ታይቦ ማጻፋ 24:8 - Geeshsha Maxaafa

⁸ Istta Gibxeppe kessida Xoossi isttas menththa mala olettana; istta morkke gidida kawoteththata izi puuzereththi yeggana; izi istta meqeththata liiqisana; istta wondafetakka menththereththi yeggana.

ጋሞ ማጻፋ

⁸ ኢስታ ጊብጼፔ ኬሲዳ ጾሲ ኢስታስ ሜን ማላ ኦሌታና፤ ኢስታ ሞርኬ ጊዲዳ ካዎቴታ ኢዚ ፑዜሬ ዬጋና፤ ኢዚ ኢስታ ሜቄታ ሊቂሳና፤ ኢስታ ዎንዳፌታካ ሜንሬ ዬጋና።

ታይቦ ማጻፋ 24:8 Iomraidhean Croise

ዬ ማጻፋ 2:9

Neni birata guufen istta qoxereththana; istta neni mana miishshi meqqiza mala menththereththana› gees» gides.

ዬ ማጻፋ 21:12

Nekka istta ne wondafeza yiishshan gooddaasa; istti guye simmidi baqatana mala ooththaasa.

ዬ ማጻፋ 45:5

Ne yiishshati qarata; istti kawo morkketa wozina ayfen caddana; kawoteththati xoonettidi ne toho garsan kundana.

ዬ ማጻፋ 45:6

Abeet Xoossawu! Ne kawoteththa algay mernaas daana; ne kawoteththa guufeykka suureteththa guufe.

ኬሳ ማጻፋ 23:22

Izi yootizayssa intte lo7eththi siyikko, tani yootizayssa ubbaa ooththiko intte morkketa ubbaa tani morkkana; inttenara eqettizaytara tanikka eqettana.

ኢሳያሳ ቲንቢቴ 38:13

Sa7ay wonttana gakkanaas tani nena dandayan naagadis; Gido attiin gaammo mala ta meqeththaa ubbaa menththereththides. Qasse maaladoppe omarsi gakkanaas neni tana dhayssanaas eesotadasa.

ኤርማሳ ቲንቢቴ 50:17

«Isra7eeley gaammoy gooddidi laallida wude mala gidides; koyro Asoore kawoy puuzerethi mides; guyeppe Baabiloone kawo Nabukadanaxoorey meqeththaa dhoggides» gees GODAY.

ኤርማሳ ቲንቢቴ 50:9

Tani pudeha baggafe wolqqama kawoteththata Baabiloone bolla denththeththana; isttika izi bolla salfana; histtidi izo heeppe oykkana; istta wondafey yeddontta loohida olanchchata mala.

ዳኔላ ቲንቢቴ 6:24

Hessafe guye kase Daaneela wordora mootida asati ba machchetara, ba naytara oyketti yiidi gaammota ollan yegettana mala kawozi azaziin gaammota ollan istta yeggida; istti ollaan duge gakkontta dishin gaammoti puuzi yeggidi istta meqeththata nififi histti menththereththida.

ታይቦ ማጻፋ 14:9

Intte gidikko GODAA bolla makkallofte! Heen diza derezaska babofte! Nuni istta qiison xoonana; GODAY nunara dees; istta bollafe eeshoy dendichchida gishshas intte isttas mulekka babbofte!» gida.

ታይቦ ማጻፋ 21:5

GODAA bollanne Muse bolla iita qaala kessidi, «Haaththinne kaththi bayndaso hayssa bazzo biittan nu hayqqana mala nuna Gibxeppe ays kessidetii? Hayssi ha iita kaththay nuna saleththides» gida.

ታይቦ ማጻፋ 23:22

Xoossi istta Gibxeppe kessides; izi isttas menththa mala qaycana.

ታይቦ ማጻፋ 23:24

Isra7eele asay macca gaammo mala dendana; ba shankkati ehidayssa montta, suuththaaka uyontta dishe shempontta gaammo mala dendana» gi yootides.

Maatosa 2:15

Herdoosi hayqqana gakkanaas heen de7ides. Hessankka, «Ta naaza ta Gibxe biittafe xeygadis» giidi Goday kase nabe doonan haasaydayssi polettides.

ዛሬ ማጻፋ 32:23

Tani istta bolla zaareththa zaareththa bosha ehana; Taas diza wondafe ta istta bolla wursana.

ዛሬ ማጻፋ 32:42

Morkketa halaqata, madunxidaytanne di7ettidayta suuththan ta wondafeta ta maththosana; ta giththa mashshatikka ta morkketa asho maana› ga caaqqana.

ዛሬ ማጻፋ 7:1

GODAA intte Xoossay intte laattanaas biza biittayo inttena gelththiza wode qasseka inttefe wolqqamizanne minniza laappun kawoteththata heytikka Hiiteta, Gergeseta, Amooreta, Kanaaneta, Paarizeta, Hiiwetanne Yaabuseta intte sinththafe dhoqalli dhayssana.

ኢያሶ ማጻፋ 2:10

Gibxe biittafe intte kezida wode intte sinththan Zo7o abbaa GODAY wostti melissidaakko nuni siyidos; qasse Yordaanoose shaafappe arshe kessaso baggara diza Amoore biitta kawota nam7ata, Sihoonenne Aage intte wostti ubbaa dhayssidaakko nu siyidos.