ኢያሶ ማጻፋ 7:21 - Geeshsha Maxaafa

²¹ Di7etti yida miishshaa giddofe tani issi lo7iza Sana7oore kaabba, nam7u xeetu saqile biranne bagga kilo gidiza worqqa be7ada amottida gishshas ekkadis. Histtada ta dunkaane giddon bookkada biraa garsara hiixxa moogadis» gides.

ጋሞ ማጻፋ

²¹ ዲኤቲ ዪዳ ሚሻ ጊዶፌ ታኒ ኢሲ ሎኢዛ ሳናኦሬ ካባ፥ ናምኡ ጼቱ ሳቂሌ ቢራኔ ባጋ ኪሎ ጊዲዛ ዎርቃ ቤኣዳ ኣሞቲዳ ጊሻስ ኤካዲስ። ሂስታዳ ታ ዱንካኔ ጊዶን ቦካዳ ቢራ ጋርሳራ ሂጻ ሞጋዲስ» ጊዴስ።

ኢያሶ ማጻፋ 7:21 Iomraidhean Croise

ሜቴ ማጻፋ 10:10

Iza kawoteththan koyro katamati Sana7oore biittan diza Baabiloone, Ereeke, Akkaadenne Kalanahe.

ሜቴ ማጻፋ 3:6

Maccassaya he miththaa ayfey maanaas mal7izayssa, xeellanaas lo7izayssa, qasse asi aadho erateth demmanaas amosizaaz gididayssa beyada he miththaa ayfeppe ekkada madus; qasse banara diza ba azinaaska hessafe immiin izikka mides.

ሜቴ ማጻፋ 34:27

Yaaqoobe attuma naytikka ahata bollara yedhetti aadhdhidi ba michcheyo Diino tunisida katamaa bonqqida.

ሜቴ ማጻፋ 6:2

«Xoossa nayta» geetettiza medheteththati asa macca nayti medho lo7o gididayssa be7idi isttafe ba dooridayta machcho ekkida.

2ሳሜላ ማጻፋ 11:2

Issi gallas bilahe wode Dawiti dhiskofe beeggidi kawo keeththa pooqe bolla kezidi simerettishe issi maccassaya ba bolla meecettishin be7ides; maccassaya keeha mala lo7o.

2ካዎታ ማጻፋ 7:8

He inchchirachcha harganchchati he asay diza heera gakkidi dunkaanetappe issaan gelidi midanne uyida; hessafe guye bira, worqqanne may7o biidi qottida; simmidikka hara hara dunkaanetan gelidi hara daro miishshatakka ekki biidi qottida.

ኢዮቤ ማጻፋ 31:1

«Lo7o maccassako xeellada amottontta mala; tani ta ayfetara caaqo geladis.

ዬ ማጻፋ 119:37

Paththontta miish xeellontta mala ta ayfeta naaga; ne qaala mala ta de7o ooraxissa.

ኬሳ ማጻፋ 20:17

«Asa keeth amottofa; asa machcho woykko iza aylle woykko iza aylleyo woykko iza boora woykko iza hare woykko izas diza ay miishshika amottofa» gides.

ሌሚሶ ማጻፋ 1:19

Bessontta ogera go7a demmanaas woxxiza ubbata wurseththay hayssa mala; istti shiishshida aqotay istta shemppo ekki baana.

ሌሚሶ ማጻፋ 23:31

Woyne ushshi zo7ida wode, iza medhay birille giddon phoolliza wode, duuqqishin cororu gi geliza wode iza tishshi histta xeellofa.

ሌሚሶ ማጻፋ 28:22

Uuzettiza asi durettanaas jaamees; bana hiyeesateththi oykkanayssaka erenna.

ሌሚሶ ማጻፋ 4:23

Ubbaafekka bollara neni ne wozina minththada naaga; ays giikko de7oy izappe pulttees.

ኢሳያሳ ቲንቢቴ 28:15

Intte, «Nuni hayqora caaqettidos; duuforakka sigettidos; wordo nuus zempposonne qotettizaso ooththidos; wolqqama boshay pitti ekki bishe nuna bochchanaas dandayenna» gi otorettideta.

ኢሳያሳ ቲንቢቴ 29:15

Bantta halchcho GODAAPPE genththanaas duge ciimma ollan wodhdhizaytas bantta ooso dhuman ooththizaytas «Nuna ooni be7anee? Nuna ooni eranee?» gizaytas aayye ana!

ኢምባቆ ቲንቢቴ 2:9

«Wordora baleththi ekkida miishshan baas daana keeth keexxizaadessinne ba morkke kusheppe attanaas ba keeth dhoqqasohon keexxizaades aayye ana!

ሉቃሳ ሚሺራቾ 12:15

Qasseka isttas, «Asas daro miishshi diikkoka shemppoy he dureteththan dontta gishshas naagettite; yiiqeteththafe inttena keehi naagite» gides.

ሉቃሳ ሚሺራቾ 12:2

Qonccontta kamettidi attanaynne erettontta qotan attana miishshi deenna.

ኤፌሶኔ ኣሳስ 5:3

Laymay woykko tunateththi woykko uuzeteththi mulekka intte giddon beetoy attiin zigirsika siyettofo; hessa malay geeshsha Xoossa asas bessenna.

ኤፌሶኔ ኣሳስ 5:5

Qasseka intte laymatizaytas woykko tunatas woykko uuzettizaytassinne eeqas goynnizaytas Kirstoosa kawoteththaninne Xoossa Kawoteththan isttas laatasoy bayndayssa intte erite.

ዛሬ ማጻፋ 7:25

Istta eeqa xoossata ubbaa taman xuuggite; he eeqa xoossata bolla diza worqqanne bira amottidi inttes ekkofte; GODAA intte Xoossay eeqa xoossatas goyno ixxiza gishshas intte ekkiko izi inttes woximade gidana.

ቆላሲያሴ ኣሳስ 3:5

Hessa gishshas inttes biitta bolla diza amoteth diggite; heytikka layma, tunateth, asho amo, iita amoteththinne eeqas goyno mala gidida gaphigapho.

Ibirawe 13:5

Miishsha siiqoppe naagettite; inttes dizayssi gidana; hessas gaasoykka Xoossi, «Ta inttena mulekka aggikenne yeggike» gides.

ያቆቤ ኪታ 1:15

Amoy qanththatidi nagara yelees; nagaraykka diccidaappe guye hayqo yelees.

ኢያሶ ማጻፋ 7:20

Akaaneykka Iyaasos, «Ee tuma! Tani GODAA Isra7eele Xoossaa qohadis; tani ooththiday hayssa;

ኢያሶ ማጻፋ 7:22

Histtiin Iyaasoy as kiittides; istti iza dunkaanekko woxxi biidi birazi garsara hiixetti hankko miishshatara moogettidayssa demmida.

2ጴጽሮሳ ኪታ 2:15

Istti suure ogeza aggidi dhayda; iita ooso ooththidi demmiza miish siiqida Bi7oore naa Bala7aame oge biidi balettida.