ኤርማሳ ቲንቢቴ 5:1 - Geeshsha Maxaafa

¹ GODAY, «Ane Yerusalaame ogeta bolla kezidi pudenne duge yuushshi xeellitenne akeekite; derey duulatizasotan xilloteth koyzaynne suure pirdiza kezidi intte issaadeka demmiko tani Yerusalaame maarana.

ጋሞ ማጻፋ

¹ ጎዳይ፥ «ኣኔ ዬሩሳላሜ ኦጌታ ቦላ ኬዚዲ ፑዴኔ ዱጌ ዩሺ ጼሊቴኔ ኣኬኪቴ፤ ዴሬይ ዱላቲዛሶታን ጺሎቴ ኮይዛይኔ ሱሬ ፒርዲዛ ኬዚዲ ኢንቴ ኢሳዴካ ዴሚኮ ታኒ ዬሩሳላሜ ማራና።

ኤርማሳ ቲንቢቴ 5:1 Iomraidhean Croise

1ካዎታ ማጻፋ 19:10

Histtiin Eelaasi, «Ubbaafe Wolqqama GODAA Xoossaas tani keeha zil7ettadis; gaasoykka Isra7eele asay nenara caaqettida caaqoza menththides; nees yarsho yarshizasohotakka laallides; ne nabetakka giththa mashshan wodhides; tani tarkka attadis shin ha7i tanakka wodhana koyeettes» gides.

2ታሪኬ ማጻፋ 16:9

Ba kumeththa wozinappe GODAA ammanettiza as minththeththanaas GODAA ayfey sa7aa bollan ubbaso xeellees. Neni ha yo7ozan eeyateththa ooso ooththida gishshas hachchife doommiin neeppe olay duuxxenna» gides.

ዬ ማጻፋ 12:1

GODAWU! Lo7o asi biitta bollafe wurida gishshas ne tana maaddarkki; deraa giddon ammanettiza asi deenna.

ዬ ማጻፋ 14:2

Xoossa koyzaynne akeekizay de7izakko be7anaas, GODAY saloppe duge asaa xeellees.

ዬ ማጻፋ 14:3

Gido attiin ubbayka ogeppe kare ke7ida; ubbayka mulera go7onttaaz gidida; lo7o ooththizay ooninne deenna; haray atto issaadeyka deenna.

ዬ ማጻፋ 94:16

Makkallanchchata bolla ta gishshas eqettanay oonee? Iita ooththizaytarakka ta gishshas mootettanay oonee?

ሌሚሶ ማጻፋ 20:6

Daro asati bantta kiyateththa yooteettes; gido attiin ammanettiza as ooni demmanaas dandayzee?

ሌሚሶ ማጻፋ 23:23

Tumaa shammafe attiin mulekka bayzoppa; aadho erateth, seeranne akeeka nees miishshe ooththa.

ሌሚሶ ማጻፋ 8:3

Gimbeza lanqen katamata geliza pengen eqqada ba qaala dhoqqu histtada,

Siiqo Saba 3:2

Katama giddon diza ogetaninne dubbushata ubbaan yuuyadis; ta siiqoza demmanaas amottadis; minththadakka koyadis; gido attiin demmanaas dandayabeekke.

ኢሳያሳ ቲንቢቴ 59:4

Xilloteththan mootizay baawa; tumateththan pirdizay oonikka deenna. Hada yo7on ammanetteettes; wordo haasayeettes; shiro qanththatidi iitateth yelida.

ኤርማሳ ቲንቢቴ 2:29

GODAY, «Intte tanara ays mootetteetii? Intte ubbayka ta bolla makkallideta.

ኤርማሳ ቲንቢቴ 44:15

Istta machcheti hara eeqa xoossatas exaane cuwasizayssa eriza attumasati ubbaynne heen diza maccassati ubbay hessika pudeha bagga Gibxeninne dugeha bagga Gibxen diza dere ubbay issife shiiqidi Ermaasas,

ኤርማሳ ቲንቢቴ 8:6

Tani istta lo7eththa ezgadis; istti suure haasayettenna; ta ay ooththadinaa?› gees. Gido attiin ba iita ooso paaxizay issoyka deenna; olas dirgiza para mala ubbayka baas baas woxxees.

ኤርማሳ ቲንቢቴ 9:2

Tani ta deraappe shaakettada haakka baana mala bazzon mandaray aqizasoho taas oonee immanay! Istti ubbayka laymatizaytanne baleththizayta gidida.

ኤርማሳ ቲንቢቴ 9:7

Hessa gishshas Ubbaafe Wolqqama GODAY, «Tani istta birata mala paaccada seerisa geeshshana. Ta deraa nagara gishshas ta hayssafe hara ay ooththana dandayazinaa?

ሂዚቄላ ቲንቢቴ 22:30

«Tani biittayo dhayssontta mala dirsa dirizaade, laalettida baggara ta sinththan izi gishshas eqqizaade intte giddofe ta koyadis; gido attiin issaadeka demmabeekke.

ሂዚቄላ ቲንቢቴ 9:9

Izi zaaridi taas, «Isra7eele keeththa nagaraynne Yuhuda keeththa nagaray keehi darides; biittaya suuth xalla gidadus; qasse katamaya geellateththan kumadus; gaasoykka asay, ‹GODAY biittaa aggides; GODAY be7enna› geettes.

ዳኔላ ቲንቢቴ 12:4

«Daaneela! Neni alame wurseththi gakkanaas hayssa maxaafaza gordada maatamen shoca; he wode asay erateth darsanaas yaanne haa woxerettana» gides.

ኢዩኤሌ ቲንቢቴ 2:9

Istti katamaza worajjana; katama gimbeza bolla istti woxxana; guppi guppidi keeththata bolla kezana; kayso mala maskootera soo gelana.

ኣሞጼ ቲንቢቴ 8:12

Derey wuri pudehappe dugeha gakkanaas arshey mokkizasoppe wullizaso gakkanaas GODAA qaala kosh yaanne haa yeemottanashin demmenna.

ዛካራሳ ቲንቢቴ 2:4

Histtidi izas, «Woxxa baada hessa naateththa addezas, ‹Yerusalaamey izin diza asa daroteththafenne mehe daroteththafe dendoyssan katamaa yuushon gimbe dirsa koshshenna.

ሉቃሳ ሚሺራቾ 14:21

«Oosanchchazi kiitettidasoppe simmidi heedzdzati gidayssa ba godaas yootides; he wodekka gibira giigsidayssi hanqettidi oosanchchaza, ‹Elle oyddu oge kezada manqota, kusheynne tohoy baynda wobbeta, qomaaxatanne ayfey baynda qooqeta haa gelththa› gides.

2ታሶሎንቄ ኣሳስ 2:10

Hessaththoka ekki attontta mala tumaa ixxidi dhayza asata baleththanaas dumma dumma iita oosoy yaana.