ፒሊጲሲዮሴ ኣሳስ 1:14 - Geeshsha Maxaafa

¹⁴ Ta qashettidayssa gaason ammanizayti Xoossa qaalaa babbontta xalateththan asas markkattanaas minoteth demmida.

ጋሞ ማጻፋ

¹⁴ ታ ቃሼቲዳይሳ ጋሶን ኣማኒዛይቲ ጾሳ ቃላ ባቦንታ ጻላቴን ኣሳስ ማርካታናስ ሚኖቴ ዴሚዳ።

Gamo Geesha Maxxafa New Testamen

¹⁴ Ta qachetidayssa geedon ammanizayti Xoossa qaala babbontta xalatethan asas marikatanas minoteth demmida.

ፒሊጲሲዮሴ ኣሳስ 1:14 Iomraidhean Croise

ማርቆሳ ሚሺራቾ 3:3

Izikka kushey silida addeza, «Heen shiiqi uttida asaa sinththan denda eqqa» gides.

2ቆሮንቶሴ ኣሳስ 3:12

Hessa gishshas hessa mala hidotay nuus diza gishshas nuni xalateththan haasayoos.

2ቆሮንቶሴ ኣሳስ 7:4

Taas intte bolla diza ammanoynne ceeqeteththi daro gita; ta inttenan minettays; nuna gakkiza meto ubbaan tani keeha ufayettays.

ኤፌሶኔ ኣሳስ 3:13

Hessa gishshas intte bonchchettana mala tani intte gishshas ta bolla gakkida waayezan intte ufays qanxxontta mala ta inttena hadara gays.

ፒሊጲሲዮሴ ኣሳስ 1:20

Ta ay ogerakka yeellatontta mala mino ufayssinne laamotay taas dees; gido attiin kasekka hachchika, ta hayqqiinka paxa diinka Kirstoosi ta ashon bonchchettanayssa tani xalateththan haasayays.

ፒሊጲሲዮሴ ኣሳስ 1:7

Ta ha7i qasho keeththan dishininne ta qashettanaappeka kase Mishiraachcho qaalaa tuma naaganaassinne minththeththanaas Xoossi taas ba kiyateththan immida maadon intte wurikka tanara issife ooththidayta gidida gishshas intte ubba gallas ta wozinappe dhayekketa; hessa gishshas tani intte gishshas qoppanaas bessees.

ፒሊጲሲዮሴ ኣሳስ 4:1

Ta inttena dosizaytoo! Ta inttena laamotizaytoo! Taas ufayssinne ooso zawude gidida ta ishatoo! Godaan minni eqqite.

ቆላሲያሴ ኣሳስ 4:4

Qasseka haasayanaas bessiza qaala qonccen ta haasayana mala taas woossite.

ቆላሲያሴ ኣሳስ 4:7

Tiqiqoosi ta duussaa gishshas wursi inttes yootana; izi daro dosettida ishanne Godaas tanara issife ooththiza ammanettida oosanchcha.

1ታሶሎንቄ ኣሳስ 2:2

Intteka erizayssa mala hayssafe kase Piliphisiyoosen nu waayenne meto be7idossinne cayettidos; gido attiin aynne mino waayey nuna gakkikokka Xoossa Mishiraachcho qaalaa inttes yootanaas nu Godaappe xalateth demmidos.

2ጺምቶሳስ 2:9

Hessa gaason iita ooththida asa mala qashettana gakkanaas waaye beyays; gido attiin Xoossa qaalay qashettenna.