ኤርማሳ ዚላስ 1:1 - Geeshsha Maxaafa

¹ Kase izin daro kawoteththay diza katamaya waanada oletta attadee! Dereta giddon kase gita gididaara waanada am7i mala gidadee! Awuraajjata garsan godatto gididaara ha7i waanada aylle gidadee!

ጋሞ ማጻፋ

¹ ካሴ ኢዚን ዳሮ ካዎቴይ ዲዛ ካታማያ ዋናዳ ኦሌታ ኣታዴ! ዴሬታ ጊዶን ካሴ ጊታ ጊዲዳራ ዋናዳ ኣምኢ ማላ ጊዳዴ! ኣዉራጃታ ጋርሳን ጎዳቶ ጊዲዳራ ሃኢ ዋናዳ ኣይሌ ጊዳዴ!

ኤርማሳ ዚላስ 1:1 Iomraidhean Croise

1ካዎታ ማጻፋ 4:21

Solomooney Efiraaxise Shaafaappe doommidi Filisxeeme biittaa gakkanaas, hessafekka bollara Gibxe zawa gakkanaas diza kawoteththata ubbaa haarides; he biitta asati izas giira giirida; istti izi diza layth ubbaan izas haarettida.

2ካዎታ ማጻፋ 23:33

Izi Yerusalaamen uttidi kawotontta mala Faroon-Nikay Hamaate deren Erebila geetettizason iza sansalatan qachchides. Yuhuda bolla 3,400 kilo biranne 34 kilo worqqa giira yeggides.

2ካዎታ ማጻፋ 23:35

Iyo7aaqemeykka Paaroon-Nikay iza oychchida biranne worqqa izas qanxxides; izi hessa ooththanaas biitta bolla giira yeggides; he dere asay ba wolqqa wolqqa mala biranne worqqa giirana mala ooththides.

2ታሪኬ ማጻፋ 9:26

Solomooney Efiraaxise Shaafappe doommidi Filisxeeme biittanne Gibxe zawa gakkanaas de7iza kawota ubbaa haarides.

ኢዝራ ማጻፋ 4:20

Hessika wuri hankkoka Yerusalaamey Efiraaxise shaafappe he pinththan diza dereta qaraxanne giira cigissiza wolqqama kawoti kawotida dere.

ናሂሚያ ማጻፋ 5:4

Baggayti qasseka, «Nu gade gishshassinne nu atakilte gishshas kawoy nuna giira oychchiin iza qanxxanaas asappe miish tal7i ekkidos;

ናሂሚያ ማጻፋ 9:37

Nuni nagara ooththida gaason neni nu bolla kawoththida kawoti nu biitta anjjo ubbaa istti go7etteettes; qasse nu bollanne nu meheta bolla ba koyida mala ooththeettes; hessafe dendidayssan nuni ha7i gita waaye bolla doos.

ዬ ማጻፋ 122:4

Isra7eeles imettida woga mala Isra7eele qommoti GODAA sunth galatanaas hee baana.

ኢሳያሳ ቲንቢቴ 14:12

Nenoo wontta naazoo, torojje xoolinttezoo, ne waanada saloppe duge kundadii? Kawoteththata kawushshida neni waanada duge yegettadii!

ኢሳያሳ ቲንቢቴ 22:2

Hanne wocamay kumida katamayee! Shiroynne dirbbay kumida katamayee! Neeppe hayqqidayti mashshan hayqqibeettenna; woykko olan hayqqibeettenna.

ኢሳያሳ ቲንቢቴ 3:26

Xiyoone pengeti kallo gaden wodhdha uttada yeekkiza maccassa mala yeekkananne zilalana.

ኢሳያሳ ቲንቢቴ 49:21

Neni ne wozinan, ‹Hayta taas yeliday oonee? Tani ceecizaadenne maynne; tani goodettidaadenne ixettidaade gida dishin haytantta dichchiday oonee? Tani tarkka attadis shin histtiin haytanti awappe yidoo?› gaasa» gees.

ኢሳያሳ ቲንቢቴ 50:5

Ubbaa Haariza GODAY ta hayth doydes; tani makkallanchcha diikke; guyekka baqatabeekke.

ኢሳያሳ ቲንቢቴ 52:2

Hanne Yerusalaame, denda; gudullaa pitta; ne araatan utta. Di7ettida Xiyoone nayee, ne qoodhen qashettida sansalata kessa yegga.

ኢሳያሳ ቲንቢቴ 52:7

Zuma bolla eqqida tohoti, mishiraachcho ekki yiza tohoti, saroteth yootizayti, lo7o mishiraachcho yootizayti, atoteth awajjizayti, Xiyoonokka, «Ne Xoossay kawotides» giza tohoti ay mala lo7o!

ኢሳያሳ ቲንቢቴ 54:4

«Aykkoy baa babbofa; ne yeellatakka; hirgofa; ne kawuyaka; ne yelagateththa yeellaa neni dogana; ne am7eteththaa borokka hayssafe sinththan hassa7akka.

ኤርማሳ ቲንቢቴ 31:7

GODAY, «Yaaqoobe deraas ufayssan yexxite; kawoteththata halaqas ilili giite; intte galatakka sissite; ‹GODAWU Isra7eeleppe casha attida ne deraa ashsha› giite.

ኤርማሳ ቲንቢቴ 40:9

Saafaane naa Akiqaame naa Godoliyaasay isttassinne istta olanchchatas, «Baabiloonetas haarettanaas yayyofte; hanno biittayn uttidi Baabiloone kawos haggazite; histtiko ubbaa miishshi inttes lo7o gidana.

ኤርማሳ ቲንቢቴ 42:2

nabe Ermaasas, «Nuni kase daro, ha7i ne be7iza mala guuth attidos; hessa gishshas nu nena woossiza woosa siya; hayssa attida deraa gishshas GODAA ne Xoossaa woossa.

ኤርማሳ ቲንቢቴ 44:2

Ubbaafe Wolqqama GODAA Isra7eele Xoossay, «Yerusalaame bollaninne Yuhuda katamata ubbaa bollan tani ehida bash ubbaa intte intte ayfera be7ideta; istti hach gakkanaas oonikka dontta bazzo biitta gidi attida.

ኤርማሳ ቲንቢቴ 44:6

Hessa gishshas Yuhuda katamata bollanne Yerusalaame ogeta bolla ta hanqoynne bashshi wodhdhidi tama mala eexxides; hach intte be7iza mala oonikka dontta mala laalettidaso gidides.

ኤርማሳ ቲንቢቴ 50:23

Alame ubbaa liiqisiza madooshay waani meqqidee? Waani liiqidee? Kawoteththata giddon waana Baabilooney bula gidadee?

ኤርማሳ ቲንቢቴ 9:11

GODAY, «Yerusalaame katama tani budhetti kayzidasonne worakanati kaa7izaso ooththana. Yuhuda katamatakka asi bayndaso bula kessana» gees.

ኤርማሳ ዚላስ 1:19

Tani ta dosizayta xeygadis; istti gidikko tana kaddida; ta qeesetinne cimati ba shemppo ashshanaas kath koyishe katamay giddon wurida.

ኤርማሳ ዚላስ 2:1

GODAY Xiyoone macca nayo ba hanqon wostti kawushshidee! Isra7eele bonchcho saloppe duge sa7an yeggides; izi ba hanqo gallas ba toho shempisizaso gididaaro zaari qoppanaas koyibeenna.

ኤርማሳ ዚላስ 2:10

Xiyoone dere cimati biitta bolla co7u gi uttida; istti ba hu7en gudulla laallida; maaqaka may7ida; Yerusalaame geela7oti duge biitta xeellida.

ኤርማሳ ዚላስ 4:1

Worqqay waani tasides; Walakay baynda muuruta worqqay waani laamettidee! Xoossa keeththi keexettida bonchcho shuchchati oge doonan laalettida.

ኤርማሳ ዚላስ 5:16

Kallachchay nu hu7eppe kundides; nu nagara ooththida gishshas aayye ana!

ሂዚቄላ ቲንቢቴ 26:16

Abba gaxan diza halaqati ubbay bantta kawoteththa araataappe wodhdhana. Bantta seelo may7o yeggana; bantta xibabe may7oza qaari yeggana. Babon kumidi biitta bolla utti kokkorishe ne bolla gakkida hanoza gaason istti shirotana› gees.

ሂዚቄላ ቲንቢቴ 26:2

«Haysso asa nawu! Xiroosi Yerusalaame gishshas, ‹Dereta pengey hashshu meqqadus; izi pengeti taas waqqi gi doyettida; ha7i iza laalettida gishshas ta izo durettana› gides,

ሂዚቄላ ቲንቢቴ 5:5

Ubbaa Haariza GODAY, «Dereta ubbaa izi yuushon woththada kawoteththata giddon woththida Yerusalaame katamaya hanno.

ሌዌታ ማጻፋ 26:31

Ta intte katamata laallana; intte goynnizasota ta kays histtana; sawiza intte yarshoza ta ekkike.

ሌዌታ ማጻፋ 26:33

Ta intte bolla ola ehada inttena Ayzaabeta giddon laallana; tani ta mashsha kessada inttena gooddana; intte kawoteththay asi baynda biitta gidana; intte katamatikka laalettana.

ሶፎናሳ ቲንቢቴ 2:15

Kase ufayssan diza katamaya hanno; izakka ba wozinan, «Ta xalla days; taappe haray oonikka deenna» gidaara histtiin ha7i waanada wora do7ati guurizaso bazzo biitta gida attadee? Izi achchara aadhdhi biza ubbay izo qidhishe ba kushe wuxxees.

ዮሃኒሳ ኣጁታ 18:7

Iza baas, ba bonchchossinne baas giigana mala immoyssa gina waayenne muuzoteth izis immite; iza ba wozinara, ‹Tani kawo machchi mala uttadis attiin am7i mala gidikke; tana muuzoteththi mulekka gakkenna› gaada ceeqettawus.