ኢያሶ ማጻፋ 8:2 - Geeshsha Maxaafa

² Neni Iyarkko katamaanne iza kawoza dhayssida mala Aye katamaanne iza kawozakka dhayssana. Gido attiin bonqqida haarozanne di7ida meheza inttes ekkite. Katamaappe guye baggara zamadi naagiza olanchchata woththa» gides.

ጋሞ ማጻፋ

² ኔኒ ኢያርኮ ካታማኔ ኢዛ ካዎዛ ይሲዳ ማላ ኣዬ ካታማኔ ኢዛ ካዎዛካ ይሳና። ጊዶ ኣቲን ቦንቂዳ ሃሮዛኔ ዲኢዳ ሜሄዛ ኢንቴስ ኤኪቴ። ካታማፔ ጉዬ ባጋራ ዛማዲ ናጊዛ ኦላንቻታ ዎ» ጊዴስ።

ኢያሶ ማጻፋ 8:2 Iomraidhean Croise

2ታሪኬ ማጻፋ 13:13

He wode Iyorba7aamey ba olanchchatappe guuththati isttafe guyera zamadi naagana mala yeddides. Hankko attida Isra7eele olanchchati Yuhuda olanchchatara tiran gayttana mala ooththides.

2ታሪኬ ማጻፋ 20:22

Istti mazamure yeththinne saba doommida mala Yuhuda olanaas yida Amooneta bolla, Mo7aabeta bollanne Eedoometa bolla GODAY qoppontta ola denththides.

ዬ ማጻፋ 39:6

Tumappe asa duussi eesho mala; coo mela hada haaro shiishon daaburees; gido attiin ooni ekkanaakko erenna.

ሌሚሶ ማጻፋ 13:22

Lo7o asi baas naa nayta gakkanaas laatisees; nagaranchcha aqotay gidikko xillotas dagattees.

ሌሚሶ ማጻፋ 28:20

Ammanettida asi keehi anjjettana; gido attiin durettanaas jaamizay qaxxayettontta attenna.

ኤርማሳ ቲንቢቴ 17:11

Bessontta ogera aqota dagasiza asi ba phuqisontta ciye haphphiza kuracho mala. Iza layththay buro baggattishin izi aqota aggi baana; wurseththan iza eeyateththi qoncce kezana.

ኤርማሳ ቲንቢቴ 51:12

Baabiloone gimbeta bolla malata essite; minththi naagite; zabe naagizayta essite; zamadi uttidi olizayta giigsite. GODAY Baabiloone asaa bolla qoppida qofaanne ba halchcho polana.

ዛሬ ማጻፋ 2:35

Istta mehetanne nu worajjida katamatappe di7ida miishshata nuus ekkidos.

ዛሬ ማጻፋ 20:14

Gido attiin maccassatanne guuththa nayta, mehenne he katamayn diza aqota ubbaa inttes di7i ekkite; qasse GODAA intte Xoossay inttes immiza intte morkketa aqota inttes go7ettite.

ዛሬ ማጻፋ 3:2

Gido attiin GODAY taas, «Kawo Aages babbofa! Tani iza, iza deraanne iza biitta ne kushen aaththa immadis; Haseboonen uttidi haariza Amooreta kawo Sihoone bolla ooththoyssa mala neni iza bollaka ooththana» gides.

ኢያሶ ማጻፋ 10:1

Iyaasoy kase Iyarkko katamaa oli dhayssidinne istta kawoza wodhida mala, Aye katama olidi ubbaa dhayssidayssanne istta kawozakka wodhidayssa Yerusalaame kawo Adooni-Xeedeqey siyides. Qasse Geba7oone asay Isra7eele asaara saron de7anaas caaqettidayssanne ha7i isttara issife dizayssa siyides.

ኢያሶ ማጻፋ 10:28

He gallas Iyaasoy Maqeeda katama oykkides; katamayonne izi kawoza giththa mashshan siifides; izi giddon diza asaappe issinokka ashshontta dishe dippi histtides; Iyarkko kawo bolla ooththidayssaththoka Maqeeda kawo bollaka ooththides.

ኢያሶ ማጻፋ 11:14

Isra7eele asay he katamatappe bonqqida miish ubbaanne mehe ubbaa banttas ekkida; gido attiin asaa giththa mashshan dhayssida; shemppora paxa dizaa issinokka ashshibeettenna.

ኢያሶ ማጻፋ 6:21

Katamaan shemppora paxa dizayta ubbaa oykkidi macca, attuma, nayta, cimata, miiz, dorsanne hare ubbaa qara mashshan wodhides.

ኢያሶ ማጻፋ 8:12

Iyaasoy 5,000 gidana olanchchata ekkidi katamayppe arshey wulliza baggara Beeteleppenne Ayeppe giddon zamadi uttana mala ooththides.

ኢያሶ ማጻፋ 8:14

Aye dere kawoy hessa be7idi izinne iza olanchchati ubbay Isra7eele asaa olanaas Arabeppe sinththa baggara dizasoho yida. Gido attiin kawozi katamayppe guye baggara zamadi naagizayti dizayssa eribeenna.

ኢያሶ ማጻፋ 8:19

Iyaasoy tooraa hee zaari mallida mala kase zamadi uttida olanchchati bantti qotettidasoppe eeson kezida. Woxxi gelidi oykkida; heerakka izo taman xuuggida.

ኢያሶ ማጻፋ 8:24

Isra7eele asay Aye attuma asaa ubbaa yedeththida dembaninne bazzon issaa issaa qara mashshan wodhi wursidaappe guye simmidi katamayo biidi heen beettida as ubbaa wodhida.

ኢያሶ ማጻፋ 8:3

Histtiin Iyaasoynne olanchchati ubbay Aye olanaas dendida. Iyaasoy ba olanchchata giddofe 30,000 gidiza mino olanchchata dooridi qammara yeddides.

ኢያሶ ማጻፋ 8:7

He wode intte qotettidasoppe kezidi katamayo oykkandeta; GODAA intte Xoossay katamayo inttes aaththi immana.

ኢያሶ ማጻፋ 8:8

Katamayo oykkidaappe guye GODAY azazida mala taman xuuggite; be7ite tani inttena azazadis» gides.

ኢያሶ ማጻፋ 8:9

Histtidi Iyaasoy olanchchata yeddides; istti biidi Aye katamappe arshey wullizaso baggara diza Beetelessinne Ayes giddon zamadi naagida; gido attiin Iyaasoy he gallassa omars asaara issife aqides.

ኢያሶ ማጻፋ 9:3

Geba7oone asay gidikko Iyaasoy Iyarkko katamaninne Aye kataman ooththidayssa siyida wode,