ኤርማሳ ቲንቢቴ 7:19 - Geeshsha Maxaafa

¹⁹ Istti hayssa ubbaa ooththizay tana qohanaasee? Hayssan qohettidi yeellatanay bantta hu7es istta gidettennee?» gides.

ጋሞ ማጻፋ

¹⁹ ኢስቲ ሃይሳ ኡባ ኦዛይ ታና ቆሃናሴ? ሃይሳን ቆሄቲዲ ዬላታናይ ባንታ ሁኤስ ኢስታ ጊዴቴኔ?» ጊዴስ።

ኤርማሳ ቲንቢቴ 7:19 Iomraidhean Croise

ኢዝራ ማጻፋ 9:7

Kase nu aawatappe doommidi hach gakkanaas nu keehi daro mooro ooththidos; nu nagarappe dendidayssan nuni, nu kawotinne nu qeeseti allaga kawota kushen kundidos; hessafe dendidayssan mashshas imettidos; nu haaroykka bonqqettides; nu qashettidi di7etti bidos; hach nu dizayssa mala wurseth gakkanaas kawuyidos.

ኢዮቤ ማጻፋ 35:6

Neni nagara ooththiko Xoossa aazan qohay? Neni iza darsa darsa qohikko iza ay ooththanawu dandayay?

ኢሳያሳ ቲንቢቴ 1:20

Intte taas akkay gi makkalliko mashshay inttena maana; hayssa yootiday tana GODAA» gides.

ኢሳያሳ ቲንቢቴ 1:24

Hessa gishshas GODAY, Ubbaafe Wolqqama GODAA Isra7eele Xoossay, «Tani ta morkketa bolla ta hanqo gussana; tana komizayta bollaka tani halo kessana.

ኢሳያሳ ቲንቢቴ 45:16

Eeqa xoossata medhdhizayti ubbay yeellatana, guuxxana issi bolla kawuyana.

ኤርማሳ ቲንቢቴ 15:9

Laappun nayti hayqqida aaya dagaman daaburana; peenora dhayana izis gallassay qammana; iza yeellatananne kawuyana; attidaytakka morkketa mashshas aaththa immana» gees GODAY.

ኤርማሳ ቲንቢቴ 2:17

Oge nena kaaleththizayssa GODAA ne Xoossa aggada hayssa ne bolla ehiday nena gidikkii?

ኤርማሳ ቲንቢቴ 2:19

Ne iitateththi ne bolla qixaate gaththana; ne tana kaddoyssi ne bolla hanqo ehana. GODAA ne Xoossaa ne aggishin, taas yashshateth ne wudu gontta ixxishin ay mala iitaynne camo miishshi ne bolla gakkanaakko qoppa; ane akeeka» gees.

ኤርማሳ ቲንቢቴ 20:11

Gido attiin GODAY yashissiza toora qara mala tanara dees; hessa gishshas tana yedeththizayti dhuphettana attiin tana xoonettenna; istti iita kawush kawuyana attiin isttas giigenna; istta kawushshateththay mulekka dogettenna.

ኤርማሳ ቲንቢቴ 22:22

Ne heenththanchchata ubbaa carkoy efana; ne laggeti ubbay di7etti baana; ne iitateththaa ubbaa gaason yeellatananne kawuyana.

ኤርማሳ ቲንቢቴ 25:7

GODAY, «Intte tana siyontta aggida gishshas intte kushey ooththida miish ubbaan tana hanqeththideta; histtidi intte bolla iita miish ehideta» gees.

ኤርማሳ ቲንቢቴ 3:25

Nuni yelagateththafe doommidi hach gakkanaas, nunikka nu aawatikka GODAA nu Xoossa bolla nagara ooththidos; GODAAS nu Xoossaas azazettibeekko; hessa gishshas ane nuni yeellateth gullunttidi ichchoos; qasse kawushshateththi nuna afala mala kammo» geettes.

ኤርማሳ ቲንቢቴ 44:3

Hessi haniday istti ooththida iita ooso gishshassa; istta gidiin, inttena woykko intte aawata gidiin, ba erontta hara eeqa xoossatas exaane cuwaseththaninne isttas goynon tana hanqeththida.

ኤርማሳ ቲንቢቴ 8:19

Ta asay haaho biittan dishe waassiza waaso siya. Istti, «GODAY Xiyoonen deennee? Izi kawoykka heen deennee?» giidi waasseettes. Histtiin GODAY izas, «Istti baas massida misletan, hada gidida eeqa xoossatan tana ays hanqeththidoo?» gees.

ኤርማሳ ቲንቢቴ 9:19

Xiyoonen zilassaa cenggurssi siyettees; ‹Nuni dhaydos! Nuni keehi kawuyidos! Nu keeththi laalettichchida gishshas nu biittaa aggidi dendi boos› gi zilaleettes» gees.

ሂዚቄላ ቲንቢቴ 16:26

Ziita kezida ne shooro Gibxe asatara laymatadasa; buuteppe daro ne laymateththan tana hanqeththadasa.

1ቆሮንቶሴ ኣሳስ 10:22

Nuni Godaa hanqeththinoo? Nu izappe minnizonii?

ዛሬ ማጻፋ 32:16

Istti eeqa xoossatas goynnidi Xoossaa mishisida; bantta iita oosonkka iza hanqeththida.