ኤርማሳ ቲንቢቴ 9:16 - Geeshsha Maxaafa

¹⁶ Istta woykko istta aawati erontta kawoteththata giddon tani istta laallana. Tani istta dhayssana gakkanaas mashshan yedeththana» gees.

ጋሞ ማጻፋ

¹⁶ ኢስታ ዎይኮ ኢስታ ኣዋቲ ኤሮንታ ካዎቴታ ጊዶን ታኒ ኢስታ ላላና። ታኒ ኢስታ ይሳና ጋካናስ ማሻን ዬዴና» ጌስ።

ኤርማሳ ቲንቢቴ 9:16 Iomraidhean Croise

ናሂሚያ ማጻፋ 1:8

«Ne Muses, ‹Intteno Isra7eele asawu! Intte tana ammanon kaallontta aggiko tani inttena kawoteththata giddon laallana; gido attiin intte taakko simmidi ta azazo polizaa gidikko ta inttena biitta gaxan intte laalettidaa gidikkoka ta sunththay xeygettana mala ta dooridaso shiishshada zaara ta ehana› gaada yootida qaala qoppa.

ዬ ማጻፋ 106:27

Istta zereththati kawoteththata giddon olettanayssanne istti biitta gaxa gakkanaas laalettanayssa yootides.

ኤራንቻታ ማጻፋ 12:5

pudunth kessi xooniza wode, oge buussi babisiza wode, ochcholooney ciiyiza wode, booley barkka bana goochchiza wode, asappe amoy dhayza wode asi ba mernaa keeth baana; yeekkizaytikka balen yuuyana.

ኤርማሳ ቲንቢቴ 13:24

GODAY, «Bazzo carkoy suulla laalliza mala tanikka inttena laallana.

ኤርማሳ ቲንቢቴ 24:10

Tani isttassinne istta aawatas immida biittafe istti mulera dhayana gakkanaas, mashsha, koshanne iita harge istta bolla yeddana› gees» gides.

ኤርማሳ ቲንቢቴ 25:27

Hessa gishshas GODAY tana, «Ubbaafe Wolqqama GODAA Isra7eele Xoossay inttena, ‹Uyite; maththottite; cooyite nam7anththo intte dendontta mala ta intte giddo yeddiza olaa sinththan kundite› gees.

ኤርማሳ ቲንቢቴ 29:17

tumukka GODAY Ubbaafe Wolqqama Xoossay, ‹Tani istta bolla ola, koshanne iita harge yeddana; qasse tani istta maanaas giigontta moorettida balase teera mala ooththana.

ኤርማሳ ቲንቢቴ 44:27

Tani istta bolla lo7o miish ehanaas gidontta iita miish ehanaas baaxetana; Gibxen diza Yuhuda asay mulera wurana gakkanaas, olaninne koshan hayqqana.

ኤርማሳ ቲንቢቴ 7:29

Hanqoy iza bolla gakkida ha yeletaa GODAY kadhida gishshassinne aggida gishshas intte hu7e meedidi wora yeggite; aykkoyka baynda zumbullata bolla kezidi zilalite› ga» gees.

ኤርማሳ ቲንቢቴ 8:19

Ta asay haaho biittan dishe waassiza waaso siya. Istti, «GODAY Xiyoonen deennee? Izi kawoykka heen deennee?» giidi waasseettes. Histtiin GODAY izas, «Istti baas massida misletan, hada gidida eeqa xoossatan tana ays hanqeththidoo?» gees.

ሂዚቄላ ቲንቢቴ 11:17

«Hessa gishshas neni, ‹Ubbaa Haariza GODAY: kawoteththata giddofenne intte laalettida biittatappe tani inttena shiishsha zaarana; Isra7eele biittaaka tani zaarada inttes immana› gees.

ሂዚቄላ ቲንቢቴ 12:15

«Istta tani dereta giddoninne kawoteththa giddon laalliza wode tani GODAA gididayssa istti erana.

ሂዚቄላ ቲንቢቴ 14:17

«Woykko tani ha biitta bollan mashsha ehada, ‹Ha biittara mashshay kanththo› gaada mehenne as dhayssiko,

ሂዚቄላ ቲንቢቴ 20:23

Qasseka tani istta kawoteththata giddon laallanayssanne dumma dumma dereta giddo dharccanayssa bazzo biittan ta kushe denththada istta sinththan caaqqadis.

ሂዚቄላ ቲንቢቴ 27:2

«Haysso asa nawu! Xiroosi gishshas zilala.

ሂዚቄላ ቲንቢቴ 5:12

Ne asaappe issi kushey katama giddon iita hargeninne koshan hayqqana; nam7anththo kushey katamaa gimbefe karera mashshan wurana; attida heedzdzanththo kusheza tani carkos laallananne mashsha shodda yedeththana.

ሂዚቄላ ቲንቢቴ 5:2

Ne dooddiza wodey wurshin neni shaakkida binanaas issi kusheza Yerusalaame katama misle giddon xuugga; nam7anththo kusheza katamay yuushon giththa mashshan qanxxereththa yegga; attida heedzdzanththo kusheza carko bolla laalla; tani istta mashshan yedereththana.

ሌዌታ ማጻፋ 26:33

Ta intte bolla ola ehada inttena Ayzaabeta giddon laallana; tani ta mashsha kessada inttena gooddana; intte kawoteththay asi baynda biitta gidana; intte katamatikka laalettana.

ኣሞጼ ቲንቢቴ 5:16

Hessa gishshas GODAY Salo Xoossay, «Oge bollanne dubbushay dizason ubbaan waasoynne yeehoy siyettana; goshshanchchati koyssas zilalizayti yeehos xeygettana.

ሚኪያሳ ቲንቢቴ 2:4

He wode derey intte bolla miicci kaa7ana; inttena qidhishe, « ‹Nu mulera dhaydos; ta dabbo gadey haras gishettides; taappe bonqqi ekkidi nu biitta nuna Xoonidaytas gishides› gi zilalana» gides.

ዛካራሳ ቲንቢቴ 7:14

Istti erontta allaga dere giddo gote carkon istta laalladis; isttafe guyera haray oonikka hee bontta malanne haa yontta mala biittaya asi baynda bula biitta gidadus; istti lo7o biittayo bula ooththiday hessa malanna.»

ዛሬ ማጻፋ 28:25

GODAY ne morkketa sinththan neni xoonettana mala ooththana; neni istta bolla issi ogera baanashin isttafe attanaas laappunasora baqatana; biitta bolla diza kawoteththati ubbay ne bolla gakkizayssa be7idi hirgan kokkorana.

ዛሬ ማጻፋ 28:36

GODAY nenanne neni ne bolla kawosana kawoza ha biittafe denththidi kase neninne ne aawati erontta hara kawoteth efana; intte heen miththafenne shuchchafe oosettida eeqa xoossatas goynnana.

ዛሬ ማጻፋ 28:64

GODAY nena kumeththa alamen diza asaa giddon biittas gaxappe gaxa gakkanaas laallana; heen neninne ne aawati kase goynni erontta miththafenne shuchchafe oosettida eeqa xoossatas intte goynnana.

ዛሬ ማጻፋ 32:26

Tani istta ubbaa laallana; Hessafe guye istta hassa7ana asi deenna.

ዛሬ ማጻፋ 4:27

GODAY inttena hara kawoteththata giddon laallana; intte bi laalettidason inttefe amardayti xalla attana.

ያቆቤ ኪታ 1:1

Xoossa oosanchchanne Yesus Kirstoosa oosanchcha gidida Yaaqoobeppe biitta bolla laalettida tammanne nam7u kochchatas saroteththi inttes gido.