ኤርማሳ ቲንቢቴ 8:14 - Geeshsha Maxaafa

¹⁴ Histtiin asati, «Nuni hayssan ays uttinoo? Ane issi bolla shiiqite; gimbetti uttida katamatan baqati biidi heen hayqqoos; GODAA nu Xoossay nuna hayqqana mala pirdides; nuni iza bolla nagara ooththida gishshas nu uyana mala marzera diza haath immides.

ጋሞ ማጻፋ

¹⁴ ሂስቲን ኣሳቲ፥ «ኑኒ ሃይሳን ኣይስ ኡቲኖ? ኣኔ ኢሲ ቦላ ሺቂቴ፤ ጊምቤቲ ኡቲዳ ካታማታን ባቃቲ ቢዲ ሄን ሃይቆስ፤ ጎዳ ኑ ጾሳይ ኑና ሃይቃና ማላ ፒርዲዴስ፤ ኑኒ ኢዛ ቦላ ናጋራ ኦዳ ጊሻስ ኑ ኡያና ማላ ማርዜራ ዲዛ ሃ ኢሚዴስ።

ኤርማሳ ቲንቢቴ 8:14 Iomraidhean Croise

2ሳሜላ ማጻፋ 20:6

Dawiti Abisayes, «Ha7i Abeseloomeppe bollara Bikire naa Sheba7ey daro meto nu bolla gaththana koyza gishshas ne godaa wottadarata ekkada iza yedeththa; ne histtontta aggiko miixay diza katamata demmidi nuuppe kessi ekki attana» gides.

ዬ ማጻፋ 39:2

Tani duude mala co7u gadis; haray attoshin lo7o miish haasayanaappeka co7u gadis; gido attiin ta waayey haa darides.

ዬ ማጻፋ 69:21

Tani gafida wode taas cammiza kath immida. Tani saamettida wode taas caala phanqida ushshu immida.

ኢሳያሳ ቲንቢቴ 47:5

«Hanne Baabilooneta nayee, dhumaso gelada co7u ga utta; hayssafe guye ne kawoteththata godatteyo geetetta xeygettaka.

ኤርማሳ ቲንቢቴ 14:20

Abeet GODAWU! Nuni nu iitateththaa eridos; Nu aawata qohokka akeekidos; tumappeka ne bolla nagara ooththidos.

ኤርማሳ ቲንቢቴ 14:7

Asay, «Abeet GODAWU! ne sinththafe baqata darssidos; ne sunththaa gishshas nuus issi miish ooththa; nuni neeppe daroti guye simmidos; ne bollan nagara ooththidos.

ኤርማሳ ቲንቢቴ 23:15

Hessa gishshas Ubbaafe Wolqqama GODAY hayta nabeta gishshas, «Yerusalaamen diza nabetappe tuna miishshi kezidi biitta ubbaan laalettida gishshas ta istta camo kath mizana; qasse marzettida haath ushshana» gees.

ኤርማሳ ቲንቢቴ 3:25

Nuni yelagateththafe doommidi hach gakkanaas, nunikka nu aawatikka GODAA nu Xoossa bolla nagara ooththidos; GODAAS nu Xoossaas azazettibeekko; hessa gishshas ane nuni yeellateth gullunttidi ichchoos; qasse kawushshateththi nuna afala mala kammo» geettes.

ኤርማሳ ቲንቢቴ 35:11

Gido attiin Baabiloone kawo Nabukadanaxoorey ha biittayo worajjida wode, ‹Haa yiite Baabiloone olanchchatappenne Aaraame olanchchatappe baqati attanaas Yerusalaame boos› gidos; hessa gishshas nu Yerusalaamen uttidos» gida.

ኤርማሳ ቲንቢቴ 9:14

Histtidi istti bantta wozina muumeteththan biidi bantta aawati tamaarsida malakka Ba7aale geetettiza eeqa xoossa kaallida» gides.

ኤርማሳ ቲንቢቴ 9:15

Hessa gishshas Ubbaafe Wolqqama GODAA Isra7eele Xoossay, «Be7ite, tani ha asaa cammiza quma mizananne marzera diza haath ushshana.

ኤርማሳ ዚላስ 3:19

Ta waayenne ta toylateththaa ta qoppishin ta de7oy tana cammides.

ሌዌታ ማጻፋ 10:3

Musey qasse Aaroones, «GODAY, ‹Ta sinththe shiiqidi taas ooththizaytas tani ta geeshshateththaa qonccisana; tanikka ta dereza achchan bonchchettidaade gidana› giidi izi asaa kase qofsidayssi hayssa» gides. Aarooneykka ay zaarokka immontta co7u gides.

ኣሞጼ ቲንቢቴ 6:10

Hayqqidaytappe issaades mata dabbo gididaadeynne moogo woga polizaadey ahaza keeththafe kessi efana; he wode izaadey soon diza issi as xeygidi, «Nenara attida hara asi dizee?» giidi iza oychchana shin izaadey qasse, «Attida asi oonikka deenna» gaana. Oychchizayssika zaaridi, «GODAA nu Xoossa sunth xeyganaas bessontta gishshas co7u ga!» gaana.

ኢምባቆ ቲንቢቴ 2:20

GODAY gidikko ba Geeshsha keeththan dees. Biitta bolla diza derey wurikka iza sinththan co7u go» gides.

ዛካራሳ ቲንቢቴ 2:13

GODAY geesh gidida basozappe dendida gishshas asho may7ida ubbay iza sinththan co7u go.

ዛሬ ማጻፋ 29:18

Ha inttefe ooninne attuma gidiin woykko macca gidiin issi keeththa as gidiin woykko qommo gidiin GODAA nu Xoossaafe sher7i giidi hara kawoteththata xoossatas goynnontta mala naagettite; intte garsan hessa mala camonne marze gidida miish ooththiza asi doontta mala naagettite.

ዛሬ ማጻፋ 32:32

Nu morkketi Sodoomenne Gamoora dere asaa mala tuna; isttika camonne marzera diza ayfe ayfiza woyne miththa mala.