ኤርማሳ ቲንቢቴ 50:2 - Geeshsha Maxaafa

² «Kawoteththata ubbaa giddon awajjite! Bandira dhoqqu histti oykkidi awajjite! Aykkoka ashshontta dishe, ‹Hekko Baabilooney oykettana; Beeley kawuyana; Mardukey shiron kumana; izi eeqa xoossati kawuyana; izi eeqa misleti meqerettana› giite.

ጋሞ ማጻፋ

² «ካዎቴታ ኡባ ጊዶን ኣዋጂቴ! ባንዲራ ቁ ሂስቲ ኦይኪዲ ኣዋጂቴ! ኣይኮካ ኣሾንታ ዲሼ፥ ‹ሄኮ ባቢሎኔይ ኦይኬታና፤ ቤሌይ ካዉያና፤ ማርዱኬይ ሺሮን ኩማና፤ ኢዚ ኤቃ ጾሳቲ ካዉያና፤ ኢዚ ኤቃ ሚስሌቲ ሜቄሬታና› ጊቴ።

ኤርማሳ ቲንቢቴ 50:2 Iomraidhean Croise

ዬ ማጻፋ 64:9

He wode asay ubbay Xoossas yayyana; Xoossa ooso qonccen yootana; izi ooththidayssaka yuushshi qoppana.

ዬ ማጻፋ 96:3

Kawoteththata giddon iza bonchcho qonccisite; asa ubbaa giddon malalisiza iza ooso awajjite.

ዬ ማጻፋ 97:7

Misletas goynnizaytinne eeqa xoossatan ceeqettizayti ubbay yeellatetto! eeqa xoossati Ubbay GODAAS gulbatetto!

ኢሳያሳ ቲንቢቴ 12:4

He wode intte GODAA galatite! Iza sunththaaka xeygite. Izi ooththidayssa kawoteththata giddon erisite. Iza sunththay dhoqqu dhoqqu gidayssa awajjite.

ኢሳያሳ ቲንቢቴ 13:2

aykkoy baynda mela diza zumbulla bolla malata essite; intte qaala dhoqqu histti waassite; istta shuumeta pengera gelana mala malata bessite.

ኢሳያሳ ቲንቢቴ 21:9

Be7ite, issi asi paratan gooshettiza para-gaaretan yides; histtidi, ‹Baabilooney kundadus! Kundadus! izi eeqa xoossa misletikka meqeretti gaden kundida› gi zaarides» gi waassides.

ኢሳያሳ ቲንቢቴ 37:19

Istta xoossata taman xuuggida; istta xoossati wonikka miththafenne shuchchafe asa kushen masetti kezida misleppe attiin xoossata gidettenna.

ኢሳያሳ ቲንቢቴ 39:1

He wode Baabiloone kawoy Balidaane naa, Marodoke-Baldaaney Hizqiyaasi hargi paxida gishshas dabdaabbenne imota izas yeddides.

ኢሳያሳ ቲንቢቴ 46:1

Beeley kawuyides; Neboy keehi guuxxides; istta eeqa xoossati caana mehetan caanettida; istti oykki yuuyiza misleti tooho; daaburda medosatas deexo ba7o.

ኢሳያሳ ቲንቢቴ 48:20

Baabiloone biittafe kezite; Baabiloone asaappe baqatite! Hayssa ililisan erisite; awajjite; biitta gaxa gakkanaas yootite; «GODAY ba ashkaraa Yaaqoobe wozzides» giite.

ኢሳያሳ ቲንቢቴ 48:6

«Hayta ha yo7ota ne siyadasa; ane ubbaaka xeella; istti likke gididayssa neni ne hu7era markkattikii? Ha7ippe doommada ooraththa miishshata, neeppe geemmidaytanne ne erontta yo7ota ta nees yootana.

ኤርማሳ ቲንቢቴ 10:11

GODAY, «Intteka, ‹Heyti salonne sa7a medhdhontta xoossati sa7appenne salo garsafe dhayana› geeta» gees.

ኤርማሳ ቲንቢቴ 10:15

Istti coo qidhes medhettida miishsha. Pirday istta bolla gakkiza wode istti dhayana.

ኤርማሳ ቲንቢቴ 31:10

«Intteno kawoteththatoo GODAA qaala siyite! Haahon diza abba gaxatankka, ‹Isra7eele laalliday izi istta zaari shiishshana; ba wudezakka heenththanchcha mala izi heemmana› giidi awajjite.

ኤርማሳ ቲንቢቴ 4:16

«Kawoteththatas yootite; Yerusalaameskka, ‹Dooddi un7eththizayti haaho biittafe yaana; Yuhuda katamata bollaka ceeqettana;

ኤርማሳ ቲንቢቴ 4:6

Xiyoone gelanaas bandira oykkite! eeson baqati attite; Ays giikko tani pudeha baggafe hanqonne bash ehana.

ኤርማሳ ቲንቢቴ 46:14

«Hayssa Gibxen yoota; qasse Gibxe katamatan Migidoolen, Memppisaninne Xaafinaasen awajja. Intte yuushon dizayta mashshay maana giigettida gishshas intte dizason dizason giigetti uttite.

ኤርማሳ ቲንቢቴ 50:46

Baabiloone kundeththa giirissi biitta qaaththana; izi waasoy kawoteththa ubbaa garsan kooshumana» gees.

ኤርማሳ ቲንቢቴ 51:12

Baabiloone gimbeta bolla malata essite; minththi naagite; zabe naagizayta essite; zamadi uttidi olizayta giigsite. GODAY Baabiloone asaa bolla qoppida qofaanne ba halchcho polana.

ኤርማሳ ቲንቢቴ 51:27

«Biitta ubbaa bolla bandira denththite; kawoteththata giddon zaye punnite; kawoteththata izi bolla olas giigsite; Araraate, Minaanenne Ashkenaaze kawota olas izi bolla xeygi shiishshite; ola gadawa izi bolla shuumite; boole wude mala parata izi bolla yeddite.

ኤርማሳ ቲንቢቴ 51:31

Katamaya mulera oykettidayssa Baabiloone kawos yootanaas issi yombay hara yombas, issi qasttanney hara qasttannes heerakka toho bolla kaallees.

ኤርማሳ ቲንቢቴ 51:44

Beele tani Baabiloonen qaxxayana; izi mittidayssaka ta cooshshana; hayssafe kawoteththay izakko goggenna; Baabiloone gimbey kundana.

ኤርማሳ ቲንቢቴ 51:47

Tumappe tani Baabiloone eeqa xoossata qaxxayana wodey yaana; biittaya kumeth kawuyana; siifettidayti ubbay izin porccu gi kundana.

ኤርማሳ ቲንቢቴ 51:52

Gido attiin GODAY, «Baabiloone eeqa xoossata qaxxayana wodey yaana; izi biitta ubbaan madunxidayti goottarana.

ኤርማሳ ቲንቢቴ 51:8

Baabilooney qoppontta dashe kunda meqqana; hessa gishshas izis waassite! Oonee erizay iza paxanaakko izi madunththaska dhale koyite.

ኤርማሳ ቲንቢቴ 52:31

Yuhuda kawo Iyo7aakiney di7ettida heedzdzu tammanne laappunththa layththan Yori-Marodeeqey Baabiloonen kawotides; he layththankka tammanne nam7anththa aginan nam7u tammanne ichchashanththo gallassan Yuhuda kawo Iyo7aakine qoppides; qasho keeththafekka iza kessides.

ኤርማሳ ቲንቢቴ 6:18

Hessa gishshas kawoteththatoo, siyite! Intteno markkatoo! Istta bolla aazi gakkanaakko akeekite.

ዳኔላ ቲንቢቴ 1:2

GODAY Yuhuda kawo Iyo7aaqeme amarda Xoossa Keeththa miishshatara iza kushen aaththi immides; izikka ba xoossa keeththan woththana Sana7oore efides; izi di7i efida Xoossa Keeththa miishsha ubbaaka ba eeqa xoossata miishshe woththiza keeththan woththides.

ዳኔላ ቲንቢቴ 3:14

Kawo Nabukadanaxoorey, «Haytoo Sidiraaqa, Misaaqa, Abdinaago! Intte ta essida worqqa mislezas goynnontta ixxidayssinne ta eeqa xoossatas haggazontta ixxidayssi tumee?

ሶፎናሳ ቲንቢቴ 2:11

GODAY he biitta eeqa xoossata ubbaa dhayssiza wode izi istta yashissizayssa gidana; Abba achchan diza dereti ubbay issoy issoy ba dizason dishe izas goynnana.

ዮሃኒሳ ኣጁታ 18:2

Izi dhoqqa qaalan, «Gita Baabiloona kundadus! Kundadus! kundadus! Daydanththa duussaso gidadus! Tuna ayanatas aqoso gidadus! Harassiza iita kafotas shemposo, iitanne harassiza do7ataska aqoso gidadus.