorizay hayssafekka aadhdhiza hanora intte sinththe gujjana malassa.

1ታሶሎንቄ ኣሳስ 5:16

Ubba wode ufayettite.

ያቆቤ ኪታ 1:2

Ta ishatoo! Intte bolla dumma dumma waayey gakkiko hessa wursi ufayssan qoodite.

1ጴጽሮሳ ኪታ 3:8

Hessafe asa baggara qasse intte issoy issaara siiqon diite; hara asa bolla gakkiza meto intte meto mala xeellite; intte intte garsan ishantta mala siiqettite; ashketanne kiyata gidite.

1ጴጽሮሳ ኪታ 4:13

Hessafe bollara Kirstoosa bonchchoy qoncciza wode intte keehi ufayettana mala intte izara iza waayeza ekkizayta gidida mala ufayettite.

2ጴጽሮሳ ኪታ 3:1

Ta siiqotoo! Tani inttes xaafishin hayssi nam7anththo kiita; tani inttes nam7u kiitatakka xaafiday hayta ha yo7ota akeeki ekkidi intte suure qofa qoppana mala inttena beegoththanaassa.

1ሳሜላ ማጻፋ 2:1

Haannay, «Ta wozinay GODAAN ufayettides; ta kacey Xoossan dhoqqu dhoqqu gides; neni tana ashshida ashon tani ufayettida gishshas ta doonay ta morkketa bolla doyettides.