ኢያሶ ማጻፋ 1:7 - Geeshsha Maxaafa

⁷ Aykkoy baa; neni mino xalla minna; ta aylle Musey nees immida wogaza ubbaa lo7eththa azazetta; ne bidaso ubbaan giiga gidana mala hadirs ushach gooppa.

ጋሞ ማጻፋ

⁷ ኣይኮይ ባ፤ ኔኒ ሚኖ ጻላ ሚና፤ ታ ኣይሌ ሙሴይ ኔስ ኢሚዳ ዎጋዛ ኡባ ሎኤ ኣዛዜታ፤ ኔ ቢዳሶ ኡባን ጊጋ ጊዳና ማላ ሃዲርስ ኡሻች ጎፓ።

ኢያሶ ማጻፋ 1:7 Iomraidhean Croise

1ካዎታ ማጻፋ 2:2

Dawiti, «Tani hayqqana wodey matides; hessa gishshas minna; as gida.

1ካዎታ ማጻፋ 2:3

GODAA ne Xoossaa azazo naaga; iza ogetan hemetta; Muse wogan xaafettida mala iza awajjata, azazota, wogatanne maarata naaga; histtiko neni ooththiza miish ubbaynne neni biza soho ubbay nees injjetana.

2ካዎታ ማጻፋ 22:2

Iyosiyaasi GODAA sinththan lo7o ooththides; kase iza aawa Dawiti bida ogera bides; hadirsika ushachchika gibeenna.

1ታሪኬ ማጻፋ 22:13

GODAY Muse baggara Isra7eeles immida wogaanne maaraa ne naagikko ubbayka nees injje gidana; aykkoy baa, yayyofa, minna, murtta, hidota qanxxofa.

2ታሪኬ ማጻፋ 15:7

Intte gidikko intte ooththida oosos woytoy de7iza gishshas minnite! Laafopite!» gides.

2ታሪኬ ማጻፋ 26:5

Xoossa yashshateththaa bana tamaarsida Zakaraasi shemppora paxa dishin izi Xoossa koyida keena GODAY izas ubba miish injjesides.

ኢዮቤ ማጻፋ 1:8

GODAY Xala7eza, «Ta aylleza Iyoobe lo7eththa beyadii? Iza mala ammanettidanne suure as biitta bolla beettibeenna; izi iita ubbaafe haakkidi taas yayyiza suure asa» gides.

ዬ ማጻፋ 80:19

Abeet Ubbaafe Wolqqama Xoossawu! Nuna zaara; nuni attana mala ne ayfeso nuus poo7isa.

ሌሚሶ ማጻፋ 4:27

Ushach hadirsi gooppa; ne toho iitappe naaga.

ሌሚሶ ማጻፋ 8:20

Tani xilloteththa ogen hemettays; suure pirda kaallays.

ዳኔላ ቲንቢቴ 10:19

Izikka tana, «Keeha dosettidayssoo! Nees saro gidana; babbofa aykkoy baa minna!» gides. Izi taas yootiin tani minnada, «Ta godoo! Neni taas minoteth immida gishshas ane ne yootanayssa taas yoota!» gadis.

ታይቦ ማጻፋ 27:23

GODAY iza azazida mala Musey ba kushe Iyaaso bolla woththidi iza basohozan doorides.

ዛሬ ማጻፋ 11:8

Histtiko intte pinnidi laattana biittayo oykkanaas intte wolqqa demmana mala tani hach inttes immiza azazota ubbaa naagite.

ዛሬ ማጻፋ 12:32

Hessa gishshas ta inttena azazida azazo ubbaa ooththite; istta bolla aykkoka gujjofte; qasseka isttafe issinokka pacisopite.

ዛሬ ማጻፋ 28:14

Tani nees hach immida ha azazotappe kare kezada eeqa xoossatas goynnanaassinne isttas ooththanaas bessenna.

ዛሬ ማጻፋ 29:8

Nuni istta biittaa nuus ekkidos; Oroobeele qommotas Gaade qommotassinne Minaase qommotappe baggaytas shaakki shaakki isttas xinxxo gidana mala immidos.

ዛሬ ማጻፋ 29:9

Hessa gishshas intte ooththiza ooso ubbay inttes anjjettana mala hayta caaqo qaalata ubbaa minni kaallite.

ዛሬ ማጻፋ 31:7

Hessafe guye Musey Iyaaso baakko xeygidi kumeththa Isra7eele asaa sinththan, «Minna; babbofa; GODAY kase istta aawata laatissana giidi caaqqida biittayo laattana mala dereza kaaleththa gelththada laatisanay nena.

ዛሬ ማጻፋ 4:2

Ta inttes immiza wogaa bolla aykkoka gujjofte; aykkoka izappe pacinchchofte; GODAA intte Xoossay inttes ta baggara immida wogaas azazettizayta gidite.

ዛሬ ማጻፋ 5:32

«Isra7eele asawu! GODAA intte Xoossay inttena azazidayssa ubbaa polanaas giigettite; isttafe issinoyokka menththofte.

ኢያሶ ማጻፋ 1:1

GODAA aylle Musey hayqqidaappe guye GODAY Muse maaddiza Nawe naa Iyaasos,

ኢያሶ ማጻፋ 1:8

Hayssi woga Maxaafay ne doonappe shaakettofo; iza giddon dizayssa ne lo7eththa naagettada polana mala gallas gidiin omars zaara zaara qoppa; ne hessaththo ooththiko ne qoppida ubbay nees suurananne hanana.

ኢያሶ ማጻፋ 1:9

Neni bizason ubbaan GODAA ne Xoossay nenara diza gishshas aykkoy baa, minna, yayyofa, dagammofa gaada ta nena azazabeekkinaa!» gides.

ኢያሶ ማጻፋ 11:15

GODAY ba aylle Muse azazida mala Museykka Iyaaso azazides. Histtiin Iyaasoykka azazoza polides; GODAY Muses azazida ubbaafe izi ooththontta aggida ay miishshika deenna.

ኢያሶ ማጻፋ 23:6

«Minnite! Hadirsinne ushach goopite; Muse Woga Maxaafan xaafettida ubbaa naaganaassinne ooththanaas keehippe minettite.