ኤርማሳ ቲንቢቴ 51:9 - Geeshsha Maxaafa

⁹ «Asay, ‹Nuni Baabiloone paththanaas baaxetidos; iza gidikko paxana dandayukku; izi pirday pude salo gakkida gishshas shaaran gakkanaaska dhoqqu gida gishshas izo aggaagidi ane nu dere dere simmoos.

ጋሞ ማጻፋ

⁹ «ኣሳይ፥ ‹ኑኒ ባቢሎኔ ፓናስ ባጼቲዶስ፤ ኢዛ ጊዲኮ ፓጻና ዳንዳዩኩ፤ ኢዚ ፒርዳይ ፑዴ ሳሎ ጋኪዳ ጊሻስ ሻራን ጋካናስካ ቁ ጊዳ ጊሻስ ኢዞ ኣጋጊዲ ኣኔ ኑ ዴሬ ዴሬ ሲሞስ።

ኤርማሳ ቲንቢቴ 51:9 Iomraidhean Croise

2ታሪኬ ማጻፋ 28:9

Odeede geetettiza GODAA nabey Samaariyan dees; Odeedi Samaariya yiza olanchchatara gayttanaas kezidi, «Be7ite, intte aawata GODAY Yuhuda hanqettida gishshas intte kushen aaththi immides; gido attiin intteka wogay baynda hanqo hanqettidi istta wursideta.

ኢዝራ ማጻፋ 9:6

«Ta Xoossawu! Nu nagaray nuuppe daro gididayssaninne nu mooroy salo gakkidayssa gishshas tani neekko pude dhoqqu gaada xeellanawu babbayssinne yeellatays.

ኢሳያሳ ቲንቢቴ 13:14

Shankkatizaadefe baqatiza genessa mala, heemmizaadey baynda dorsa wude mala, asi ubbay ba asaakko asaakko simmana; issoy issoy ba dere baqatana.

ኢሳያሳ ቲንቢቴ 47:15

Naateththafe doommada ne isttara daaburdayti, ne isttara zal7idayti, istti ooththana dandayzay hayssa xalla; issoy issoy ba mooro gujji gujji baana; gido attiin nena ashshanay deenna» gees.

ኤርማሳ ቲንቢቴ 46:16

Iza kaalliza asati zaari zaari dhuphettana; issoy issaa bolla kundana; ‹Ane dendite! Gede nu derenne nu asaakko ane simmoos; morkke mashshafekka ane kessi ekkoos› gaana.

ኤርማሳ ቲንቢቴ 46:21

Miishshan shametti yida izi olanchchati modhdhida wofano mala. Istti qaxxayettana wodey gakkida gishshassinne istti dhayanaas wodey matida gishshas istti issife guye simmi baqatana; ba dizason minni eqqidi eqettanaas dandayettenna.

ኤርማሳ ቲንቢቴ 50:16

Baabilooneppe zereththi zerizayssa, kaththa shiisho wode cakkanaas baaca oykkidayssa dhayssite; un7eththizayta mashshafe dendidayssan issoy issoy ba asaakko simmo; ba derekka baqato.

ኤርማሳ ቲንቢቴ 8:20

Histtiin asay, «Hekko kaththa shiishsho wodey aadhdhides; boneykka wurides; nunikka attibeekko» giidi waasseettes.

ሆሴኤ ቲንቢቴ 7:13

Istti taappe haakki bida gishshas isttas aayye ana! Ta bolla istti makkallida gishshas istta bolla dhayssizaazi yo; Tani istta wozzana koyadis; istti gidikko ta bolla wordo haasayeettes.

ዮሃኒሳ ኣጁታ 18:4

Qasseka hara qaalay saloppe, «Ta deretoo! Intte izira izi nagaran zuppetontta malanne izo gakkiza boshaa intte izira gishetti ekkontta mala izippe shaaketti kezite.

ዮሃኒሳ ኣጁታ 18:5

Izi nagaray doorettidi pude salo gakkides; Xoossika izi mooroza akeekides.