ኤርማሳ ቲንቢቴ 8:2 - Geeshsha Maxaafa

² Histtidi istti siiqida, kiitettida, kaallida, zore oychchidanne goynnida arshe sinththan, agina sinththaninne salo xoolintteta ubbaa sinththan micettana. Istta meqeththay shiiqenna woykko moogettenna; gido attiin biitta bolla olettida buura mala gidana.

ጋሞ ማጻፋ

² ሂስቲዲ ኢስቲ ሲቂዳ፥ ኪቴቲዳ፥ ካሊዳ፥ ዞሬ ኦይቺዳኔ ጎይኒዳ ኣርሼ ሲንን፥ ኣጊና ሲንኒኔ ሳሎ ጾሊንቴታ ኡባ ሲንን ሚጬታና። ኢስታ ሜቄይ ሺቄና ዎይኮ ሞጌቴና፤ ጊዶ ኣቲን ቢታ ቦላ ኦሌቲዳ ቡራ ማላ ጊዳና።

ኤርማሳ ቲንቢቴ 8:2 Iomraidhean Croise

2ካዎታ ማጻፋ 17:16

GODAY istta Xoossay istta azazidayssa ubbaa polibeettenna; mara misle nam7atanne asheeri misle ooththida. Salo xoolinttessinne ba7aales goynnida.

2ካዎታ ማጻፋ 21:3

Kase iza aawa Hizqiyaasi zumbullata bolla diza eeqa xoossata keeth laallidayssa zaari keexxides; Isra7eele kawo Akaabey ooththoyssaththo izikka Ba7aales yarsho yarshizaso giigsides. Asheeri misle tuus essides; hessaththoka salo xoolinttetaska goynnides.

2ካዎታ ማጻፋ 21:5

Xoossa Keeththa zago nam7atan salo xoolinttetas goynnanasohota giigsides.

2ካዎታ ማጻፋ 23:5

Yuhuda katamataninne Yerusalaame yuushon diza zumbullata bolla exaane cuwasana mala kase Yuhuda kawoti eeqa xoossatas shuumida qeesetakka gooddides; hessaththoka ba7aales, awa arshes, aginas, uucetti diza xoolinttetassinne salo xoolintte ubbaas exaane cuwasizayta diggides.

ዬ ማጻፋ 53:5

Xoossi ba asaa morkkizayta meqeththaa laallana; istti kase dagammi erontta dagama dagammana. Xoossi istta kadhida gishshas istti yeellatana;

ዬ ማጻፋ 83:10

Istti En-Doore geetettizason dhayda; istta ahay moogettontta biitta bolla wooqqides.

ዬ ማጻፋ 83:11

Oreebe bollanne Za7eebe bolla ooththida mala istta halaqata bolla ooththa; Zebahanne Xalmuna dhayssida mala istta haarizaytakka neni dhayssa.

ኤራንቻታ ማጻፋ 6:3

Issi asi xeetu nayta gakkanaas yeli cimmidi adussa layth de7anawu dandayees; gido attiin izi ba aqotan ufayettontta aggikonne hayqqidi wogara moogettontta aggiko izappe awucayay kiya.

ኤርማሳ ቲንቢቴ 14:16

Qasse istti tinbite yootida dereykka koshaninne ola gaason Yerusalaame dubbushatan kundana; isttas, istta machcheta, istta attuma naytanne macca nayta aha moogizay dhayana; tani istta mooro mala istta bolla qixaate ehana» gides.

ኤርማሳ ቲንቢቴ 16:11

He wode neni isttas, ‹Kase intte aawati tana aggida gishshassa, istti eeqa xoossata kaallidi isttas ooththida gishshassinne goynnida gishshassa; tana aggi baqatidi ta wogaa naagontta ixxida gishshassa;

ኤርማሳ ቲንቢቴ 16:4

«Istti iita hargen hayqqana; isttas yeehoy deenna; moogokka moogettettenna; istta ahay biitta bollan buura mala yegetti attana; istti mashshaninne koshan wurana; istta ahay salo kafotassinne wora do7atas quma gidana» gides.

ኤርማሳ ቲንቢቴ 16:6

Duretinne manqoti ha biittay bolla hayqqana; istti moogettettenna. Istta yeehoykka yeekettenna; isttas ba bolla qaacanay deenna; ba hu7ekka buucanay deenna.

ኤርማሳ ቲንቢቴ 19:13

Bantta keeththa kaara bolla salo medheteththatas exaane cuwasidinne eeqa xoossatas ushshu shiishshidayti Yerusalaame asaa keeththatinne Yuhuda kawota keeththati Toofeete mala tunana› gees.

ኤርማሳ ቲንቢቴ 22:19

Harey moogettiza mala izi moogettana; Iza ahay Yerusalaame pengetappe gooshettidi kare olettana» gees.

ኤርማሳ ቲንቢቴ 25:33

He woden GODAY wodhidayta ahay biitta gaxaappe biitta gaxa gakkanaas porccu gi kundana; isttas yeekettenna; istta ahay shiiqennanne moogettenna; biitta bolla buura mala olettana.

ኤርማሳ ቲንቢቴ 31:40

Ahaynne bidinththi yegettiza shoobba ubbay arshey mokkiza Qediroone shoobbara biidi Para Penge gakkanaas diza tidhdhi gida dembay ubbay GODAAS dummatidaaz gidana; hessafe guye he katamaya shodettukunne laalettuku» gees.

ኤርማሳ ቲንቢቴ 36:30

Hessa gishshas GODAY Yuhuda kawo Iyo7aaqeme gishshas, «Dawite kawoteththa araatan uttanay iza zareppe beettenna; iza ahaykka gallassa awa seelassinne omarsa kenchchos yegetti attana.

ኤርማሳ ቲንቢቴ 9:20

Intteno maccassatoo! GODAA qaala siyite! Intte hayththay iza doonappe keziza qaala ezgo. Intte macca nayta zilas tamaarsite; issiniya hankkooro yeeho tamaarsu.

ኤርማሳ ቲንቢቴ 9:21

Hayqoy nayta ogeppe, naateththa nayta dubbushappe pitti dhayssides; nu maskootetara gelides; nu qol7a giddo kanththides.

ኤርማሳ ቲንቢቴ 9:22

Hessa gishshas GODAY tana, « ‹Asa ahay buura mala demban laalettana; kath shiishshizayti guyen aggida pushulo mala attana; istta oonikka shiishshenna› ga» giidi azazides.

ሂዚቄላ ቲንቢቴ 29:5

Nenanne ne shaafatan diza moleta ubbaa, ta bazzo biittan yegga aggana; aykkoy baynda demban ne kundana; nena shiishshanaynne denththanay deenna; wora do7atassinne salo kafotas, neni quma gidana mala ta aaththa immana.

ሂዚቄላ ቲንቢቴ 39:5

Tani Ubbaa Haariza GODAY yootida gishshas intte milixi gida demban kundana.

ሂዚቄላ ቲንቢቴ 6:5

Tani Isra7eele asa aha istta eeqata sinththan ichchisana; intte meqeththatakka intte yarshizasohota yuushon laallana.

ሂዚቄላ ቲንቢቴ 8:16

Hessafe guye izi tana GODAA keeththas soo bagga zago efides; hessan Xoossa Keeththa pengen daaranchchafenne yarshizasohoppe giddon nam7u tammanne ichchash gidiza attumasati deettes; istti bantta zokko GODAA keeththakko, bantta ayfeso arshey mokkiza bagga zaaridi arshes gufanni goynneettes.

ሶፎናሳ ቲንቢቴ 1:17

Asay qooqeththo hemettana mala asaa bolla tani ceece yeddana; asay GODAA bolla nagara ooththida gishshas istta suuththi di7o mala gukkana; istta ahaykka buura mala olettana.

ሶፎናሳ ቲንቢቴ 1:5

Fooqe bolla kezidi salo medheteththatas goynnizayta, GODAAS goynnishenne iza sunththan caaqqishe simmi wodhidi qasse Milkkoome sunththan caaqqizayta,

ሃዋሬታ ኦሶ 7:42

«Gido attiin Xoossi isttas zokko zaarides; istti salo xoolinttetas goynnana mala aaththi immides; hessika nabeta maxaafan, « ‹Intteno Isra7eele naytoo! Intte bazzo biittan oyddu tammu layth diza wode inttefe yarshonne muxuwaata taas shiishshi ereetii?

ዛሬ ማጻፋ 17:3

qasseka ta azazo yedhdhi aadhdhidi hara xoossatas goynniko woykko arshes, aginassinne xoolinttetas goynniko,

ዛሬ ማጻፋ 4:19

Qasse salo pude xeellidi intte GODAY asa ubbaas immida arshe, agina, xoolinttenne salo medheta ubbaa be7idi intte isttas goynnidi balontta mala naagettite.